Jeremías 4:27 - DIOSPA QHELQACHISQ

²⁷ Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Qheshwa Biblia DC

²⁷ Señorqa nin: Tukuy jallp'antin q'arasqa kanqa, chaywampis mana tukuynintapunichu chinkachisaj.

DIOSPA QHELQACHISQAN DEUTEROCANONICAL

²⁷ Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 4:27 ပူးပေါင်းရင်းမြစ်များ

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.

Nehemías 9:31

Chaywanpis jatun khuyakuyniykirayku mana tukuyninkutachu tukucherqanki, nitaj paykunata saqerparerqankichu, khuyakoj Dios, munakuyniyojtaj kasqaykirayku.

Isaías 17:6

Chay suyupi pisi runakunalla qhepakonqanku, imaynatachus olivo sach'ata thalajtinchej puntanpi uj iskayllaña aceituna qhepakun, chayrí thansanpi tawa phishqallaña qhepakun, ajina. Ajinata Israelpa Tata Diosnin nin.

Isaías 24:1

Tata Dios kay pachata ch'usajllata, q'arallatataj saqenqa. Jallp'a patata t'ustirparenqa, chaypi tiyakojkunatataj ch'eqerachenqa.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 30:11

Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 44:6

Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 5:10

Awqanku uva huertaman yaykuykuspa, t'ustichunku. Jinapis ama tukuynintachu q'arachunku. Yuranta k'ajllarachunku, imaraykuchus chay uva yurakuna mana Tata Diospatachu.

Jeremías 5:18

Tata Dios nillantaj: Chaywanpis chaypacha mana chinkachisqatachu chinkachisqaykichej.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Lamentaciones 2:7

Tata Diosqa altarninta qhesachan, jinallataj paypaj t'aqasqa cheqatapis pisipaj qhawan. Llajtaj muyuyninpi jark'achasqa perqakunatapis awqankuman jaywaykorqa. Awqankunataj Tata Diospa Templonpi raymi p'unchaypi jina manchayta kusiywan ch'ajwarinku.

Ezequiel 11:13

Tata Diospa sutinpi paykunaman chayta parlashajtillayraj, Benaiaspa churin Pelatías wañorqa. Noqataj pampakama k'umuykorqani, jatunmanta qhaparispataj, nerqani: Ay, Tukuyta Kamachej Tata Dios, pisi puchoj israelitakunatapis tukuynintachu wañurachinki? nispa.

Ezequiel 20:17

Chay tukuywanpis, paykunata khuyarqani, manataj ch'innejpi wañurachispa, tukucherqanichu.

Ezequiel 33:28

Kay suyutataj ch'in pampaman, raqayman ima tukuchisaj. Imapichus atinikushanku, chaytapis chinkarparichisaj. Israelpa orqonkunapis ch'inpacha qhepakonqanku, manataj ima runapis chayninta purej kanqachu.

Ezequiel 6:14

Uray ladopi ch'in pampamanta wichaypi kaj Diblat llajtakama makiyta oqharisaj paykunata jasut'inaypaj. Maynejpichus tiyakunku, chay suyuta mancharina ch'inman tukuchisaj. Chaypachataj paykunaqa noqa Tata Dios kasqayta yachanqanku, nispa Tata Dios nin.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Levítico 26:44

Chay tukuywanpis awqaykichejpa llajtanpi kashajtiykichejpis, mana qankunata saqerparisqaykichejchu, nitaj qhesachasqaykichejchu. Nillataj tukuchisunaykichejkama chejnikusqaykichejchu. Manallataj qankunawan ruwasqay tratotapis p'akisajchu, imaraykuchus noqamin Tata Diosniykichej kani.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.