Jeremías 42:2 - DIOSPA QHELQACHISQ

² Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Qheshwa Biblia DC

^2-3 Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

DIOSPA QHELQACHISQAN DEUTEROCANONICAL

² Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Jeremías 42:2 ပူးပေါင်းရင်းမြစ်များ

1 Reyes 13:6

Chantá kuraj kamachej Jeroboanqa Diosmanta sut'inchajta nerqa: Mañakuyki Tata Diosniykimanta mañapunawaykita kay makiy qhaliyapunanpaj, nispa. Diosmanta sut'inchajtaj Tata Diosmanta mañarqa, kuraj kamachejpa makintaj qhaliyaporqa.

Salmos 119:170

Mañakusqayqa qankama chayamusuchun, nisqaykiman jinataj kacharichiway.

Éxodo 8:28

28 (24) Faraontaj nerqa: Ch'innejman rispa, Tata Diosniykichejman uywata ñak'aspa jaywamunaykichejpaj kachasqaykichej. Chaywanpis mana ancha karumanchu rinaykichej tiyan. Chantá chaypi kashaspa, noqaraykupis mañapullawaychejtaj ari, nispa.

Éxodo 9:28

Tata Diosmanta mañaychej ari, illapakuna, chijchi para ima sayananpaj. Chantá noqa kacharipusqaykichej, manaña astawan jark'asqaykichejchu, nispa.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 37:4

Ichapis Tata Diosniyki Asiriamanta soldadokunata kamachejpa nisqanta uyarin, pitachus Asiriata kuraj kamachej kachamun kaypi Kawsaj Diospa contranta parlananpaj, chaypata. Tata Diostaj payta imatachus parlasqanmanta jasut'ichun. Chayrayku Tata Diosmanta mañapuwayku ari, kaypi mashkhachus puchunchejraj, chaykunapaj, nispa.

Isaías 42:20

Tukuy imata qhawashaspapis, mana imatapis reparankichu. Uyariyta atishaspapis, mana imatapis uyarinkichu.

Jeremías 15:11

Chantá Tata Dios nerqa: Noqa waqaychasqayki, Jeremías. Chantá awqaykikuna mañakusonqanku paykunapaj mañapunaykita, paykuna llakiypi, ñak'ariypi ima kashajtinku.

Jeremías 2:27

Qankunaqa uj k'ulluta ninkichej: Qan tatay kanki, nispa. Uj rumitataj ninkichej: Qan mamitay kanki, nispa. Noqatatajrí wasanchawankichej, wajnejmantaj qhawaykachankichej. Ñak'ariypi rikhurispalla, niwankichej: Jamuy yanaparinawaykupaj, nispa.

Jeremías 21:2

Tata Diosta tapuripuwayku, imaraykuchus Babiloniamanta kuraj kamachej Nabucodonosor contraykuta maqanakoj jamushan. Ichapis Tata Dios uj t'ukuna imata ruwayta munanman, Nabucodonosorta karunchachinanpaj, nispa.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 37:20

Kunanqa wiraqochi kuraj kamachejníy, uyariway imatachus mañarikusqayta: Ama saqeychu ujtawan qhelqeriyki Jonatanpa wasinpi wisq'anawankuta, ama chaypi wañunaypaj, nispa.

Jeremías 37:3

Mana kasojtinkupis, kuraj kamachej Sedequiasqa Selemiaspa churin Jucalta, jinataj Maseiaspa churin sacerdote Sofoniasta ima kacharqa Jeremiasta kay jinata nimunankupaj: Noqaykurayku Tata Diosmanta mañapuwayku, nispa.

Jeremías 38:14

Chaymantataj kuraj kamachej Sedequiasqa Jeremiasta ñawpaqenman pusamunankuta kamacherqa, Tata Diospa Templonpa kinsa kaj punkunnejman. Chaypitaj kuraj kamachejqa payta nerqa: Ujta tapurikusqayki. Ama imatapis pakaspa, sut'inta willaway, nispa.

Jeremías 40:15

Chaypacha Careaj churin Johanán Mispapi Gedaliasman pakayllapi nerqa: Noqa rispa, Netaniaspa churin Ismaelta wañurparichimusaj, manataj pipis yachanqachu pichus wañuchisqanta. Imaraykutaj saqeykuman pay qanta wañuchinasuntari? Wañuchisunkumanchus chayqa, Judá suyumanta qanman jamusojkuna ch'eqerachisqa kankuman, Judamanta puchoj runakunapis chinkankuman, nispa.

Jeremías 42:20

Qankuna jatunta pantarqankichej, maypachachus kay jinata niwarqankichej chaypacha: Tata Diosniykimanta noqaykurayku mañaripuwayku, chantá sut'inchawayku imatachus kamachiwasqaykuta, chayman jina ruwanaykupaj, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Ezequiel 12:16

Chaywanpis paykunamanta uj pisita wañuymanta, yarqhaymanta, onqoymantawan ayqechisaj, ajinapi maymanchá renqanku, chay suyukunapi imaymana millay ruwasqankumanta willakunankupaj. Chantaraj noqa Tata Dios kasqayta yachanqanku, nispa.

Oseas 8:10

Waj suyukunaman t'inkakunata rak'irachun chaypis, noqa paykunata ch'eqerachisajpuni. Jinamanta pisi tiempota mana kuraj kamachejkuna nitaj kurajkunapis kanqachu,

Levítico 26:22

Qankunaman phiña k'ita animalkunata kachaykamusaj, chaykunataj wawaykichejta mikhonqanku, uywaykichejtapis tukuchenqanku. Jinamanta qankuna pisiyankichej, ñanniykichejkunatapis manaña pipis purej kanqachu.

Amós 7:2

Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.

San Mateo 24:22

Manachus Dios chay p'unchaykunata pisiyachinman chayqa, mana pipis qhespichisqachu kanman. Aswanpis payqa ajllakusqankunata munakusqanrayku chay p'unchaykunata pisiyachenqa.

Hechos 8:24

Simontaj nerqa: Ama jina kaspa, qankuna Diosmanta mañaripuwaychej ari, chay nisqaykichejmanta ama imapis chayamunawanpaj, nispa.

Deuteronomio 28:62

Tata Diosniykej siminta mana jap'ikusqaykirayku, mana yupay atina ch'askakuna jina kashaspapis pisiman tukupunki.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.

Santiago 5:16

Chayrayku, ujkuna ujkuna juchaykichejta rimarinakuychej, jinallataj ujkuna ujkunapaj Diosmanta mañapuychej, Tata Dios qhaliyachisunaykichejpaj. Cheqan runa tukuy sonqo Diosmanta mañakojtin, Dios uyarenqapuni.

1 Samuel 12:19

Chayrayku tukuyninku Samuelta nerqanku: Tata Diosniykimanta noqaykurayku mañaripuwayku ari, ama wañunaykupaj. Kuraj kamachejta mañakuspa, juchaykuman astawan yapaykukuyku, nispa.

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

1 Samuel 7:8

Chantá Samuelta nerqanku: Tata Diosmanta noqaykupaj mañapullawaykupuni ari, filisteokunaj makinkumanta kacharichinawaykupaj, nispa.