Jeremías 4:7 - DIOSPA QHELQACHISQ

⁷ Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Qheshwa Biblia DC

⁷ Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

DIOSPA QHELQACHISQAN DEUTEROCANONICAL

⁷ Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 4:7 ပူးပေါင်းရင်းမြစ်များ

2 Reyes 24:1

Joacín kamachishajtin, Babilonia suyuta kuraj kamachej Nabucodonosor Judá suyoj contranpi maqanakoj jamuspa, Joacinta atipaykorqa. Jinataj Judá suyoqa kinsa watata kuraj kamachej Nabucodonosorpa makinpi karqa. Chay kinsa wata pasaytataj Joacín kuraj kamachej Nabucodonosorpa contranpi oqharikorqa.

2 Reyes 25:1

Sedequías jisq'on watataña kamachishajtin, chunka kaj killapi, chunka kaj p'unchaypi, Babilonia suyuta kuraj kamachej Nabucodonosor tukuy soldadonkunawan jamuspa, Jerusalenta jap'inanpaj muyuykorqa. Llajtaj muyuyninpitaj torrekunata ruwarqa.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Isaías 5:9

Tukuy Atiyniyoj Tata Dios tiluspa nin: Ashkha wasi thuñisqa kanqanku, jatuchaj k'achitu wasikuna kajtinpis, manaña pipis chaypi tiyakonqachu.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 22:6

Tata Dios Judata kuraj kamachejpa ayllunmanta nillantaj: Galaad orqo jina qan noqapaj kanki, Líbanoj orqo puntan jinataj. Kunantajrí tiluspa kayta nini: Ch'inman, mana runayoj llajtaman tukuchisqayki.

Jeremías 22:7

Tukuchisunankupaj sumaj armasqa soldadokunata contraykipi kachamusaj. Paykunataj cedromanta sayantaykikunata urmachispa, ninaman enqhaykonqanku.

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 26:9

Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 27:8

Mayqen suyupis, chayrí kamachejkunapis Nabucodonosorpa kamachiyninpi kayta mana munajkunataqa, noqa chay suyukunata maqanakuywan, yarqhaywan, onqoywan ima jasut'isaj tukuyninku paypa atiyninman yaykunankukama. Noqa Tata Diosmin chayta nini.

Jeremías 33:10

Tata Dios nillantaj: Qankuna ninkichej: Kay cheqaqa ch'in mana runayoj nitaj uywayoj kashan, nispa. Chaywanpis Jerusalenpa callenkunapi, jinataj Judáj llajtankunapipis, mayqenchus kunan ch'usajpacha kashanku, mana runayoj, nitaj uywayoj, chaypi kusiy takiykuna watej uyarikullanqataj

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 4:29

Caballokunapi jamojkunaj, jinallataj arcowan flechajkunaj ch'ajwasqankuta uyarispa, runakuna usqhay usqhayta ayqenku, ch'umi ukhuman pakakamunankupaj, chayrí qaqa k'ajllukunaman. Tukuy llajtakuna ch'usaj wasilla qhepakunku. Manaña pipis chaypi tiyakoj kanñachu.

Jeremías 44:2

Israelpa Tukuy Atiyniyoj Tata Diosnin kay jinata nin: Qankuna rikorqankichej noqa tukuy ñak'ariykunata Jerusalén llajtaj contranta kachaykamusqayta, jinataj Judá suyupi kaj llajtakunamanpis. Kunan chay llajtakuna raqayllaña kashanku, manataj pipis chaykunapi tiyakunñachu.

Jeremías 46:18

Tukuy Atiyniyoj Tata Dios sutiyoj Tukuyta Kamachejrí nin: Sutiyrayku tiluspa, nini: Tabor orqo jina, tukuy orqokunamanta aswan jatun kaj, Carmelo orqo jinataj mama qocha kantupi may pataman oqharisqa, ajinamin, pichus jamushan, chay awqaqa.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:44

Ajinata Tata Diosqa Babiloniaj contranpi nin: Imaynatachus león Jordán mayu kantupi ch'umi ukhumanta ujllata llojsimuspa, sumaj wira uywaman phinkiykun, ajinata noqapis jamusaj, Babiloniamanta kajkunatataj chaynejmanta ayqechisaj. Chantá ajllakusqay kamachiyta churasaj chaypi kamachinanpaj. Pitaj noqa jina kanmanri? Pitaj noqaman sayaykuwanmanri? Mayqen michejtaj ñawpaqeypi sayanmanri?

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Ezequiel 12:20

Tukuy llajtakunaqa raqayman tukuchisqa kanqanku, jallp'ataj mana imayoj t'ajra pampa qhepakonqa. Chaypacharaj qankuna noqa Tata Dios kasqayta yachankichej, nispa.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Ezequiel 32:2

Runaj churin, Egiptoj kuraj kamachejninpaj kay jina yarawita takipuy: Qanqa suyukuna ukhupi leonman rijch'akunki. Mama qochapi tiyakoj sierpemanpis rijch'akullankitaj. Mayuykipi qhoshpanki, yakutapis chakiykiwan qonchuyachinki, jinallataj wayq'opi yakutapis ch'akichinki.

Daniel (hebreo) 5:19

Dios payman atiyta qosqanrayku, tukuy ayllumanta kajkuna, waj suyukunamanta kajkuna, tukuy imaymana parlayniyoj runakunapis payman k'umuykorqanku, ñawpaqenpitaj kharkatiterqanku. Paytaj munasqanman jina pitapis kawsajta saqej, manachayrí wañuchichej. Wakinkunata jatuncharqa, wakinkunatatajrí k'umuykucherqa.

Daniel (hebreo) 7:4

Ñawpaj kaj leonman rijch'akusqa chaypis, anka lijrayoj kasqa. Qhawashajtillay, lijrankunata sik'iraspa, pampapi runata jina iskay chakimanta sayarichisqanku. Chaymantataj runaj yuyayninta payman qollasqankutaj.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.