Jeremías 4:30 - DIOSPA QHELQACHISQ

³⁰ Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.

Qheshwa Biblia DC

³⁰ Qanrí, raqayllaña kaj llajta, Imapajtaj puka p'achaswan p'achallikunkiri? Imapajtaj qori k'achanchanaswan k'achanchakunkiri? Imapajtaj ñawisniykita yanawan tiñikunkiri? Mana imapaj allinchu kasonqa chay k'achanchakusqasniykeqa, tukuy munapayasojkunaqa qhesachasunkuña, astawampis wañuchinasunkupaj mask'ashasunku.

DIOSPA QHELQACHISQAN DEUTEROCANONICAL

³⁰ Qanrí, thuñisqa llajta, imapajtaj yana kulliraw p'achawan p'achallikunkiri? Imapajtaj qori jaluchuwan k'achanchakunkiri? Imapajtaj ñawiykita yanawan pintakunkiri? Chay jinata k'achanchakusqaykeqa qhasi manakajlla kanqa. Munapayasojkuna saqerpayasunku, aswanpis wañuchinasunkupaj mask'ashasunku.

Jeremías 4:30 ပူးပေါင်းရင်းမြစ်များ

2 Reyes 9:30

Chaymantataj Jehuqa Jezrelman rerqa. Jezabeltaj chayta yachaytawan, ñawinta pintaykukorqa, chujchantapis sumajta simp'aykukorqa. Jinaytawantaj, qhawananpaj ventanaman qayllaykorqa.

Proverbios 6:25

Ama k'achita kasqanqa sonqoykita suwasuchunkuchu. Qhawarisusqanpis ama sonqoykita aysachunchu.

Proverbios 7:10

Jinallamanta uj warmi payta taripaj llojsimorqapacha, phisu warmi jina k'achanchasqa, imatachus ruway munasqanta mana pakaspalla.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Jeremías 13:21

Kuraj kamachej, qoya, ima ninkichejtaj, maypachachus yachachisqaykichej runakunallataj qankunata kamachisonqachej chaypachari? Chay kajtin, qankuna onqokoj warmi jina nanaywan jap'ichikunkichej.

Jeremías 22:23

Kunan qanqa thapachakusqaykipi chhika patapi tiyarikushanki, Líbano cedromanta ruwasqa wasikunapi. Qhepamantajrí mayta ñak'arinki, maypachachus paqarichikoj warmej nanaynin jina jamusonqa, chaypacha, nispa.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Lamentaciones 1:19

Waynaykunata yanapanawankupaj wajyakorqani, paykunatajrí wasanchawarqanku. Sacerdoteykunawan, kurajniykunawanqa llajta ukhupi wañorqanku. Kutirinankupaj mikhunata mask'akuspa, purerqanku.

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Lamentaciones 4:17

Yanapanawaykuta suyaspa qhawasqaykupi ñawiykupis chharpuyawaykuña. Chaywanpis suyashayku mana pitapis kacharichiyta atej suyu yanapanawaykuta.

Ezequiel 28:13

Diospa huertan Edén ukhupi kasharqanki. Tukuy imaymana lliphipirishaj k'achitu rumikunawan k'achanchasqa p'achayoj karqanki: Rubimanta, crisolitomanta, jademanta, topaciomanta, onicemanta, jaspemanta, zafiromanta, granatemanta, esmeraldamantawan ima. K'achanchakunayki, jaluchuykikuna ima qorimanta karqanku. Maypachachus ruwasqa karqanki chaypacha, chay tukuy ima qanpaj wakichisqa karqa.

Ezequiel 28:9

Wañuchisojkunaj ñawpaqenpi niwajrajchu: Noqa dios kani, nispaqa? Wañuchisojkunaj ñawpaqenpi qanqa runalla kanki, manataj dioschu.

Abdías 1:7

Qanman kutisqa kajkunapis wasanchasonqanku, kikin jallp'aykimantataj wijch'usonqanku. Kikin kawsaqeykikunallataj contraykipi sayarenqanku. Jinallataj pikunapichus atinikorqanki, chay kawsaqeykikunallataj urmanaykipaj tojllata churaykapusonqanku. Chaywanpis qan, Edom, mana imatapis reparankichu.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Apocalipsis 17:13

Chay kamachejkuna parlarikuspa, kamachinankupaj atiyniyoj kasqankuta sierpeman qonqanku.

Apocalipsis 17:2

Kay pachapi kaj kuraj kamachejkunaqa paywan khuchichakorqanku, kay pachapi tiyakojkunapis paywan khuchichakuypi purispa vinowan jina machaykorqanku, nispa.

Apocalipsis 17:4

Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.