Jeremías 38:19 - DIOSPA QHELQACHISQ

¹⁹ Jinapi Sedequías kuticherqa: Caldeokunaman chimpapunkuña, chay judiokunata manchachikuni, imaraykuchus caldeokunaqa chay judiokunaj makinkuman jaywaykuwankuman, paykunataj imaymanata ruwawankuman, nispa.

Qheshwa Biblia DC

¹⁹ Sedequías kuticherqa: Caldeospaman chimpapunku chay judiosta manchachikuni. Paykunaj makinkuman urmayman chayqa, ñak'arichiwankuman.

DIOSPA QHELQACHISQAN DEUTEROCANONICAL

¹⁹ Jinapi Sedequías kuticherqa: Caldeokunaman chimpapunkuña, chay judiokunata manchachikuni, imaraykuchus caldeokunaqa chay judiokunaj makinkuman jaywaykuwankuman, paykunataj imaymanata ruwawankuman, nispa.

Jeremías 38:19 ပူးပေါင်းရင်းမြစ်များ

2 Crónicas 30:10

Chay willajkunaqa Efraín chantá Manasés jatun ayllukunaj jap'iyninta llajtamanta llajta rispa purimorqanku, Zabulón jatun aylloj jap'iyninman chayanankukama. Runakunatajrí paykunamanta asikorqanku, alqochakorqankutaj.

Nehemías 4:1

Sambalatqa noqayku watejmanta perqata jatarichishasqaykuta yachaspa, sinch'ita phiñarikorqa. Chayrayku noqayku judiokunamanta asiykukuyta qallarerqa.

Job 31:34

runata manchachikusqayrayku. Aylluy pisipaj qhawanawankuta manchachikuspataj, ni jayk'aj wisq'aykukuspa ch'inlla karqanichu.

Proverbios 29:25

Runa masita manchachikoyqa tojlla jina. Chaywanpis Tata Diospi atinikojrí mana ni imamanta manchachikuspa purenqa.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Jeremías 20:7

Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Jeremías 38:22

Caldeamanta soldadokunaqa Judá suyuta kuraj kamachejpa wasinpi tukuy qhepakoj warmikunata orqhospa, Babiloniaj soldadonkunaj kurajninkunaman jaywaykonqanku. Chay warmikunataj kay jinata qanmanta nenqanku: Qanpa kawsaqeykikunallataj wasanchasorqanku, atipaykusorqankutaj. Chakiyki t'uruman chinkaykushajtinpis, paykuna saqerparisorqanku, nispa.

Jeremías 38:5

Jinapi kuraj kamachej Sedequías paykunaman kuticherqa: Jeremiasqa makiykichejpi kashan. Noqa mana imatapis ruwayta atinichu qankunamanta payta jark'akunaypaj, nispa.

Jeremías 39:9

Chay qhepatataj soldadokunata kamachej Nabuzaradán llajtapi qhepakojkunata jinallataj caldeokunaman chimpapojkunatapis Babiloniaman apacherqa.

San Juan 12:42

Chaywanpis judiokunamanta, jinataj kurajkunamanta ima Jesuspi ashkha atinikorqanku. Paykunarí fariseokunata manchachikusqankurayku, mana sut'ita paymanta parlajchu kanku, tantakuna wasimanta ama wijch'usqa kanankupaj.

Jueces 16:25

Jinapi chay tantasqa runakuna mayta kusikuspa, mañarqanku Sansonta carcelmanta orqhomunankuta, paymanta alqochakunankupaj. Jinataj kurajkunaqa Sansonta carcelmanta orqhocherqanku runakuna paymanta alqochakunankupaj. Sansón jamojtintaj, payta yupaychana wasej sayantankuna chawpiman sayaykucherqanku.

Jueces 9:54

Chantá Abimelecqa armanta apaykachajta nerqa: Espadaykiwan wañuchiway. Mana munanichu warmillaraj wañuchisqa ninawankuta, nispa. Chantá Abimelecpa armanta apaykachaj runaqa espadawan t'ojsispa, Abimelecta wañurparicherqa.

1 Samuel 15:24

Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.

1 Samuel 31:4

Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.