Jeremías 39:14 - DIOSPA QHELQACHISQ

¹⁴ Jeremiasta kuraj kamachejpa wasinta qhawajkunaj pationmanta orqhomunankupaj. Ajicanpa churin, Safanpa allchhin Gedaliasmantaj nerqanku, Jeremiasta qhawananta, wasinmantaj pusananta. Jinamanta Jeremías Judá suyupi llajta masinkunawan tiyakorqa.

DIOSPA QHELQACHISQAN DEUTEROCANONICAL

¹⁴ Jeremiasta kuraj kamachejpa wasinta qhawajkunaj pationmanta orqhomunankupaj. Ajicanpa churin, Safanpa allchhin Gedaliasmantaj nerqanku, Jeremiasta qhawananta, wasinmantaj pusananta. Jinamanta Jeremías Judá suyupi llajta masinkunawan tiyakorqa.

Jeremías 39:14 ပူးပေါင်းရင်းမြစ်များ

2 Reyes 22:12

Jinaytawantaj, pay sacerdote Hilciasta, Safanpata churin Ajicanta, Micaiaspa churin Acborta, qhelqeri Safanta, chantá kamachin Asaiastawan ima kay jinata kamacherqa:

2 Reyes 22:14

Chantá sacerdote Hilcías Ajicanwan, Acborwan, Safanwan, Asaiaswan ima Diospa sut'inchajnin Julda sutiyoj warmita watukoj rerqanku. Payqa Salunpata warmin karqa, Saluntaj Ticvaj churin karqa, Jarjaspa allchhintaj. Jarjasqa Diospa Templonpi sacerdotekuna churakunanku p'achata jallch'ananpaj churasqa karqa. Juldaqa Jerusalenpi mosoj wasikuna tiyan, chaynejpi tiyakorqa. Chantá paywan parlarqanku.

2 Crónicas 34:20

Chantá Hilciasta, Safanpa churin Ajicanta, Micaíaj churin Abdonta, qhelqeri Safanta, kuraj kamachejpa yanapajnin Asaiastawan kay jinata kamacherqa:

Salmos 105:19

Chayqa ajina karqa Joséj mosqokusqan junt'akunankama. Chaypacha Tata Diosqa José imatachus nisqan cheqan kasqanta sut'incharqa.

Jeremías 26:22

Chantá kuraj kamachej Joacinqa Acborpa churin Elnatanta, waj runakunatawan ima Egiptoman kachasqa.

Jeremías 26:24

Safanpa churin Ajicanpis Jeremiasman sayakorqa. Chayrayku mana Jeremiasta runakunaman jaywarqankuchu payta wañuchinankupaj.

Jeremías 32:2

Chaypacha Jerusalenqa Babiloniaj soldadonkunawan muyuykusqa kasharqa. Diosmanta sut'inchaj Jeremiastaj Judata kuraj kamachejpa wasinta qhawajkunaj pationpi wisq'asqa kasharqa.

Jeremías 37:21

Chantá kuraj kamachej Sedequías kamacherqa Jeremías kuraj kamachejpa wasinta qhawajkunaj pationpi wisq'asqa kananta. Kamachillarqataj sapa p'unchay t'antata ruwajkunamanta payman t'antata jaywanankuta, llajtapi t'anta kanankama. Ajinata chay llajtapi t'anta tukukunankama ruwarqanku. Ajinatamin Jeremías kuraj kamachejpa wasinta qhawajkunaj pationpi qhepakorqa.

Jeremías 38:13

Chantá chay runakuna Jeremiasta pujyumanta orqhorqanku. Chaymantataj Jeremías kuraj kamachejpa wasinta qhawajkunaj pationllapiña presochasqa qhepakorqa.

Jeremías 38:28

Jeremiastaj kuraj kamachejpa wasinta qhawajkunaj pationpi qhepakorqa, Caldeamanta soldadokuna Jerusalenta jap'erqanku, chay p'unchaykama.

Jeremías 39:13

Chantá Nabuzaradán, Nabusazbán jinataj Nergal Sarezerwan, chantá Babiloniata kuraj kamachejpa tukuy kurajninkuna ima soldadokunata kacharqanku

Jeremías 39:15

Manaraj caldeo soldadokuna Jerusalenta atipaykushajtinku, Jeremías llajtata qhawajkunaj patiollanpiraj kasharqa. Chantá Tata Diosqa Jeremiasta nisqa:

Jeremías 40:1

Tata Diosqa Jeremiasman parlallarqataj, caldeo soldadokunata kamachej Nabuzaradán Ramá llajtapi Jeremiasta kacharipusqanmanta qhepaman. Nabuzaradanqa Jeremiasta cadenawan watasqata taripasqa, Jerusalenmanta, jinataj Judamantapis pikunachus Babiloniaman apasqa kanankupaj ajllasqa karqanku, chaykuna ukhupi.

Jeremías 40:5

Sichus qhepakuyta munanki chayqa, kutipullay Safanpa allchhin Ajicanpa churin Gedaliaspaman. Babiloniata kuraj kamachejqa paytamin Judá suyupi kamachinanpaj churarqa. Paywan llajta masiykikuna ukhupi tiyakuy. Maymanchus allin rijch'asunki, chayman rillay, nispa. Chaymantataj payqa Jeremiasman uj t'inkata qoytawan, chantá mikhunatawan churaykapuspa, kacharpayarqa.

Jeremías 40:6

Jinapi Jeremiasqa Mispá llajtaman Ajicanpa churin Gedaliaspaman riporqa, paywantaj chay llajtapi tiyakorqa, pikunachus Judapi qhepakorqanku, chay llajta masinkunawan khuska.

Jeremías 40:7

Campopi judío soldadokunata kamachejkuna, chantá soldadonkuna ima uyarerqanku Babiloniata kuraj kamachejqa Ajicanpa churin Gedaliasta Judá suyuta kamachinanpaj churasqanta. Nabucodonosor payta churasqa qharikunata, warmikunata, wawakunata ima qhawananpaj, pikunachus mana Babiloniaman apasqachu karqanku wajcha kasqankurayku, chaykunata.

Jeremías 41:1

Chay wata qanchis kaj killapi, kuraj kamachejpa ayllunmanta Netaniaspa churin Elisamaj allchhin Ismael chunka runakunatawan pusarikuspa, Mispá llajtaman Ajicanpa churin Gedaliaswan parlaj rerqa. Chaywanpis Mispá llajtapi khuska mikhushajtinku,