Jeremías 38:18 - DIOSPA QHELQACHISQ

¹⁸ Manatajchus paykunaman k'askapuwaj chayrí, Caldeamanta soldadokuna jamuspa, kay llajtata jap'enqanku, ruphaykuchenqankutaj. Qanpis makinkumanta mana llusp'iyta atinkichu, nispa.

Qheshwa Biblia DC

¹⁸ Manatajchus paykunaman chimpaykuwaj chayqa, caldeos jamuspa kay llajtata jap'ikaponqanku, ruphaykuchenqankutaj, qantaj makinkumanta mana ayqekuyta atinkichu, nispa.

DIOSPA QHELQACHISQAN DEUTEROCANONICAL

¹⁸ Manatajchus paykunaman k'askapuwaj chayrí, Caldeamanta soldadokuna jamuspa, kay llajtata jap'enqanku, ruphaykuchenqankutaj. Qanpis makinkumanta mana llusp'iyta atinkichu, nispa.

Jeremías 38:18 ပူးပေါင်းရင်းမြစ်များ

2 Reyes 24:12

Jinapi Judá suyuta kuraj kamachej Joaquín mamanwan, kurajninkunawan, soldadokunata kamachejkunawan ima Nabucodonosorman k'umuykorqanku. Babilonia suyuta kuraj kamachejtaj paykunata presocharqa. Chay karqa Nabucodonosor Babilonia suyuta pusaj watataña kamachishajtin.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 27:8

Mayqen suyupis, chayrí kamachejkunapis Nabucodonosorpa kamachiyninpi kayta mana munajkunataqa, noqa chay suyukunata maqanakuywan, yarqhaywan, onqoywan ima jasut'isaj tukuyninku paypa atiyninman yaykunankukama. Noqa Tata Diosmin chayta nini.

Jeremías 37:8

Caldeamanta soldadokunataj Jerusalén llajtaj contranta maqanakunankupaj kutimonqanku, jinaspataj, kay llajtata ruphaykuchenqanku.

Jeremías 38:23

Chantá Jeremías kuraj kamachejta nillarqataj: Tukuynin warmiykikuna, wawaykikunapis caldeokunaman jaywaykusqa kanqanku. Qanpis mana paykunamanta llusp'iyta atinkichu. Manachayqa chay soldadokuna Babiloniata kuraj kamachejman jaywaykusonqanku, chaymantataj kay llajtata ninawan kanaykonqanku, nispa.

Jeremías 38:3

Tata Dios nillantaj: Kay Jerusalén llajta Babiloniata kuraj kamachejpa soldadonkunaj makinkuman jaywaykusqa kanqa. Paytaj atipaspa, llajtata jap'enqa, nispa.

Jeremías 39:3

Babiloniata kuraj kamachejpa tukuy kurajninkunapis yaykuykullarqankutaj, chawpipi kaj punkupitaj tiyaykukorqanku. Chaykuna karqanku Nergal Sarézer, Samgar Nebo, kuraj kamachejpa kuraj kamachin Sarsequín, waj Nergal Sarézer ima, pichus kuraj kamachillataj karqa.

Jeremías 39:8

Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

Ezequiel 12:13

Noqa Diostajrí ch'ipayta paypa patanman choqaykamusaj chaywan payta urmachinaypaj. Chantá Babiloniaman payta apachisaj caldeokunaj suyunkuman. Chaywanpis pay chay suyuta mana rikonqachu, imaraykuchus manaraj chayashaspa, wañonqa.

Ezequiel 17:15

Chaywanpis pichus israelitakunaj kuraj kamachejninkoj ayllunmanta churasqa karqa kamachinanpaj, chay runaqa Babiloniamanta kuraj kamachejpa contranta oqharikuspa, Egiptoman runankunata kacharqa ashkha caballokunata, ashkha soldadokunatawan apachimunanta mañaspa. Yuyankichejchu ajinata ruwaspa allin rinanta chayrí llusp'inantari? Pichus tratota p'akejqa ayqeyta atinmanchuri?