Jeremías 4:19 - DIOSPA QHELQACHISQ

¹⁹ Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Qheshwa Biblia DC

¹⁹ Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

DIOSPA QHELQACHISQAN DEUTEROCANONICAL

¹⁹ Nanaywan q'ewiykachakuni, sonqoytaj llakiywan phatashanña. Mana kakuyta atinichu, manataj ch'inlla kaymanchu. Trompetaj waqasqanta uyarini, maqanakuman yaykunapaj qhaparejtawan.

Jeremías 4:19 ပူးပေါင်းရင်းမြစ်များ

Génesis 49:6

Tantakojtinku, mana paykunawan khuska kayta munanichu, nitaj sutiy p'enqayta ruwasqankupi rikhurichunchu, imajtinchus phiñasqa kashaspa, runakunata wañucherqanku. Phiñasqa kasqankuwan apachikuspataj, torokunaj ankunkuta p'iterqanku.

2 Reyes 4:19

Jinapi tatanta nerqa: Ay, umallay, umay nanawan, nispa. Tatantaj ujnin kamachinta nerqa: Mamanman kay wawata pusapuway, nispa.

2 Reyes 8:11

Chantá Diosmanta sut'inchajqa Jazaelta qhawallarqapuni, Jazaelpa uyan p'enqaymanta pukayarinankama. Chantá Eliseo waqayta qallarerqa.

Salmos 103:1

(1b) Tukuy sonqoywan Tata Diosta yupaychasaj, tukuy kayniywantaj may llimphu sutinta yupaychasaj.

Salmos 116:7

Kunanqa watej sonqoy samarikonqa, imaraykuchus Tata Dios noqawan k'acha karqa.

Salmos 119:136

Kamachisqaykita wakin mana kasusqankurayku, paran paranta waqani.

Salmos 119:53

Millayta ruwaspa purejkuna kamachisqaykita saqerparisqankuta rikuspa, sinch'ita phiñakuni.

Salmos 146:1

Tata Dios jatunchasqa kachun. Tukuy sonqoywan Tata Diosta jatunchasaj.

Salmos 16:2

Nerqayki: Qanmin Tata Dios, Kuraj Kamachejniy kanki. Tukuy allin kajta jap'isqayqa qanmantamin jamun, nispa.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Isaías 16:11

Chayrayku tukuy sonqoywan Moab suyumanta arpa jina waqani, jinallataj Quir Jeresmantapis.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

Isaías 21:4

Yuyayniy chinkarparin, manchachikuywantaj kharkatitini. Ch'isiyaykunanta suyasqayqa manchachikunaman tukupun.

Isaías 22:4

Chayrayku noqa Isaías nerqani: Noqamanta ithiriychej, noqataj llajta tukuchisqa kasqanmanta jik'un jik'unta waqarikusaj. Ama sonqochawayta yuyaychejchu, llajta phirisqa kasqanmanta.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 20:9

Sichus nini: Manaña Tata Diospi yuyasajchu, niñataj sutinpipis parlasajchu, nispa chayqa, qanpa nisqaykeqa sonqoypi nina jina ruphaykuwan, tukuy tulluykamataj chayan. Sonqoyta ñit'iykukuyta munashaspapis, manapuni atinichu.

Jeremías 23:9

Pikunachus Diosmanta sut'inchaj kasqankuta nejkunapaj Jeremías ajinata nerqa: Sonqo p'akisqa kashani, tukuy ukhuytaj kharkatitishan. Machasqa runa jinataj kashani. Phiri machasqa jina kashani Tata Diosrayku, may cheqan nisqanraykutaj.

Jeremías 4:21

Mashkha unaytawanraj wiphala sayachisqata rikusajri? Mashkhatawanrajtaj trompetaj waqasqanta uyarisajri?

Jeremías 4:5

Judá suyupi kayta willamuychej, jinallataj Jerusalén llajtapipis uyarichimuychej. Trompetata waqachispa, kay tukuy suyupi qhapariychej, ajinata sinch'itapuni qhapariychej: Tantakuspa, ayqekunachej sumachaj jark'achasqa llajtakunaman, nispa.

Jeremías 42:14

Manachayqa Egiptoman tiyakoj ripuyta munayku. Chaypi maqanakuta mana rikusqaykuchu, manataj soldadokunata wajyaj cornetata waqajta uyarisqaykuchu, manallataj yarqhaymantapis wañusqaykuchu, nispa.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Jeremías 50:22

Tukuy suyupi maqanakusqanku ch'ajwa uyarikun, manchay wañuchinaku ima.

