Jeremías 4:22 - DIOSPA QHELQACHISQ

²² Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Qheshwa Biblia DC

²² Israel aylloyqa ancha wampu, mana rejsiwanchu, nin Señorqa. Mana yuyayniyoj wawas kanku, mana allintachu unanchakunku. Juchata ruwanankupajqa churasqas kanku, manataj allin kajta ruwayta yachankuchu.

DIOSPA QHELQACHISQAN DEUTEROCANONICAL

²² Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 4:22 ပူးပေါင်းရင်းမြစ်များ

Génesis 39:16

Chantá chay warmeqa Josejpa p'achanta qosan chayamunankama jallch'arqa.

2 Samuel 13:3

Amnonpatarí uj kawsaqen Jonadab sutiyoj tiyaporqa. Davidpa wawqen Simeaj churin karqa, paytaj ch'awkiyanapaj wapu karqa.

Salmos 36:3

3 (4) Payqa khuchi simi, llullataj. Yachayniyoj kayta saqespa, mana allin kajta ruwanchu.

Salmos 36:4

4 (5) Puñunanpi winkuspa, mana allin kajta ruwananpaj wakichikun. Mana allinta ruwaspa, purisqanman ch'ipakuspa, millayta ruwanata mana saqeyta munanchu.

Salmos 53:4

4 (5) Mana allinta ruwajkunaqa mana yuyayniyoj kanku, pikunachus aylluyta t'antata jina mikhukapunku, Tata Diospa sutintataj mana oqharillankupischu, chaykuna.

Salmos 82:5

Qankuna mana yachankichejchu, nitaj imatapis umaykichejpi jap'iyta atinkichejchu. Laqhapi chinkasqa purishankichej. Chayrayku kay pachaj cimientonpis kharkatitin.

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Jeremías 10:8

Lantikunata yupaychajkunarí wampu kanku, manataj uj chhikan yuyayninkupis kanchu. K'ullumanta ruwasqa lanteqa mana imatapis yachachiyta atinchu.

Jeremías 13:23

Yana runaqa yurajman tukuyta atinmanchu? Atillanmantajchu onzaqa ch'ejchinta chinkachiyta? Ajinallatataj qankunapis millayta ruwanaman yachasqa kashaspa, manapuni allin kajta ruwayta atiwajchejchu.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Jeremías 5:4

Noqatajrí sonqoypi nerqani: Wajcha runakunalla wampu ajina kanku, imaraykuchus Tata Diospa munayninta mana yachankuchu, nitaj Diosninkoj kamachisqantapis rejsinkuchu.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Ezequiel 16:30

Noqa Tukuyta Kamachej Tata Dios nini: Sonqoykiwan apachikojlla kasqaykirayku, mana p'enqakuyniyoj phisu warmi jina purerqanki.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Oseas 5:4

Israelitakunaj tukuy millay ruwasqanku paykunata jark'an ama noqaman kutirikamunawankupaj. Khuchichakuywan atipasqa kaspa, noqata Tata Diosninkupaj mana rejsikapuwankuchu, nispa.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

Romanos 1:22

Paykuna yachayniyoj kasqankuta nishaspapis, mana yuyayniyojman tukuporqanku.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

Romanos 16:19

Qankuna sumaj kasukoj kasqaykichejta tukuy yachankuña, noqataj chayrayku kusikuni. Kunanrí munani allin kajta ruwanaykichejpaj yuyayniyoj kanaykichejta, mana allin kajpajtajrí wawa jina kanaykichejta.

Romanos 3:11

Yuyayniyojqa mana pipis kanchu, nillataj Diosta mask'ajpis.

1 Corintios 14:20

Wawqe panakuna, ama wawa jina yuyaychejchu. Mana allin kajllapaj wawa jina kaychej, imatapis qhawanapirí wiñay tukusqa runa jina kaychej.

Deuteronomio 32:28

Israelitakunaqa mana yuyayniyoj kanku. Mana umachakuyta atinkuchu.

Deuteronomio 32:6

Wampu runakuna, mana yachayniyojkuna, ajinatachu Tata Diosmanqa pagankichej? Manachu payqa tataykichej, ruwasojniykichejtaj? Paymin qankunata ruwasorqachej, kawsaytataj qosorqachej.