Jeremías 43:11 - DIOSPA QHELQACHISQ

¹¹ Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Qheshwa Biblia DC

¹¹ Paytaj Egipto jallp'ata phirita ruwanqa. Pischus wañunankupaj kashanku chaykunaqa wañonqanku, pischus jallp'amanta wijch'usqas kanankupaj kashanku chaykunaqa wijch'usqas kanqanku, pistajchus maqanakupi wañunankupaj kashanku chaykunaqa maqanakupi wañonqanku.

DIOSPA QHELQACHISQAN DEUTEROCANONICAL

¹¹ Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Jeremías 43:11 ပူးပေါင်းရင်းမြစ်များ

Job 20:29

Ajinata Diosqa millayta ruwaspa purejkunata jasut'in. Chaytaqa Dios paykunapaj wakichin, nispa.

Jeremías 15:2

Sichus tapusunkuman: Maymantaj risqaykuri? nispa chayqa, paykunaman niy: Ajinata Tata Dios nin: Millay onqoywan wañunanku kajkunaqa chay onqoywan wañuchunku. Maqanakupi wañunanku kajkunataj maqanakupi wañuchisqa kachunku. Chantá yarqhaywan wañunanku kajkuna yarqhaywan wañuchunku. Jinallataj llajtankumanta waj suyuman apasqa kananku kashan, chaykunaqa apasqapuni kachunku, nispa.

Jeremías 25:15

Israelpa Diosnin Tata Dios niwarqa: Qhawariy: Kay vasoqa vinowan jina phiñakuyniywan junt'a kashan. Chayta makiymanta jap'ispa, ujyachimuy maymanchus kachasqayki, chay tukuy suyukunaman.

Jeremías 25:19

Egiptota kuraj kamachej faraonmanpis ujyachillarqanitaj, jinallataj kamachinkunaman, kurajninkunaman, tukuy runankunamanpis.

Jeremías 42:22

Chayrayku kayta allinta yachaychej: Qankunaqa maqanakupi wañunkichej, yarqhaywan, onqoywantaj, maymanchus tiyakoj ripuyta munashankichej, chaypi, nispa.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Jeremías 44:13

Noqaqa Egiptopi tiyakoj Judá suyumanta kajkunata jasut'isaj, imaynatachus Jerusalenta maqanakuwan, yarqhaywan, onqoywan ima jasut'erqani, ajinata.

Ezequiel 29:11

Chay suyupi mana runakuna, nitaj uywakunapis purenqankuñachu. Tawa chunka wata junt'ata manapuni pi runapis chaypi tiyakonqañachu.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Zacarías 11:9

Chantá ovejakunaman nerqani: Manaña qankunata michisqaykichejchu. Mayqenchus wañunan tiyan, chay wañuchun. Mayqentajchus chinkanan kashan, chay chinkachun. Qhepakojkunarí, ujkuna ujkuna mikhunakuchunkupis, nispa.

Apocalipsis 13:10

Pichus carcelpi wisq'asqa kanan kashan, chayta carcelman wisq'anankupaj apanqanku. Chantá pichus wañuchisqa kanan kashan, chaytapis wañuchenqanku. Chay niyta munan Diospa ajllakusqankunaqa qhatiykachasqa kanata pacienciawan awantanankuta, Diosta mana wasanchaspa.