Jeremías 4:6 - DIOSPA QHELQACHISQ

⁶ Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Qheshwa Biblia DC

⁶ Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

DIOSPA QHELQACHISQAN DEUTEROCANONICAL

⁶ Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Jeremías 4:6 ပူးပေါင်းရင်းမြစ်များ

Isaías 62:10

Punkunkunanejta puriychej, aylluy kutimpunanpaj ñanta pichapuychej. Ñankunaj t'oqonta junt'achiychej, ñanmanta rumikunatataj wijch'uychej. Tukuy runakuna rikunankupaj wiphalatapis pataman oqhariychej.

Jeremías 10:22

Uyariychej, uj llakiy willay chayamun. Wichaynejmanta may chhika soldadokuna jamushanku, chaykunataj Judá suyupi llajtakunata raqayman tukuchenqanku. Chaypi k'ita alqokunallaña kawsanqanku, nispa.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 22:7

Tukuchisunankupaj sumaj armasqa soldadokunata contraykipi kachamusaj. Paykunataj cedromanta sayantaykikunata urmachispa, ninaman enqhaykonqanku.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 50:22

Tukuy suyupi maqanakusqanku ch'ajwa uyarikun, manchay wañuchinaku ima.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Jeremías 51:54

Babiloniamantapacha nanaywan qhapariy uyarikun. Caldeokunaj suyunku phirisqa kasqanmanta jatun ch'ajwa uyarikun.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Jeremías 6:22

Tata Dios ajinata nin: Wichaynejmanta may jina atiyniyoj suyu jamunanpaj wakichikushan.

Ezequiel 9:1

Chaymanta Tata Dios sinch'ita qhaparispa, kay jinata niwarqa: Ñak'arichejkuna chayamunkuña llajtata jasut'inankupaj, sapa uj thuñinapaj armanku oqharisqa, nispa.

Ezequiel 9:2

Chantá rikorqani sojta runakunata wichaynejman qhawaj punkunta yaykumushajta, sapa ujninkutaj armayoj karqanku. Paykunawan khuska linomanta ruwasqa p'achayoj runapis jamushallarqataj. Payqa chumpinpi qhelqanapaj imakuna aparisqa kasharqa. Chantá yaykumuytawan, paykuna broncemanta ruwasqa altar qayllapi sayarqanku.

Sofonías 1:10

Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.

Zacarías 6:6

Yana caballokunaj aysasqan carretaqa wichaynejman rishan, yuraj caballokunaj aysasqan carretataj inti yaykuynejman, yuraj q'ellu caballokunaj aysasqan carretataj uraynejman, nispa.