Jeremías 4:11 - DIOSPA QHELQACHISQ

¹¹ Tata Diostaj kuticherqa: Chay p'unchay chayamojtin, Jerusalén llajtapi tiyakojkunaman nenqanku: Jerusalenman ch'innejmanta ch'aki wayra phukumushan. Chay wayraqa mana trigota wayrachinapaj jinachu.

Qheshwa Biblia DC

¹¹ Chay p'unchay chayamojtenqa, Jerusalén llajtamanta parlakonqa: Ch'in pampanejmanta q'oñi wayra phukumushan kay aylluynejman. Kayqa mana trigota wayrachinapaj jina allin wayrachu.

DIOSPA QHELQACHISQAN DEUTEROCANONICAL

¹¹ Tata Diostaj kuticherqa: Chay p'unchay chayamojtin, Jerusalén llajtapi tiyakojkunaman nenqanku: Jerusalenman ch'innejmanta ch'aki wayra phukumushan. Chay wayraqa mana trigota wayrachinapaj jinachu.

Jeremías 4:11 ပူးပေါင်းရင်းမြစ်များ

Salmos 11:6

Payqa millayta ruwajkunaj patankuman azufreta, ninata ima parachimonqa, tukuy imata ruphaj wayrawantaj paykunata ruwasqankuman jina jasut'enqa.

Isaías 22:4

Chayrayku noqa Isaías nerqani: Noqamanta ithiriychej, noqataj llajta tukuchisqa kasqanmanta jik'un jik'unta waqarikusaj. Ama sonqochawayta yuyaychejchu, llajta phirisqa kasqanmanta.

Isaías 27:8

Chaywanpis Dios ayllunta karu suyuman wijch'uspa jasut'in. Payqa manchachikuna samayninwan paykunata wijch'un, inti llojsimuynejmanta sinch'i wayrawan jina.

Isaías 41:16

Chaykunata wayrachinki, wayrataj apakaponqa, sinch'i muyoj wayra kayman jaqayman t'akaranqa. Qantajrí Tata Diosniykimanta kusikunki. Israel, May Llimphu Kaj Diosniykirayku may kusisqa kanki.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Jeremías 13:24

Chayraykumin qankunata ch'eqerachisqaykichej, imaynatachus ch'innejmanta wayra pajata apakapun, ajinata.

Jeremías 14:17

Tata Dios nillawarqataj: Aylluyman kayta niy: Tuta p'unchay mana sayk'uyta ñawiymanta waqay t'akakuchun, imaraykuchus may munasqa aylloyqa ñak'arichisqa, k'irisqataj kashan.

Jeremías 23:19

Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 4:12

Chay wayrata noqa apachimusaj, chaytaj ancha nishu wayra kanqa. Kunanraj paykunaj contrankupi ñak'ariy wakichisqayta rimarisaj, nispa.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Jeremías 9:7

7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Lamentaciones 2:11

Waqasqaypi ñaweyqa tukukushanña, wijsay ukhupi ch'unchulaypis q'ewirakunku. Sonqoyqa llakiywan phatashanña, aylluypa llajtanta chay jina thuñisqata rikuspa, jinataj astawanqa ñuñoj wawakunata yarqhaywan ñanpi wañurashajta rikuspa.

Lamentaciones 3:48

Ñawiymanta waqayqa mayu yaku jina puririn, munasqa llajtay thuñisqa kasqanmanta.

Lamentaciones 4:10

Suyuypa jatun llajtan thuñisqa kashajtin, chaypacha k'acha khuyakuyniyoj warmikuna wawankuta wayk'uykakaporqanku. Kikin wawankullatataj mikhuykakaporqanku.

Lamentaciones 4:3

K'ita alqokunapis uñankuman ñuñuchinku. Llajtaypa runankunarí ancha millay sajra kanku, imaynatachus ch'in pampapi suri irpanta mana khuyarinchu, ajina.

Lamentaciones 4:6

Suyuypa jatun llajtaj millayta ruwasqanqa Sodomaj juchanmanta nisqaqa astawan jatunraj. Sodoma llajtataj ujllapi chinkachisqa karqa, mana runaj imanasqallan.

Ezequiel 17:10

Wajnejman mallkejtinkupis, mana jap'ikonqachu, ch'akiponqa. Inti llojsimuynejmanta wayra wayramuspa, ch'akirparichenqa. Ijimunan kashajtinpis, pachanpi ch'akiponqa, nispa.

Ezequiel 19:12

Chaywanpis phiñakuywan sik'isqa kasqa, pampamantaj wijch'usqa. Inti llojsimuynejmanta wayra wayramuspa, poqoyninta ch'akirparichisqa. Thansan ch'akirapojtintaj, ninaman enqhaykusqanku.

Oseas 13:15

Qhora jinapis Israel t'ikarichun. Inti llojsimuynejmanta wayra phukuspa, Tata Diospa phukusqan wayra, tukuy yaku qochankunata jinataj juturinkunatawan ima ch'akirparichenqa. Awqantaj qhechonqa tukuy ima waqaychasqanta.

Oseas 13:3

Chayrayku paykuna sut'iyaymanta chinkapoj phuyu jina kanqanku, chayrí imaynatachus tuta tutamanta chhulla chinkapun, ajina. Wayralla apakapoj paja jina kanqanku, imaynatachus q'oshñi chinkapun, ajinallatataj chinkaponqanku.

Oseas 4:19

Chayrayku sinch'i wayra paykunata picharparenqa. Lantinkukunaman uywata q'olachispa jaywasqankuraykutaj p'enqaypi rikhurenqanku.

Habacuc 1:11

Purisqankoqa jatun muyoj wayra jina, jinataj ninku kallpanku diosninku kasqanta, nispa.

Habacuc 1:6

Noqaqa caldeokunata maqanakuman yaykunapaj jina wakichisaj. Paykuna may sajra rumi sonqo kanku, mana khuyakuyniyojtaj. Jinataj kay pachata uj ladomanta uj ladoman purispa, wajkunaj jallp'ankuta qhechunankupaj jinalla kashanku.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

San Lucas 3:17

Jorcapis makinpiña kashan, erapi trigota wayrachinanpaj. Chantá trigota pirwaman jallch'anqa, pajatatajrí mana thasnukoj ninawan kanaykonqa, nispa.