Jeremías 4:28 - DIOSPA QHELQACHISQ

²⁸ Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Qheshwa Biblia DC

²⁸ Tukuy jallp'aman llakiylla junt'aykonqa, janaj pachapis llakiy p'achata churakonqa. Chayta parlani, manataj chay nisqasniymantaqa yuyarikusajchu, chayta niniña, manataj qhepaman kutiymanchu, nispa.

DIOSPA QHELQACHISQAN DEUTEROCANONICAL

²⁸ Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Jeremías 4:28 ပူးပေါင်းရင်းမြစ်များ

Isaías 24:4

Jallp'aqa ch'akipun, chaypi kajtaj qawishan. Kay pacha onqospa umphushan. Kay pachapi jatunpaj qhawasqa runakunapis ñak'arishallankutaj.

Isaías 34:4

Janajpi ch'askakunapis phirikuspa chinkaraponqanku, kikin janajpis papel jina mayt'uykakaponqa. Tukuy ch'askakuna urmaramonqanku, uva sach'aj qawisqa laqhenkuna urmaran jinata, chayrí higoj laqhenkuna jina.

Isaías 5:30

Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 50:3

Noqaqa janajta laqhayaywan p'achallichini, llakiy p'achawan jinataj qhataykuni, nispa.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 14:2

Judaqa llakiywan waqan, tukuy llajtankunataj llakiypi kashanku. Runankunapis pampapi tiyasqa waqashanku. Jerusalenmantataj sinch'i nanaywan qhaparisqanku uyarikun.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 23:20

Tata Diospa k'araj phiñakuynenqa mana thasnukonqachu, imachus ruwananta junt'anankama. Qhepanejman qankunaqa chaykunamanta sut'ita yachaqankichej.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 7:16

Tata Dios nillawarqataj: Qan, Jeremías, ama kay runakunarayku mañakuwaychu, nitaj majakuwaychu. Amapuni paykunapaj mañapuychu. Amallataj kutin kutinta paykunarayku mañawaychu, imaraykuchus mana uyarisqaykichu.

Lamentaciones 2:17

Tata Dios chayta ruwan nisqanman jina, junt'anpuni unaymantapacha kamachisqanta. Payqa Jerusalenta chinkacherqa, manataj qhespicherqachu. Awqankuna paymanta asikojtinku, qhawallarqa, awqakunaj atiynintataj astawan jatunyacherqa.

Ezequiel 24:14

Noqa Tata Diosmin chayta nini, nisqaytataj junt'asajpuni. Noqa kikinta ruwasaj, mana qhepaman kutirisajchu, manataj khuyakusajchu, nitaj sonqoyta nanachikusajchu. Ruwasqaykiman jina, kawsasqaykiman jinataj jasut'isqaykipuni. Noqa Tukuyta Kamachej Tata Dios chayta nini.

Oseas 13:14

Ukhu pachaj atiyninmantapis libranaychu kanqa? Preciota pagaspa, wañuymantapis kacharichinaychu kanqa? Ya, wañuy, atiyniyki maypitaj kashanri? Qanpatapis, ukhu pacha, maypitaj atiyniyki kashan? Manaña kay runakunamanta khuyakusajchu.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Joel 1:10

Chajraqa q'arapachalla, jallp'ataj sonqo nanaylla. Trigoqa mana poqonchu, uva sach'apis ch'akirapun, olivo sach'apis qawirapushan.

Zacarías 8:14

Tukuy Atiyniyoj Tata Dios kaytapis nillantaj: Ñawpa tataykichejkuna phiñachiwajtinku, noqa nej kani paykunata jasut'inayta, jinataj paykunata jasut'erqani.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

San Mateo 27:45

Chantá chawpi p'unchaymanta kinsa kaj phanikama tukuy chay cheqa laqhayaykorqa.

Marcos 15:33

Chawpi p'unchay kashajtin, tukuy kay pacha laqhayaykorqa kinsa kaj phanikama.

San Lucas 23:44

Chawpi p'unchay jinaña karqa. Chantá tukuy chay cheqaqa laqhayaykorqa kinsa kaj phanikama.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

Efesios 1:9

Munasqanman jina payqa imatachus wakichisqanmanta chay pakasqa yachayta rejsichiwarqanchej, mayqentachus Cristopi junt'ayta munarqa, chayta.

Hebreos 7:21

Sacerdotenchej Jesustarí Dios tiluspa churasqa, maypachachus pay nerqa: Tukuyta Kamachej Dios tilorqa, manataj tilusqanta p'akenqachu. Pay nerqa: Qanqa wiñaypaj sacerdote kanki, nispa.

Apocalipsis 6:12

Jayk'ajchus sojta kaj sellota Cordero llik'erqa chaypacha, rikorqani manchay jallp'a ikhakuyta. Inteqa yana tela jina yanayarqa, killataj yawar jina pukaman tukorqa.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.