Jeremías 4:24 - DIOSPA QHELQACHISQ

²⁴ Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

Qheshwa Biblia DC

²⁴ Orqosta qhawarerqani, manchayta ikharikusharqanku, tukuy juch'uy lomasnimpis kharkatishallarqankutaj.

DIOSPA QHELQACHISQAN DEUTEROCANONICAL

²⁴ Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

Jeremías 4:24 ပူးပေါင်းရင်းမြစ်များ

1 Reyes 19:11

Tata Diostaj nerqa: Llojsimuy jawaman, kay orqo patapitaj ñawpaqeypi sayay, nispa. Chantá chaypacha Tata Diosqa chaynejta pasarqa. Uj sinch'i wayra orqokunata lajraspa, chhankata urmaracherqa. Tata Diostajrí mana chay wayrapichu kasharqa. Chay wayraj qhepantataj jallp'a ikhakuy karqa. Tata Diostajrí manallataj chay jallp'a ikhakuypichu kasharqa.

Salmos 18:7

7 (8) Chantá jallp'a sinch'ita khatatiterqa. Orqokunapis tejsinmantapacha kharkatiterqanku Tata Dios phiñakusqanrayku.

Salmos 77:18

18 (19) Muyoj wayrapi qhon qhonkuna sinch'ita uyarikorqa. Illapakuna kay pachantinta k'ancharerqa, jallp'ataj chujchurispa kharkatiterqa.

Salmos 97:4

Lliuj lliujninkunaqa kay pachata k'anchaykun, jallp'ataj chayta rikuspa, kharkatitin.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Isaías 13:13

Chantá janajqa kharkatitenqa, kay pachapis kananmanta kuyurenqa, Tukuy Atiyniyoj Tata Diospa k'araj phiñakuynin t'ojyasqanrayku.

Isaías 24:20

Kay pachaqa machasqa runa jina chankaykachanqa, wayraj phukusqan ch'ujlla jinataj kaynejman jaqaynejman wajtaykachakonqa. Diospa contranta oqharikuspa juchallikusqanqa kay pachata manchaytapuni llasaykonqa urmachinankama, manañataj ujtawan sayarenqachu.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Ezequiel 38:20

Chantá mama qochapi kaj challwakuna, phawaj p'isqokuna, campopi kaj phiña animalkuna, pampata qhatatakuspa purej animalkuna, tukuy kay pachapi kaj runakuna ima ñawpaqeypi kharkatitenqanku. Jatuchaj orqokuna loqherakonqanku, tukuy perqakunataj thuñikuspa, pampaman urmanqanku.

Miqueas 1:4

Chakin urapi orqokuna unuyanqanku, imaynatachus ceraqa ninaman churaykojtinchej unuyan, jinata. Vallekunapis iskayman khallasqa kanqanku, imaynatachus purishaj yaku wayq'ota ruwan, jinata.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

Habacuc 3:6

Pay sayarejtin, kay pacha kharkatitin. Qhawashajtillan, suyukuna chujchurinku. Ñawpa orqokuna urmaranku, unayniyoj lomakunapis pampachakunku. Diospa ñanninkunarí wiñay wiñaypaj.

Apocalipsis 6:14

Janajpis papel jina k'uyukuspa, chinkariporqa. Tukuy orqokunataj, mama qochapi churukunapis kasqankumanta kuyurichisqa karqanku.