Jeremías 39:1 - DIOSPA QHELQACHISQ

¹ Judá suyuta kuraj kamachej Sedequías jisq'on wata chunka killataña kamachishajtin, Babiloniata kuraj kamachej Nabucodonosor tukuy soldadonkunawan Jerusalenpa contranta jamuspa, llajtata muyuykorqa.

Qheshwa Biblia DC

¹ Judamanta rey Sedequías, isq'on watastaña kamachishajtin chunka kaj killampi, Babiloniamanta rey Nabucodonosor tukuy soldadosninwan Jerusalempa contrampi jamuspa muyuykorqanku.

DIOSPA QHELQACHISQAN DEUTEROCANONICAL

¹ Judá suyuta kuraj kamachej Sedequías jisq'on wata chunka killataña kamachishajtin, Babiloniata kuraj kamachej Nabucodonosor tukuy soldadonkunawan Jerusalenpa contranta jamuspa, llajtata muyuykorqa.

Jeremías 39:1 ပူးပေါင်းရင်းမြစ်များ

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

Jeremías 32:1

Tata Diosqa Jeremiasman parlarqa, Judapi Sedequías chunka watataña kamachishajtin, Nabucodonosortaj Babilonia suyupi chunka pusajniyoj watataña kamachishajtin.

Jeremías 34:1

Babiloniaj kuraj kamachejnin Nabucodonosor tukuy soldadonwan, jinataj paypa kamachiyninpi kaj suyukunamanta tukuy soldadokuna ima Jerusalenpa contranta maqanakusharqanku, chantá chay muyuyninpi llajtakunaj contranta ima. Chaypacha Tata Dios Jeremiasta nerqa:

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 52:1

Sedequías kamachiyta qallarishaspa, iskay chunka ujniyoj watayojña karqa, chunka ujniyoj watatataj Jerusalenpi kamacherqa. Mamanpa sutin Jamutal karqa, paytaj Libnamanta waj Jeremiaspa ususin karqa.

Jeremías 6:6

Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Ezequiel 33:21

Babiloniaman apasqa kasqaykumanta chunka iskayniyoj wata kashajtin, chunka kaj killapi phishqa kaj p'unchaypi, uj runa Jerusalenmanta ayqespa, chayamorqa. Chantá awqankuna Jerusalenta jap'isqankuta willawarqa.

Ezequiel 4:3

Chantá uj p'alta fierrota oqharispa, qanta llajtamanta t'aqasunanpaj perqapis kanman jina churay. Qantaj llajtanejman qhawarispa, maqanakuman yaykunaykipaj jina sayaykuy. Chayqa israelitakunapaj uj señal jina kanqa.

Ezequiel 40:1

Babiloniaman apasqa kasqaykumanta iskay chunka phishqayoj wataña kashajtin, wata qallariy killata chunka p'unchayninpi, Tata Dios makinwan llankhaykuwarqa. Chantá Jerusalenman pusawarqa. Chayqa Jerusalenta jap'isqankumanta chunka tawayoj wataña karqa.

Ezequiel 5:2

Maypichus Jerusalén llajtaman rijch'akojta dibujarqanki, chay llajtata jap'inapaj muyuykuna junt'akojtin, kinsaman t'aqasqa chujchaykimanta ujnin t'aqata llajta chawpipi ruphachinki. Chantá chay kinsaman t'aqamanta ujnin t'aqa chujchaykita llajtaj muyuyninpi espadawan k'uturanki. Uj kaj t'aqa chujchaykitataj wayrawan apachinki, imaraykuchus noqaqa judiokunaj qhepankuta espada oqharisqa risaj.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.