Jeremías 4:13 - DIOSPA QHELQACHISQ

¹³ Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Qheshwa Biblia DC

¹³ Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

DIOSPA QHELQACHISQAN DEUTEROCANONICAL

¹³ Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Jeremías 4:13 ပူးပေါင်းရင်းမြစ်များ

2 Samuel 1:23

Saulwan, Jonatanwanqa ancha munasqa karqanku. Mana t'aqanakorqankuchu kawsashaspa, nitaj wañushaspapis. Ankamanta aswan usqhayta phawaj kanku. Leonkunamantapis aswan kallpayoj karqanku.

Isaías 13:5

Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 5:28

Flechankoqa sumaj filochasqa kanqa, arconkutaj sumaj mat'isqa. Caballonkoj chaki sillunkunapis rumi jina kanku, carretankoj ruedankutaj muyoj wayraman rijch'akun.

Isaías 66:15

Chantá Tata Dios ninaj chawpinpi jamonqa, maqanakunapaj carretantaj muyoj wayra jina chayamonqa, manchay k'araj phiñakuyninwan paykunata jasut'inanpaj. Paypa jasut'iynintaj nina lawray jina kanqa.

Jeremías 10:19

Jerusalenpi tiyakojkuna ninku: Ay, noqaykumanta, mana imayoj llakiyllapiña rikhuriyku. K'iriykupis mana jampiy atina. Sonqoykupitaj nerqayku: Chay nanayqa muchuna jinallachá, nispa.

Jeremías 4:12

Chay wayrata noqa apachimusaj, chaytaj ancha nishu wayra kanqa. Kunanraj paykunaj contrankupi ñak'ariy wakichisqayta rimarisaj, nispa.

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 46:18

Tukuy Atiyniyoj Tata Dios sutiyoj Tukuyta Kamachejrí nin: Sutiyrayku tiluspa, nini: Tabor orqo jina, tukuy orqokunamanta aswan jatun kaj, Carmelo orqo jinataj mama qocha kantupi may pataman oqharisqa, ajinamin, pichus jamushan, chay awqaqa.

Jeremías 48:40

Tata Dios nillantaj: Moabpa awqanqa anka jina paypa contranpi phawan.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Jeremías 6:23

Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Jeremías 9:19

19 (18) Sionmantapacha llakiymanta waqaspa qhaparisqanku uyarikun: Ay, imaynatataj mana imayoj llakiypi rikhurinchej. May p'enqachisqa kashanchej. Kay suyunchejta saqerparinanchej tiyan, imaraykuchus wasinchejqa raqaykunallaña, nispa.

Lamentaciones 4:19

Qhatiykachawajniykoqa ankamantapis aswan sinch'i phawajkuna kanku. Tukuy orqokunapi qhatiykachawayku, jap'inawaykupajtaj tukuy ch'innejpi suyaykuwayku tojllata churaspa.

Ezequiel 26:10

Chantá Babiloniamanta kuraj kamachej ashkha caballokunawan punkuykita yaykumojtin, jallp'a q'oshñichisqankuwan p'ampaykusonqanku. Carretakunaj chantá caballokunaj sonayninwan ima perqayki kharkatitenqa.

Ezequiel 38:9

Qantajrí chay suyuman phuyu jina junt'aykunki ashkha soldadoykiwan, pikunachus ashkha suyukunamanta qanwan tantakorqanku, chaykunawan khuska, nispa.

Daniel (hebreo) 11:40

Chantá tukukuy tiempo chayamojtin, uraynejmanta kaj kuraj kamachej wichaynejmanta kaj kuraj kamachejpa contranpi llojlla para yaku jina junt'aykonqa. Wichaynejmanta kaj kuraj kamachejtajrí kaymanta jinalla tukuy atiywan llojsenqa, uraynejmanta kaj kuraj kamachejpa contranpi maqanakunapaj carretakunawan, caballopi purej soldadokunawan, ashkha barcokunawan ima.

Daniel (hebreo) 7:4

Ñawpaj kaj leonman rijch'akusqa chaypis, anka lijrayoj kasqa. Qhawashajtillay, lijrankunata sik'iraspa, pampapi runata jina iskay chakimanta sayarichisqanku. Chaymantataj runaj yuyayninta payman qollasqankutaj.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Nahúm 1:3

Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Habacuc 1:8

Caballonkoqa tigremantapis astawan sinch'ita t'ijurin, ch'innejpi k'ita alqokuna jinataj manchachikunapaj kanku. Caballopi soldadonkukunapis wayra jina phawarispa, karumantapacha maqanakoj chayarparimunku, imaynatachus anka mikhunanta jap'ej phawaykun, jinata.

Zacarías 6:1

Chaymanta mosqoypi jina rikullarqanitaj tawa carretakunata, chaykunataj broncemanta iskay orqokunaj chawpinmanta llojsimusharqa.

San Mateo 24:30

Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.

Apocalipsis 1:7

Qhawaychej: Cristo phuyupi jamushan. Tukuy runakuna payta rikonqanku, jinallataj payta t'ojsejkunapis. Kay pachapi kaj chhika runakuna payta manchachikuspa, manchayta waqanqanku. Arí, ajina kachun.