Jeremías 38:14 - DIOSPA QHELQACHISQ

¹⁴ Chaymantataj kuraj kamachej Sedequiasqa Jeremiasta ñawpaqenman pusamunankuta kamacherqa, Tata Diospa Templonpa kinsa kaj punkunnejman. Chaypitaj kuraj kamachejqa payta nerqa: Ujta tapurikusqayki. Ama imatapis pakaspa, sut'inta willaway, nispa.

Qheshwa Biblia DC

¹⁴ Rey Sedequiasqa kamacherqa profeta Jeremiasta ñaupaqenman pusanankuta, Diosta yupaychana wasej kinsa kaj punkunnejman. Chaypitaj payman reyqa nerqa: Uj imata tapusqayki, ama pakaspa sut'inta willaway.

DIOSPA QHELQACHISQAN DEUTEROCANONICAL

¹⁴ Chaymantataj kuraj kamachej Sedequiasqa Jeremiasta ñawpaqenman pusamunankuta kamacherqa, Tata Diospa Templonpa kinsa kaj punkunnejman. Chaypitaj kuraj kamachejqa payta nerqa: Ujta tapurikusqayki. Ama imatapis pakaspa, sut'inta willaway, nispa.

Jeremías 38:14 ပူးပေါင်းရင်းမြစ်များ

2 Samuel 14:18

Chantá kuraj kamachej David kuticherqa: Imatachus tapusqayta ama llullakuspa cheqanta willaway, nispa. Warmitaj kuticherqa: Kuraj kamachejníy, parlarillay, nispa.

1 Reyes 10:5

Rikullarqataj Salomonpa wasinpi sumaj mikhuykunata, yanapajninkunaj wasinkukunatawan, kamachinkunaj p'achankutawan, vino jaywajkunatawan, Tata Diospa Templonpi uywa ñak'asqa q'olachiykunatawan ima. Chayta rikuspataj, t'ukushaj qhepakorqa.

1 Reyes 22:16

Ajabtajrí payta nerqa: Mashkha kutitataj nisqayki Tata Diospa sutinpi cheqanta ninawaykitari? nispa.

2 Reyes 16:18

Jinallataj, Tata Diospa Templonpi samarina p'unchaypi kuraj kamachejpa tiyananta churanapaj corredortapis phaskacherqa. Phaskachillarqataj kuraj kamachejpa yaykunan punku karqa, chaytapis. Ajinata ruwarqa Asiria suyuta kuraj kamachejpa sonqonta suwananpaj.

2 Crónicas 18:15

Kuraj kamachej Ajabtajrí payman kuticherqa: Mashkha kutitataj nisqayki, Tata Diospa sutinpi cheqa kajllata ninawaykitari? nispa.

Jeremías 15:11

Chantá Tata Dios nerqa: Noqa waqaychasqayki, Jeremías. Chantá awqaykikuna mañakusonqanku paykunapaj mañapunaykita, paykuna llakiypi, ñak'ariypi ima kashajtinku.

Jeremías 37:17

Chantá kuraj kamachej Sedequías kamacherqa Jeremiasta kamachinan wasiman pusamunankuta. Chaypitaj kuraj kamachejqa Jeremiasta pakayllapi tapurerqa: Tata Dios noqamanta imatapis nisunkichu? nispa. Jeremiastaj kuticherqa: Arí, kay jinata niwan: Qan Babiloniata kuraj kamachejpa makinman jaywaykusqa kanki, nispa.

Jeremías 42:20

Qankuna jatunta pantarqankichej, maypachachus kay jinata niwarqankichej chaypacha: Tata Diosniykimanta noqaykurayku mañaripuwayku, chantá sut'inchawayku imatachus kamachiwasqaykuta, chayman jina ruwanaykupaj, nispa.