Jeremías 6:24

Jerusalenpi tiyakojkuna ninku: Chaymanta parlajta uyarispa, manchachikuywan kallpaykupis llawch'iyan, onqokoj warmi jinataj ñak'ariypi, nanaypitaj kashayku.

Jeremías 8:18

Chantá Jeremías nerqa: Jatun llakiy ñit'iykuwan, chaypajtaj mana jampi kanchu. Sonqoypis phatashawanña.

Jeremías 8:21

Aylluy ñak'arisqanwan noqapis ñak'arini. Llakiywan, manchariywantaj junt'a kani.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Jeremías 9:10

10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Lamentaciones 1:20

Tata Dios, llakikuyniyta qhawariy. Sonqoypis phataj jinaña nanaykushawan. Mana kasukoj kasqayrayku nanaypis sonqoyta ñit'iykuwan. Jawapeqa espadawan wawaykunata wañuchinku, llajta ukhupipis wañullay kashan.

Lamentaciones 2:11

Waqasqaypi ñaweyqa tukukushanña, wijsay ukhupi ch'unchulaypis q'ewirakunku. Sonqoyqa llakiywan phatashanña, aylluypa llajtanta chay jina thuñisqata rikuspa, jinataj astawanqa ñuñoj wawakunata yarqhaywan ñanpi wañurashajta rikuspa.

Daniel (hebreo) 4:19

19 (16) Chantá Beltsasar sutiwan sutichasqa Daniel t'ukushaj qhepakorqa, tukuy imaymana yuyaykuna umanman jamojtintaj, mayta mancharikorqa. Noqa Nabucodonosortajrí, payta nerqani: Beltsasar, mosqokusqay imatachus niyta munasqanmanta ama manchariychu, nispa. Chantá Beltsasar kutichispa, niwarqa: Ay wiraqochíy, mosqokusqayki imatachus niyta munasqanqa qanta chejnisojkunapaj kachun.

Daniel (hebreo) 7:15

Chantá noqa Daniel, chay tukuyta rikuspa, mayta llakikorqani sonqoypitaj pawichikorqani.

Daniel (hebreo) 7:28

Kaypi willawasqan tukukun. Noqa Danielrí chay imakunapi yuyarispa, may phutisqa kasharqani, uyaypis waj jinaman tukorqa. Chaywanpis imatachus tukuy rikusqayta sonqollaypi jallch'arqani.

Daniel (hebreo) 8:27

Chay qhepata noqa Daniel mana kallpayoj rikhurerqani, chantá unaysituta onqosqa karqani. Chaymanta jatarikuspa, imatachus Babiloniaj kuraj kamachejpaj ruwanay karqa, chayta ruwallarqanipuni. Chaywanpis imatachus rikusqaymanta anchata t'ukusharqani, nitaj imatachus niyta munasqanta sut'inchayta aterqanichu.

Amós 3:6

Sichus llajtapi pututu waqan chayqa, runakuna qhollpirakuyta qallarinku. Sichus ñak'ariy llajtapi rikhurin chayqa, Tata Diosmin chayta apachimun.

Habacuc 3:16

Kay tukuy imata uyarispa, manchachikorqani. Simiypis kharkatiterqa. Chakiy mana sayayta aterqachu, tukuy ukhuypis llawch'iyaporqa. Chaywanpis pacienciawan suyasaj, maypachachus Dios ñak'arichiwajninchej soldadokunata ñak'arichillanqataj, chay p'unchayta.

Números 10:9

Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Romanos 10:1

Wawqe panakuna, noqa tukuy sonqo munani, jinataj Dioswan parlarikuspa mañakuni israelitakuna qhespichisqa kanankupaj.

1 Corintios 14:8

Cornetachus mana sut'ita waqanman chayqa, soldadokuna imaynatataj yachankuman maqanakoj rinankupaj wakichikunankuri?

Gálatas 4:19

Munasqa wawaykuna, onqokoj warmi jina ujtawan nanaywan ñak'arishani, Cristo imaynachus kasqan qankunapi ruwasqa kanankama.

Jueces 5:21

Mayu, ñawpa mayu, Cisón nisqa mayu tukuy paykunata apakaporqa. Jinapis noqa Débora kallpachakuspa ñawpajman puririsaj.