Jeremías 41:7 - DIOSPA QHELQACHISQ

⁷ Chaywanpis chay runakuna llajtaman yaykojtinkukama, Netaniaspa churin Ismaelwan, runankunapiwan chay runakunata wañurparicherqanku, jinaspataj, uj ch'aki pujyuman ayankuta wijch'uykorqanku.

Qheshwa Biblia DC

⁷ Llajtaman chayamojtinkukamataj, Ismaelqa runasninwan ima ñak'ararqanku, uj pujyumantaj wijch'uykorqanku.

DIOSPA QHELQACHISQAN DEUTEROCANONICAL

⁷ Chaywanpis chay runakuna llajtaman yaykojtinkukama, Netaniaspa churin Ismaelwan, runankunapiwan chay runakunata wañurparicherqanku, jinaspataj, uj ch'aki pujyuman ayankuta wijch'uykorqanku.

Jeremías 41:7 ပူးပေါင်းရင်းမြစ်များ

2 Reyes 15:25

Chantá soldadokunata kamachejmanta ujnin, Remaliaspa churin Pecaj sutiyoj Pecajiaspa contranpi oqharikorqa. Argobwan, chantá Ariewan ima, jinallataj Galaadmanta phishqa chunka runakunawan yanapachikuspa, Pecajiasta Samaria llajtapi kamachinan wasipi wañucherqa. Chantá Pecajqa Pecajiaspa cuentanmanta Israel suyupi kamacherqa.

Salmos 55:23

23 (24) Chaywanpis Diosníy, qan millay runakunata ukhu pachaman chinkaykuchinki. Runa wañuchejkuna, llullakojkunawan imaqa mana unaytachu kawsanqanku. Noqarí qanllapi atinikusaj.

Proverbios 1:16

imaraykuchus paykunaqa mana allin kajta ruwanaman usqhayllata thaskirinku. Runata wañuchinapajqa manchay k'uchi kanku.

Isaías 14:19

Qantajrí covachaykimanta q'opa jina wijch'usqa kanki alqo wañusqa jina. Maqanakupi wañuchisqa runakunawan khuska t'oqoman choqaykusqa kanki.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Romanos 3:15

Runata wañuchinankupaj usqhayllata phawarinku.