Jeremías 4:4 - DIOSPA QHELQACHISQ

⁴ Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Qheshwa Biblia DC

⁴ Judamanta, Jerusalenmantapis runas circuncidakuychej, rejsiwankichejtaj Señorniykichejpaj jina. Tratomanta señalta sonqoykichejman churaychej, pajtataj millay ruwasqasniykichejrayku phiñakuyniy nina jina k'ajarinman, jap'iykukojtintaj ni pi thasnuyta atishanmanchu.

DIOSPA QHELQACHISQAN DEUTEROCANONICAL

⁴ Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 4:4 ပူးပေါင်းရင်းမြစ်များ

2 Crónicas 34:25

Paykunaqa waj dioskunaman inciensota q'oshñichispa saqerpariwanku, jinamantataj tukuy ruwasqankuwan phiñachiwarqanku. Chayrayku kay cheqaj contranpi phiñakuyniy k'ajarin manataj thasnukonqachu, nispa.

Isaías 10:17

Israelpa K'anchaynin Tata Diosqa nina lawray jina kanqa. May Llimphu Tata Diosqa lawrarishaj ninaman rijch'akonqa. Uj p'unchayllapi ch'uminta, khishkantawan rupharparenqa.

Isaías 30:33

Unaymantapacha Asiria llajtayojkunapaj, kuraj kamachejninkupajwan ima, Tofet nisqa q'olachina cheqa wakichisqa kashan, manchay jatun, ukhutaj, ashkha llant'ayoj, ninayoj ima. Chaymantaj Tata Diosqa azufre mayuta jina samayninwan jap'iykuchenqa.

Isaías 51:17

Jerusalén llajta, rijch'ariy, rijch'arikuy, sayarikuytaj. Qanqa Tata Diospa k'araj phiñakuyninwan junt'a kashan, chay copata makinmanta jap'ispa, ujyarqanki. Qan machanaykikama phiñakuynin copamanta qonchuntinta ujyaykorqanki.

Jeremías 15:14

Chantá mana rejsisqayki suyupi awqaykej wata runan kanaykita ruwasaj, imaraykuchus phiñakuyneyqa ninamanta aswan sinch'ita k'ajarin, chaytaj contraykipi lawrarenqa, nispa.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 23:19

Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 9:25

25 (24) Tata Dios nillantaj: Uj p'unchay jamushan, chay p'unchaypitaj noqaqa circuncidasqa kajta, mana circuncidasqa kajta, tukuytapuni jasut'isaj.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Ezequiel 16:38

Casarakuspaña waj qhariwan khuchichakoj warmita jina jasut'isqayki, runa wañuchita jinataj. Sinch'i phiñakuyniypi, celosakuyniywantaj qanta wañuchisqayki.

Ezequiel 18:31

Contraypi tukuy millay ruwasqaykichejmanta t'aqakuychej, mosoj sonqowan p'achallikuychej, mosoj kallpawantaj. Israel ayllu, imaraykutaj wañuyta munankichejri?

Ezequiel 20:33

Noqa Tukuyta Kamachej Tata Dios tiluspa, nini: Jatun atiyniywan, k'araj phiñakuyniywan jasut'ispa, qankunata kamachisqaykichej.

Ezequiel 21:17

17 (22) Noqapis espada tukuyta wañurachinanta saqesaj, phiñakuyniy thasnukunankama. Noqa Tata Diosmin ajinata nini.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Ezequiel 24:8

Chayrayku noqapis chay llajtaj yawarninta chhanka patapi jich'asaj, ama jallp'awan qhatasqa kananpaj. Chay jinamanta phiñakuyniy k'ajarenqa, chaywan justicia ruwasqa kananpaj.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Ezequiel 6:12

Karupi kajkunaqa onqoywan wañonqanku, qayllapi kajkunataj maqanakupi tinkuspa wañonqanku. Kawsashajkunataj yarqhaywan wañonqanku. Ajinata phiñakuyniyta paykunawan thasnukusaj.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Amós 5:6

Tata Diosman kutirikamuychej, kawsanaykichejpaj. Manachus jinata ruwankichej chayqa, Tata Dios israelitakunaj patankuman ninata kachaykamonqa, Betelpitaj ninata thasnunanpaj mana pipis kanqachu.

Sofonías 2:2

manaraj uj p'unchayllapi wayrachisqa paja jina chinkachisqa kashajtiykichej, manaraj Tata Diospa sinch'i phiñakuynin pataykichejman urmashajtin. Wakichikuychej, manaraj Tata Diospa k'araj phiñakuyninpa p'unchaynin chayamushajtin.

Romanos 2:25

Uyariway, ujta nisqayki: Moisespa kamachisqanta kasojtiyki, circuncisionqa allinpaj kasunki. Jinapis sichus kamachisqata p'akinki chayqa, circuncidasqa kasqaykeqa qhasi manakajlla.

Deuteronomio 10:16

Chayrayku sonqoykichejmanta tukuy mana allin kajta wijch'uychej. Amataj mana uyarikuyta munaj k'ullu kaychejchu.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.

Colosenses 2:11

Jinallataj payman ujchasqa kaspa, circuncidasqa karqankichej. Chayqa mana runaj circuncidasqanchu, manachayqa Cristomin circuncidasorqachej, qankunamanta juchallinaman aysaj sonqota orqhospa.