Jeremías 4:1 - DIOSPA QHELQACHISQ

¹ Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Qheshwa Biblia DC

^1-2 Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

DIOSPA QHELQACHISQAN DEUTEROCANONICAL

¹ Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Jeremías 4:1 ပူးပေါင်းရင်းမြစ်များ

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

2 Reyes 23:24

Jinallataj Josiasqa layqakunata, aysirikunata wijch'ullarqataj. Chantá Judá suyupi, Jerusalenpiwan ima wasi lantikunata, tukuy imaymana millay yupaychana imakunatawan chinkacherqa. Ajinata ruwarqa sacerdote Hilcías Tata Diospa Templonpi tarisqan qhelqapi nisqanta junt'ananpaj.

2 Crónicas 15:8

Maypachachus Asa uyarerqa Diosmanta sut'inchaj Obedpa nisqanta chaypacha, kallpachakuspa, tukuy Judá jap'iymanta, Benjamín jap'iymantawan chay millay lantikunata wijch'urarqa. Lantikunata chinkachillarqataj, Efraín orqo cheqanejpi llajtakunata jap'isqanku, chaymantawan. Chaymantataj Temploj ñawpaqenpi Tata Diospa altarninta allincharqa.

2 Crónicas 33:8

Ñawpa tatankuman qosqay jallp'amanta, Israel aylluyta manaña wijch'usajchu, sichus paykuna tukuy kamachisqayta, kamachiy Moisespa kamachisqantawan kasonqanku chayqa, nispa.

2 Crónicas 34:33

Chantá Josiasqa Israel suyumanta tukuy millay ruwanata chinkacherqa. Chantá israelitakunata Tata Diosninkoj kamachinpi kanankuta kamacherqa. Kuraj kamachej Josías kawsanankamataj israelitakunaqa ñawpa tatankukunaj Tata Diosninkumanta mana t'aqakorqankuchu.

Isaías 31:6

Diospa ayllun israelitakuna, Tata Diosman kutirikamuychej ari, pejpa contrantachus oqharikorqankichej, chayman.

Jeremías 15:19

Chantá Tata Dios kutichiwarqa: Noqamanchus kutirikamuwanki chayqa, noqa qanta kamachiypi kanaykipaj jap'ikapusqayki. Sichus qhasi manakaj imakunata manaña thawtinkichu, manachayqa allin imakunallataña ninki chayqa, sutiypi parlamojta kachasqayki. Paykuna qanman kutirikamuchunku, qantajrí amapuni paykunaman kutirikunkichu.

Jeremías 15:4

Judá suyuta ñawpa kuraj kamachej Ezequiaspa churin Manasés imatachus Jerusalenpi millayta ruwasqanmanta, chayta ruwasaj. Chayta rikuspataj, tukuy suyumanta kajkuna mayta mancharenqanku.

Jeremías 18:11

Niy ari Judamanta runakunaman, jinataj Jerusalenpi tiyakojkunaman ima, noqa Tata Diosmin imatachus nini, chayta: Noqa qankunata jasut'inaypaj jatun ñak'ariyta wakichishani. Chayrayku millay puriyniykichejmanta kutirikuychej, kawsayniykichejta, ruwasqaykichejtapis allinchaychej, nispa.

Jeremías 24:9

Paykunawanqa t'ukunapaj jina ruwasaj, paykunata rikuspataj, tukuy runakuna mayta mancharikonqanku. Maymanchus paykunata apachisaj, chay suyukunapi tiyakojkuna paykunamanta alqochakonqanku, asipayanqanku, chantá k'umuykachenqanku ima.

Jeremías 25:5

Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:12

Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 3:14

Tata Dios nillantaj: Contrayta oqharikoj churiykuna, noqaman kutirimuychej, imaraykuchus noqa qankunaj dueñoykichej kani. Noqa sapa llajtamanta ujta ajllakusaj, sapa ayllumantataj iskayta, jinaspataj, Sionman ujtawan kutichimusaj.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 36:3

Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 7:3

Israelpa Diosnin Tukuy Atiyniyoj Tata Dios kayta nisunkichej: Allinta purispa, cheqanta ruwaychej, noqataj kay suyupi tiyakunaykichejta saqellasqaykichejpuni.

Jeremías 7:5

Chayrayku allinta puriyta qallariychej, maychus kajtataj ujkuna ujkunawan ruwaychej.

Jeremías 7:7

Ajinata ruwajtiykichej, noqa saqesqaykichej kay jallp'api tiyakojta, mayqentachus ñawpa tataykichejman wiñaypaj qorqani, chay jallp'api.

Ezequiel 11:18

Israelitakuna llajtankuman kutimpuspa, kay jallp'api millay ruwanata chantá lanti yupaychanata ima chinkachenqanku.

Ezequiel 18:13

Manuspaqa, interesniyojta mañanman, ancha ashkhata ganayta mask'aspa. Ajina millayta ruwasqanrayku chay runaqa manapuni kawsanqachu. Chay runaqa wañunanpuni tiyan, wañunanpajtaj paylla juchayoj kanqa.

Ezequiel 43:9

Kunanrí khuchichakuy juchankuta, kuraj kamachejkunaj ayankuta yupaychaytapis karuman wijch'uchunku, imaraykuchus paykunawan khuska wiñaypaj tiyakusaj.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Oseas 7:16

Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Deuteronomio 27:15

Maldicisqa kachun pichus k'aspimanta, chayrí metalta unuyachispa lantita ruwajqa, chayrí yachajwan lantita ruwachikuspa pakajqa. Chayqa Tata Diospaj manchay millachikunamin, nispa. Chantá tukuy israelitakuna nenqanku: Ajina kachun, nispa.

Deuteronomio 4:30

Maypachachus llakiykuna phutiykunapis chayamusojtiykichej chay qhepata, qankunaqa Tata Diosman kutirikuspa, payta kasunkichej.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Jueces 10:16

Chantá israelitakunaqa chay waj dioskunata saqespa, Tata Diosta yupaycharqanku. Tata Diospis manaña munarqachu israelitakuna astawan ñak'arinallankutapuni, imaraykuchus sinch'ita llakikorqa ñak'arishasqankumanta.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.