Jeremías 4:31 - DIOSPA QHELQACHISQ

³¹ Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Qheshwa Biblia DC

³¹ Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

DIOSPA QHELQACHISQAN DEUTEROCANONICAL

³¹ Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 4:31 ပူးပေါင်းရင်းမြစ်များ

Génesis 27:46

Chaymanta Rebecaqa Isaacta nerqa: Esaú kay llajtayoj warmikunawan casarasqanrayku umayta nanachispa sayk'uchiwankuña. Sichus Jacobpis kay llajtayoj warmillawantaj casaranman chayqa, wañupuyllataña munayman. Imapajñataj kawsaymanri? nispa.

Job 10:1

Job nillarqapuni: Kay kawsaywan sayk'usqaña kani. Chayrayku quejakuspa thasnukusaj, llakiy kawsayniymanta atisqayta parlasaj.

Salmos 120:5

Ay noqamanta, noqaqa waj llajtayoj jina Mesecpi tiyakuni. Noqaqa Cedar jap'iypi toldopi tiyakuni.

Isaías 1:15

Qankuna mañakunawaykichejpaj makiykichejta oqharejtiykichej, mana qhawarisqaykichejchu. Ashkha kutita mañakuwankichej chaypis, noqa manapuni uyarisqaykichejchu, imaraykuchus makiykichejqa yawarlla.

Isaías 13:8

Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

Isaías 26:17

Imaynatachus wijsayoj warmej paqarichikunan chayamojtin, nanaywan mayta q'ewiykachakuspa qhaparikun, ajinallatataj Tata Dios, noqaykupis ñawpaqeykipi karqayku.

Isaías 42:14

Tata Dios nin: Unayña noqaqa sonqoyta ñit'iykukuspa, ch'inlla karqani. Kunantajrí qhaparisaj, imaynatachus onqokushaj warmi nanaywan qhaparin, ansaqespataj ñak'ayllataña saman, ajinata.

Isaías 6:5

Chantá nerqani: Ay, imanasajtaj? Kunanqa wañusajchari, imaraykuchus mana allin parlaj runa kaspapis, jinataj mana allin parlayniyoj runakunaj chawpinkupi tiyakushaspa, ñawiywan Tukuy Atiyniyoj Tata Diosta rikuni, nispa.

Jeremías 10:19

Jerusalenpi tiyakojkuna ninku: Ay, noqaykumanta, mana imayoj llakiyllapiña rikhuriyku. K'iriykupis mana jampiy atina. Sonqoykupitaj nerqayku: Chay nanayqa muchuna jinallachá, nispa.

Jeremías 13:21

Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 14:18

Campoman llojsispa, maqanakupi wañuchisqa ayankuta rikuni. Llajtankuman yaykuspataj, yarqhaymanta wañushaj runakunata rikuni. Sut'inchajkuna, sacerdotekunataj llajtamanta llajta purinku, imachus kashasqanta mana yachaspa, nispa.

Jeremías 15:18

Jina chayqa, imaraykutaj kay nanayniy mana jayk'aj thañinchuri? Imaraykutaj kay k'iriy mana thañipunchuri, nitaj jampisqa kayta atinchuri? Qanqa ch'aki mayu jina noqapaj kanki, nispa.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 22:23

Kunan qanqa thapachakusqaykipi chhika patapi tiyarikushanki, Líbano cedromanta ruwasqa wasikunapi. Qhepamantajrí mayta ñak'arinki, maypachachus paqarichikoj warmej nanaynin jina jamusonqa, chaypacha, nispa.

Jeremías 30:6

Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

Jeremías 45:2

Israelpa Tata Diosnin kayta nisunki:

Jeremías 48:41

Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Jeremías 49:24

Damascomanta runakunaqa manaña kallpayoj kaspa, ayqej churakunku. Sinch'i manchariywan atipachikunku ñak'ariywan, nanaywantaj, paqarichikoj warmej nanayninwan jina.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 6:2

Sión llajtata, chay may k'achitu llajtata pampachaspa, raqayllamanña tukuchisaj.

Lamentaciones 1:17

Sión llajta makinta jaywarikamun yanapanankuta mañakuspa, manataj pipis kanchu payta sonqochaykurej. Tata Diosqa Jacobpa contranta kamachin qayllanpi suyukuna awqankuna kanankuta. Jerusalentaj paykunaj chawpinkupi millachikunaman tukun.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 2:21

Kaynejpi jaqaynejpi wawakuna, machu runakuna, sipaskuna, wayna runakuna ima ayanku wijch'u wijch'ulla kashanku. K'araj phiñakuyniyki p'unchaypi paykunata wañuracherqanki, mana khuyakuspataj ñak'ararqanki.

Oseas 13:13

Israelpaj paqarikunan tiempo chayamun, imaynatachus warmita paqarikunan p'unchay chayamojtin nanay jap'in, ajinata. Paykuna wawa jina mana cheqanchakunkuchu paqarinankupaj, mana paqariyta munasqankurayku.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Miqueas 4:9

Kunanrí, imarayku ajinata qhaparinki, onqokushaj warmi jinari? Manachu qanpi kuraj kamachej tiyan? Chayrí yuyaychasojkuna wañupusqankuchu?

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

San Mateo 21:5

Jerusalén llajtaman niychej: Kuraj kamachejniyki jamushasunki, paytaj llamp'u sonqoyoj kaspa, china burroj uñanpi lloq'asqa jamushan, maltón burritopi, nispa.

1 Corintios 9:16

Jesusmanta sumaj willaytachus willani chayqa, mana imamanta jatunchakunay kanchu. Noqaqa munaspa mana munaspa ruwanaypuni tiyan, Dios kamachiwasqanrayku. Ay noqamanta imachus kanman, manachus sumaj willaymanta willayman chayqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.