Jeremías 42:4 - DIOSPA QHELQACHISQ

⁴ Chantá Jeremías paykunaman kuticherqa: Niwasqaykichejqa walejpacha. Tata Diosniykichejmanta qankunarayku mañasaj, imaynatachus mañawasqaykichejman jina. Chantá imatachus Dios kutichiwasqanta, ni imata pakaspa rejsichisqaykichej, nispa.

Qheshwa Biblia DC

⁴ Jeremiastaj paykunaman kuticherqa: Walej, Señor Diosniykichejmanta qankunarayku mañasaj imaynatachus mañawasqaykichejman jina; chantá rejsichisqaykichejtaj tukuy imatachus Dios kutichiwasqanta mana uj chhikanta pakaykurispa.

DIOSPA QHELQACHISQAN DEUTEROCANONICAL

⁴ Chantá Jeremías paykunaman kuticherqa: Niwasqaykichejqa walejpacha. Tata Diosniykichejmanta qankunarayku mañasaj, imaynatachus mañawasqaykichejman jina. Chantá imatachus Dios kutichiwasqanta, ni imata pakaspa rejsichisqaykichej, nispa.

Jeremías 42:4 ပူးပေါင်းရင်းမြစ်များ

Salmos 40:10

10 (11) Cheqan kasqaykimanta parlallarqanipuni. Nisqaykita junt'aj kasqaykimanta, qhespichej kasqaykimantapis willarqani. Jatun tantakuypi cheqan kasqaykimanta, khuyakuyniykimanta ima mana imatapis pakarqanichu.

Éxodo 8:29

29 (25) Moisestaj kuticherqa: Kaymanta llojsispa, noqaqa Tata Diosmanta mañapusqayki, kay ch'uspikunata qanmanta, yanapajniykikunamanta, jinallataj llajta masiykikunamanta ima q'ayapacha karunchananta. Qanrí, amaña q'otiyawaykuchu. Aswanpis israelitakunata kachariy Tata Diosman uywata ñak'aspa jaywamunaykupaj, nispa.

Jeremías 23:28

Sichus uj sut'inchaj mosqokun chayqa, imatachus mosqokuspa rikusqanta willachun. Nisqayta uyarejtajrí chayta maychus kajta willachun. Trigowan, pajawanqa mana kikillanchu kanku.

Jeremías 23:35

Pipis kawsaqenta, chayrí paypa ayllunmanta kajtapis tapukojtenqa, kay jinata niyta atinkichej: Ima nispataj Tata Dios kuticherqari? Imatataj nerqari? nispa.

Jeremías 26:2

Temploypa pationpi sayaspa, imatachus ninaykita kamacherqayki, chayta niy. Judá suyupi llajtakunamanta pikunachus noqata yupaychawaj Temployman jamushanku, chay tukuy runaman nisqayta willanki, amataj uj simillatapis pakankichu.

Ezequiel 2:7

Qanqa noqaj nisqayta paykunaman willay, uyarisuchunkupis amapis. Paykuna mana uyarisonqankuchu, imaraykuchus contraypi oqharikojkuna kanku.

Hechos 20:20

Manataj imatapis qankunamanta pakarqaykichejchu. Aswanpis qankunapaj imachus allin kaj chhikata willarqaykichej. Wasiykichejpi uyapura qankunaman parlarqaykichej jinallatataj tukuypa uyarinantapis yachachillarqaykichejtaj.

Hechos 20:27

imaraykuchus mana imata pakaspa, imatachus Dios ruwayta munasqanta qankunaman willarqaykichej.

Romanos 10:1

Wawqe panakuna, noqa tukuy sonqo munani, jinataj Dioswan parlarikuspa mañakuni israelitakuna qhespichisqa kanankupaj.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.