Jeremías 4:21 - DIOSPA QHELQACHISQ

²¹ Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Qheshwa Biblia DC

²¹ Mashkha unaytawanrajtaj pataman banderata sayachisqata rikusajri, pututoj ch'ajwaynintapis uyarisajri?

DIOSPA QHELQACHISQAN DEUTEROCANONICAL

²¹ Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 4:21 ပူးပေါင်းရင်းမြစ်များ

2 Crónicas 35:25

Jeremiasqa uj llakiy yarawita wakicherqa, Josiaspa wañupusqanmanta yuyarikunapaj. Tukuy takejkuna qharikuna, warmikunapis, Josiasmanta yuyarikuspa kunankama takinku. Chay jina yarawitaqa Israelpi pi wañupojtin takillankupuni. Yarawi qhelqasqapi qhelqasqa kashan.

2 Crónicas 36:10

Mosoj wata qallarikushajtin, Nabucodonosorqa Joaquinta Babiloniaman apanankuta kamacherqa, Tata Diospa Templonmanta aswan valorniyoj imakunatawan khuskata. Chantá Nabucodonosorqa Sedequiasta churarqa Judá suyuta, Jerusalentawan kamachinanpaj. Sedequiasqa Joaquinpa ayllunmanta karqa.

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

2 Crónicas 36:3

Chantá Egiptoj kuraj kamachejnin Necaoqa Jerusalenpi kashaj Joacaztaqa kamachinanmanta wijch'orqa, Judá suyumantataj impuestota pagachikorqa, 3.300 kilo qolqe metalta, 33 kilo qoritawan.

Jeremías 4:19

Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 42:14

Manachayqa Egiptoman tiyakoj ripuyta munayku. Chaypi maqanakuta mana rikusqaykuchu, manataj soldadokunata wajyaj cornetata waqajta uyarisqaykuchu, manallataj yarqhaymantapis wañusqaykuchu, nispa.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.