Jeremías 39:4 - DIOSPA QHELQACHISQ

⁴ Jinapi kuraj kamachej Sedequías, chantá soldadonkunapis chay tukuyta rikuspa, Jerusalenmanta ayqekorqanku kuraj kamachejpa huertan chaynejta. Iskaynin perqa chawpipi punku kasharqa, chayninta tutan llojsispa, Jordán valleman rej ñanta jap'irerqanku.

Qheshwa Biblia DC

⁴ Rey Sedequías, chanta soldadosnimpis chay tukuy imas kajta rikuytawan chay llajtamanta ayqekorqanku, reypa huertan chaynejta, iskaynin perqas chaupipi punku kasharqa chayninta ch'isin llojsispa, Jordán valleman rej ñanninta jap'irerqanku.

DIOSPA QHELQACHISQAN DEUTEROCANONICAL

⁴ Jinapi kuraj kamachej Sedequías, chantá soldadonkunapis chay tukuyta rikuspa, Jerusalenmanta ayqekorqanku kuraj kamachejpa huertan chaynejta. Iskaynin perqa chawpipi punku kasharqa, chayninta tutan llojsispa, Jordán valleman rej ñanta jap'irerqanku.

Jeremías 39:4 ပူးပေါင်းရင်းမြစ်များ

2 Crónicas 32:5

Chaymantataj kuraj kamachej Ezequías kallpakuspa, Jerusalén llajtaj perqanpi q'asakunata perqaykucherqa. Jinallataj perqa patapi torrekunata ruwacherqa, jawanpitaj waj perqatawan ruwachillarqataj. Davidpa Llajtan nisqapi p'ujruta ruwacherqa. Ashkha lanzakunata, escudokunatawan ruwachillarqataj.

Isaías 22:11

Chay iskay perqa chawpipi uj qochata ruwarqankichej, chay ñawpa qochamanta yakuta jap'inaykichejpaj. Chaywanpis pichus kay pachata Ruwajmanta yanapananta mana mañakorqankichejchu, nitaj pichus ñawpajmantaña chay tukuy imata wakichejpi atinikorqankichejchu.

Isaías 22:3

Tukuy kurajniykikuna ayqekorqanku. Paykuna arcowan flechajkunamanta ayqeshaspa, jap'isqa karqanku. Wapu runaykikuna karuman ayqeshaspapis, jap'ichikullarqankupuni.

Isaías 29:2

Chaywanpis noqaqa Arielta llakiywan mat'iykusaj, chaypitaj llakiy, waqay ima kanqa. Chay llajta lawrarenqa imaynatachus uywata ñak'aspa, altarpi noqapaj q'olachipuwanku, ajinata.

Jeremías 32:4

Judata kuraj kamachej Sedequiaspis caldeokunamanta mana llusp'enqachu, manachayqa Babiloniamanta kuraj kamachejpa makinman urmanqa, paywantaj uyapura parlanqa.

Jeremías 32:5

Nabucodonosortaj Sedequiasta Babiloniaman apachenqa, chaypitaj Sedequías qhepakonqa, paymanta noqa yuyarikunaykama. Sichus qankuna caldeokunawan maqanakoj churakunkichej chayqa, mana paykunata atipankichejchu. Noqa Tata Diosmin chayta nini.

Ezequiel 12:12

Kuraj kamachejniykichej Sedequías, imatachus apakunan kajta q'epiriykukonqa, laqhayaykojtintaj, perqata jusk'uspa chaynejta llojsenqa. Uyanta qhataykukuspa llojsenqa, llajtata ama rikunanpaj nitaj pipis payta rejsinanpaj.

Ezequiel 12:4

Chawpi p'unchayta tukuy rikushasojtinku, waj suyuman apasqa runapis kawaj jina tukuy imaykita orqhoy. Tardenpitaj tukuypa rikunanta waj suyuman apasqa runa jina llojsiy.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 26:36

Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej.

Amós 2:14

Sinch'ita t'ijurejqa mana ayqeyta atenqachu. Kallpasapatapis kallpanqa mana yanapanqachu. Aswan wapu kajpis wañunanmanta mana llusp'enqachu.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.