Jeremías 39:11 - DIOSPA QHELQACHISQ

¹¹ Chantá Babiloniata kuraj kamachej Nabucodonosor soldadonkunata kamachej Nabuzaradanta kamacherqa Jeremiaswan imatachus ruwananta. Pay nerqa:

Qheshwa Biblia DC

¹¹ Babiloniamanta rey Nabucodonosor, soldadosta kamachej Nabuzaradanman kamacherqa. Payman qorqa kay kamachiyta Jeremiaswan imatachus ruwananta:

DIOSPA QHELQACHISQAN DEUTEROCANONICAL

¹¹ Chantá Babiloniata kuraj kamachej Nabucodonosor soldadonkunata kamachej Nabuzaradanta kamacherqa Jeremiaswan imatachus ruwananta. Pay nerqa:

Jeremías 39:11 ပူးပေါင်းရင်းမြစ်များ

Job 5:15

Diosqa wajcha runata, ñak'arichisqa kajta ima kacharichin, millayta ruwajkunaj makinkumanta.

Job 5:16

Paymanta jap'ikuspa pisi kallpayojkunaqa allin kajta suyayta atinku, payllataj millayta ruwajkunaj siminkuta llup'aykun.

Job 5:19

Ashkha kutita jatun llakiymanta orqhosonqa, mana allin kajtaj qanman mana chayamusonqachu.

Jeremías 1:8

Ama paykunamanta manchachikuychu, imaraykuchus noqa qanwan kashani yanapasunaypaj. Noqa Tata Diosmin chayta nini, nispa.

Jeremías 15:11

Chantá Tata Dios nerqa: Noqa waqaychasqayki, Jeremías. Chantá awqaykikuna mañakusonqanku paykunapaj mañapunaykita, paykuna llakiypi, ñak'ariypi ima kashajtinku.

Jeremías 15:20

Noqa broncemanta perqata jina kay runakunaj ñawpaqenkupi sayachisqayki. Paykuna maqanakusonqanku chaypis, mana atipasonqankuchu, imaraykuchus noqamin qanwan kashani waqaychasunaypaj, kacharichisunaypajtaj. Noqa Tata Dios tiluspa chayta niyki.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Jeremías 37:2

Chaywanpis mana Sedequías, nitaj yanapajninkuna, nitaj ayllunmanta kajkunapis kasorqankuchu imatachus Tata Dios Jeremiasnejta willachisqanta.

Jeremías 40:1

Tata Diosqa Jeremiasman parlallarqataj, caldeo soldadokunata kamachej Nabuzaradán Ramá llajtapi Jeremiasta kacharipusqanmanta qhepaman. Nabuzaradanqa Jeremiasta cadenawan watasqata taripasqa, Jerusalenmanta, jinataj Judamantapis pikunachus Babiloniaman apasqa kanankupaj ajllasqa karqanku, chaykuna ukhupi.

Jeremías 40:4

Chaywanpis kunanpacha watasqa kashanki, chay cadenata phaskarasqayki. Chantá sichus noqawan Babiloniaman riyta munanki chayqa, jaku rina. Noqataj qanta yanapasqayki. Mana riyta munanki chayrí, qhepakullay. Maypichá munanki tiyakuyta, chayman rillay.

Jeremías 52:12

Babiloniata kuraj kamachej Nabucodonosor chunka jisq'onniyoj watataña kamachishajtin, phishqa kaj killaj chunka kaj p'unchayninpi kuraj kamachejta yanapaj soldadokunata kamachej Nabuzaradán Jerusalenman chayamorqa.

Hechos 24:23

Chaymantataj capitanta kamacherqa Pablota allinta qhawananta. Chaywanpis pay saqenan karqa Pablota watukoj jamojkuna payta yanapanankuta.