Jeremías 42:22 - DIOSPA QHELQACHISQ

²² Chayrayku kayta allinta yachaychej: Qankunaqa maqanakupi wañunkichej, yarqhaywan, onqoywantaj, maymanchus tiyakoj ripuyta munashankichej, chaypi, nispa.

Qheshwa Biblia DC

²² Chayrayku allinta yachakuychej, qankunaqa maqanakupi wañunkichej, yarqhaywan, onqoywantaj, may jallp'amanchus tiyakamoj riyta munashankichej chaypi.

DIOSPA QHELQACHISQAN DEUTEROCANONICAL

²² Chayrayku kayta allinta yachaychej: Qankunaqa maqanakupi wañunkichej, yarqhaywan, onqoywantaj, maymanchus tiyakoj ripuyta munashankichej, chaypi, nispa.

Jeremías 42:22 ပူးပေါင်းရင်းမြစ်များ

Isaías 30:3

Chayrayku paykunata nini: Faraonpa kallpanman atinikusqaykichejqa p'enqaypi rikhurichisonqachej. Egiptoj ojllayninpi pakakuyta munasqaykichejtaj k'umuykuchisqa kanaykichejpaj kanqa.

Jeremías 24:10

Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 42:17

Pikunachus Egiptoman ripuspa, tiyakamuyta munashankichej, tukuyniykichej chaypi maqanakupi wañunkichej. Manachayrí yarqhaywan, chantá onqoywan ima wañunkichej. Manapuni pipis kawsashajqa qhepakonqachu, nitaj pipis ñak'ariykunata qankunaman kachaykamusqaymanta llusp'enqachu, nispa.

Jeremías 43:11

Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Ezequiel 33:27

Paykunata nillaytaj: Tukuyta Kamachej Tata Dios kay jinata nin: Noqa kawsayniyrayku tiluspa nini: Pikunachus raqayman tukuchisqa llajtapi tiyakushanku, chaykunaqa espadawan wañurachisqa kanqanku. Campopi kawsajkunatataj k'ita animalkunaman jaywaykusaj. Pikunachus qaqakunapi, jusk'ukunapi tiyakushanku, chaykunarí onqoywan wañuranqanku.

Ezequiel 6:11

Tukuyta Kamachej Tata Dios kaytawan nin: Qhasqoykita takakuy, chakiykikunawantaj zapateyay. Israel ayllu millayta ruwasqanmanta llakiywan qhapariy, imaraykuchus maqanakupi, yarqhaywan, onqoywan ima wañonqanku.

Ezequiel 6:12

Karupi kajkunaqa onqoywan wañonqanku, qayllapi kajkunataj maqanakupi tinkuspa wañonqanku. Kawsashajkunataj yarqhaywan wañonqanku. Ajinata phiñakuyniyta paykunawan thasnukusaj.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.