Jeremías 40:11 - DIOSPA QHELQACHISQ

¹¹ Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Qheshwa Biblia DC

¹¹ Ajinallatataj tukuy judíos Moabpi, Amompi, Edompi, chay waj nacionespipis kasharqanku chaykuna yacharqanku chay Babiloniamanta reyqa judiosmanta wakin runasta jallp'ankupi saqesqanta, Gedaliastataj kamachejninku kanampaj churaykusqanta.

DIOSPA QHELQACHISQAN DEUTEROCANONICAL

¹¹ Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Jeremías 40:11 ပူးပေါင်းရင်းမြစ်များ

Génesis 36:8

Chayrayku Esauqa, pichus Edom nisqallataj karqa, pay Seir sutiyoj orqonejman tiyakoj riporqa.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Isaías 16:4

Moabmanta ayqekojkunata wajyarikuy ari, chay ñak'arichejkunamantataj paykunata pakaykuriy ari, chay ñak'ariy tukukunankama, nispa. Aswan qhepanejman chay soldadokuna manaña paykunata ñak'arichenqankuchu, jinallataj imankuta qhechoj awqakuna riponqanku.

Jeremías 24:9

Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 41:10

Chay jawa Netaniaspa churin Ismael kuraj kamachejpa ususinkunata jap'erqa, jinallataj Mispapi qhepakorqankuraj, chay runakunatapis, pikunatachus soldadokunata kamachej Nabuzaradán Ajicanpa churin Gedaliaspa makinman churasqa, chaykunata. Ismael paykunata jap'iytawantaj, paykuna pusarisqa Amón suyuman chimpananpaj purirerqa.

Jeremías 43:5

Aswanpis Careaj churin Johanán, soldadokunata kamachejkunapiwan Judamanta puchoj runakunata tantaykorqanku Egiptoman pusanankupaj, pikunachus tukuynejman ch'eqerachisqa kasqankumanta Judaman tiyakoj kutimpusqanku, chaykunata.

Jeremías 43:6

Qharikunata, warmikunata, wawakunata, kuraj kamachejpa ususinkunatawan ima tantallarqankutaj, pikunatachus Babiloniamanta soldadokunata kamachej Nabuzaradanqa Ajicanpa churin Gedaliasman qhawananpaj saqesqa, chaykunata. Jinallataj Diosmanta sut'inchaj Jeremiasta, Neriaspa churin Baructawan ima tantallarqankutaj.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Ezequiel 25:12

Tukuyta Kamachej Tata Dios kay jinata nillantaj: Edomqa Judawan vengakorqa, chayta ruwasqanraykutaj may jatun juchayoj rikhurin, nispa.

Ezequiel 25:2

Runaj churin, amonitakunaj suyunku qhawarisqa contrankuta sut'inchay.

Ezequiel 25:6

Tukuyta Kamachej Tata Dios nillantaj: Amonitakuna, qankunaqa kusikuspa, t'ajllarakorqankichej, manchaytataj phinkiykacharqankichej. Israelmanta runakunata chejnikuspataj, mayta kusikorqankichej.

Ezequiel 25:8

Tukuyta Kamachej Tata Dios kay jinata nin: Moabwan, Seirwanqa Judá ayllumanta ninku: Judá suyoqa mayqen suyu jinalla, nispa.

Ezequiel 34:6

Ovejaykuna tukuy lomakunapi, tukuy orqokunapi chinkasqa purerqanku, tukuynejpi ch'eqerasqa. Chaywanpis mana pipis paykunamanta khuyarikoj karqachu, nitaj mask'amojpis rerqachu.

Ezequiel 35:15

Israel suyu phirisqa rikhurejtin, qan kusikorqanki. Chayrayku chay jinallatataj qanta ruwasqayki. Seir orqo, Edom suyu phirisqa, ch'inmantaj tukuchisqa kanki. Chaypachataj qan yachanki noqa Tata Dios kasqayta, nispa.

Ezequiel 35:5

Qankuna israelitakunaj wiñay awqanku kaspa, maypachachus paykuna manchay llakiypi kasharqanku chaypacha, paykunata maqanakuspa, wañuracherqankichej.

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:3

Jinallataj uj pisi chujchaykita jap'ispa, p'achaykej kantunman wataykuy.

Números 22:1

Israelitakuna chaymanta puririspa, Moab suyoj vallenpi jarakorqanku. Chayqa Jericó chimpapi, Jordán mayoj inti llojsimuynejpi kashan.

Números 25:1

Israelitakuna Sitinpi tiyakushajtinku, wakin qharikuna Moabmanta warmikunawan khuchichakuyta qallarerqanku.

Números 25:2

Chay warmikunaqa lantinkuman uywa ñak'asqata jaywana raymiman israelitakunata wajyarqanku. Israelitakunataj moabitakunaj lantinkoj sutinpi wayk'usqa mikhunata mikhuysikorqanku, paykunaj diosninkutataj yupaycharqanku.

1 Samuel 11:1

Amón suyoj kuraj kamachejnin Najasqa soldadonkunawan ima Galaadpi Jabés llajtaman rerqa, jap'inanpajtaj chay llajtata muyuykorqa. Jabés llajtayojkunarí nerqanku: Noqaykuwan uj tratota ruwana, noqaykutaj kamachiyniykipi kasqayku, nispa.

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.