Jeremías 42:1 - DIOSPA QHELQACHISQ

¹ Soldadokunata kamachejkuna ukhumanta Careajpa churin Johanán, Osaiaspa churin Jezaniaspis, jinataj tukuy runakuna juch'uymanta jatunkama,

Qheshwa Biblia DC

¹ Tukuy kamachejkuna soldados ukhumanta, Careaj wawan Johanampis paykunallawantaj, Oseaspa wawan Azariaspis, jinataj tukuy aylluntimpi juch'uymanta jatunkama qayllarqanku.

DIOSPA QHELQACHISQAN DEUTEROCANONICAL

¹ Soldadokunata kamachejkuna ukhumanta Careajpa churin Johanán, Osaiaspa churin Jezaniaspis, jinataj tukuy runakuna juch'uymanta jatunkama,

Jeremías 42:1 ပူးပေါင်းရင်းမြစ်များ

2 Reyes 25:23

Chantá Judamanta soldadokunata kamachejkuna, soldadokuna ima chayta yachaspa, Mispá llajtapi Gedaliaswan parlaj rerqanku. Chaykuna karqanku: Netaniaspa churin Ismael, Careajpa churin Johanán, netofatita Tanjumetpa churin Seraías, uj macatitaj churin Jazanías ima. Chaykuna soldadonkukunawan jamorqanku.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Jeremías 37:3

Mana kasojtinkupis, kuraj kamachej Sedequiasqa Selemiaspa churin Jucalta, jinataj Maseiaspa churin sacerdote Sofoniasta ima kacharqa Jeremiasta kay jinata nimunankupaj: Noqaykurayku Tata Diosmanta mañapuwayku, nispa.

Jeremías 40:13

Chaymanta qhepamanrí Careajpa churin Johananwan, pikunachus campopi qhepakusqanku soldadokunata kamachejkunapiwan ima Mispaman Gedaliaswan parlaj rerqanku.

Jeremías 40:8

Chantá judío soldadokunaqa Mispapi Gedaliaswan parlaj rerqanku. Paykuna ukhupi kasharqanku Netaniaspa churin Ismael, Careajpa churinkuna Johanán, Jonatán, chantá Tanjumetpa churin Seraías, Netofamanta Efaypa churinkuna, jinataj Macamanta uj runaj churin Jezaniaspiwan, jinataj tukuy soldadonkuwan ima.

Jeremías 41:11

Aswan qhepanejman Careajpa churin Johanán, jinataj paywan kasharqanku, chay soldadokunata kamachejkuna ima uyarerqanku Netaniaspa churin Ismael imaynatachus chay runakunata wañuchisqanta.

Jeremías 41:16

Chantá Careaj churin Johanán, paywan risharqanku, chay kurajkunapiwan soldadokunata, warmikunata, wawakunata, jinataj kurajkunatawan pusakamporqanku. Pikunatachus Netaniaspa churin Ismael Ajicanpa churin Gedaliasta wañuchiytawankama Mispamanta apasharqa, chaykunata Johanán watej Gabaonmantapacha kutichimorqa.

Jeremías 41:18

Ajinata Caldeo soldadokunamanta ayqeyta yuyarqanku, imaraykuchus manchachikorqanku imatachus Babiloniata kuraj kamachej ruwananta Netaniaspa churin Ismaelqa Ajicanpa churin Gedaliasta wañuchisqanmanta. Kikin Babiloniata kuraj kamachejmin Gedaliasta churasqa Judapi kamachej kananpaj.

Jeremías 42:20

Qankuna jatunta pantarqankichej, maypachachus kay jinata niwarqankichej chaypacha: Tata Diosniykimanta noqaykurayku mañaripuwayku, chantá sut'inchawayku imatachus kamachiwasqaykuta, chayman jina ruwanaykupaj, nispa.

Jeremías 42:8

Chantá Jeremiasqa Careajpa churin Johananta wajyarqa, jinallataj paywan kashaj soldadokunata kamachejkunatapis. Jinallataj tukuy runata juch'uymanta jatunkama wajyallarqataj.

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Jeremías 44:12

Judamanta puchojkuna, pikunachus Egiptoman tiyakapoj ripuyta munarqankupuni, chaykuna Egipto suyupi espadawan chayrí yarqhaywan wañuchisqa kanqanku. Tukuyninku juch'uymanta, jatunkama wañuchisqa kanqanku maqanakupi, chayrí yarqhaywan, tukuypa rikunantataj maldicisqa, t'ukunapaj jina, may k'umuykachachisqataj kanqanku.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Ezequiel 11:1

Chaymanta Diospa Espirítun pataman oqhariwaspa, Tata Diospa Templonman apawarqa, inti llojsimuy punkunejman. Chay punkupi iskay chunka phishqayoj runakuna kasharqanku. Paykunawan khuskataj Azurpa churin Jazaniasta rikorqani, chantá Benaiaspa churin Pelatiastawan. Paykunaqa llajtapi kurajkuna karqanku.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Ezequiel 8:11

Chay lantikunaj ñawpaqenkupitaj Israel ayllumanta qanchis chunka kurajkuna sayasharqanku. Safanpa churin Jazaniaspis paykunawan kasharqa. Chantá sapa ujninku incienso q'oshñichinayoj karqanku, incienso q'oshñitaj phuyu jina llojsisharqa.

San Mateo 15:8

Dios nin: Kay runakunaqa simillankuwan jatunchawanku, sonqonkupitajrí ni noqamanta yuyarikullankupischu.

Hechos 8:10

Tukuy runataj juch'uymanta jatunkama Simonmanta nej kanku: Kay runapi Diospa jatun atiynin tiyan, nispa.