Jeremías 37:7 - DIOSPA QHELQACHISQ

⁷ Noqa Israelpa Tata Diosnin ajinata nini: Qankunaqa Judamanta kuraj kamachej, pichus tapunawaykichejpaj kachamusorqachej, chayman niychej: Faraonpa soldadonkuna, pikunachus yanapanasuykichejpaj jamushasorqachej, chaykuna Egiptoman kutiykapunkuña.

DIOSPA QHELQACHISQAN DEUTEROCANONICAL

⁷ Noqa Israelpa Tata Diosnin ajinata nini: Qankunaqa Judamanta kuraj kamachej, pichus tapunawaykichejpaj kachamusorqachej, chayman niychej: Faraonpa soldadonkuna, pikunachus yanapanasuykichejpaj jamushasorqachej, chaykuna Egiptoman kutiykapunkuña.

Jeremías 37:7 ပူးပေါင်းရင်းမြစ်များ

2 Reyes 22:18

Chaywanpis pichus Tata Diosta tapojta kachamusoj Judá suyuta kuraj kamachejman kay jinata ninkichej: Israelitakunaj Tata Diosnin ajinata nisunki: Qhelqapi imatachus nisqayta tukuy sonqo uyarerqanki.

2 Reyes 24:7

Chaymantapacha faraonqa Egiptomanta manaña ujtawan llojsimorqachu, imaraykuchus Babiloniata kuraj kamachejqa faraonpa jallp'anta Egipto mayumantapacha Éufrates mayukama jap'ikapusqa.

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Isaías 30:7

Cheqamanta Egiptoj yanapaynenqa qhasi manakaj. Chayrayku noqaqa chay suyuta sutichani: Ni imapi yanapaj Rajab, nispa.

Isaías 36:6

Noqa yachani Egiptoj yanapayninpi atinikusqaykita. Egipto suyurí ch'ejtarpayasqa soqoso jinalla. Pipis chayman atinikojqa makinta t'ojsiykukuspa, pasarparichikonqa. Chay jinamin kuraj kamachej faraonqa paypi atinikojkunapajqa.

Jeremías 2:18

Kunanrí, Egiptoman rispa, Nilo mayumanta yakuta ujyamusqaykiwan imatataj tarinkiri? Asiriaman rispa, Éufrates mayumanta yakuta ujyaspapis, imatataj tarillankitajri?

Jeremías 2:36

Imaraykutaj chay jina usqhayta qanman sayasqa qhesachaspa, wajmanñataj k'askakunkiri? Egiptoqa k'akillata saqerparisonqa, imaynatachus Asiriapis ruwasorqa, ajinata.

Jeremías 2:37

Chantá Egiptomanta may p'enqayta kutimunki, imaraykuchus pikunapichus atinikorqanki, chaykunata noqa qhesachani. Paykunawan kawsakuspaqa, mana imatapis tarinkichu, nispa.

Jeremías 21:1

Kuraj kamachej Sedequiasqa Malquiaspa churin Pasjurta, chantá Maseiaspa churin sacerdote Sofoniastawan Jeremiasman kacharqa, kayta ninankupaj:

Jeremías 21:2

Tata Diosta tapuripuwayku, imaraykuchus Babiloniamanta kuraj kamachej Nabucodonosor contraykuta maqanakoj jamushan. Ichapis Tata Dios uj t'ukuna imata ruwayta munanman, Nabucodonosorta karunchachinanpaj, nispa.

Jeremías 37:3

Mana kasojtinkupis, kuraj kamachej Sedequiasqa Selemiaspa churin Jucalta, jinataj Maseiaspa churin sacerdote Sofoniasta ima kacharqa Jeremiasta kay jinata nimunankupaj: Noqaykurayku Tata Diosmanta mañapuwayku, nispa.

Jeremías 37:5

Jinapi Babiloniamanta soldadokuna Jerusalenta muyuykushajtinku, Egiptomanta faraonpa soldadonkuna Sedequiasta yanapaj llojsimorqanku. Chayta yachaspataj, caldeokunaqa Jerusalenmanta karunchakaporqanku.

Jeremías 37:6

Chaypacha Tata Diosqa Jeremiasta nerqa:

Lamentaciones 1:7

Jerusalén, ñak'arichisqa llakiypi purishaspa, yuyarikuy ñawpa tiempopi qhapaj kasqaykimanta. Kunantajrí awqayki mayta alqochakuspa asipayasunki, imaynatachus urmasqaykita rikuspa. Nitaj pipis yanaparej jamusorqachu.

Lamentaciones 4:17

Yanapanawaykuta suyaspa qhawasqaykupi ñawiykupis chharpuyawaykuña. Chaywanpis suyashayku mana pitapis kacharichiyta atej suyu yanapanawaykuta.

Ezequiel 17:17

Babiloniaj kuraj kamachejnin ashkha runakunata wañuchinanpaj may chhika soldadokunata kachamonqa. Chantá paykuna Jerusalén llajtata muyuykuspa, jallp'amanta moqota chantá muyuyninpi perqatapis sayarichenqa. Chaypacharí faraón chay ashkha soldadonkunawan, waj runakunawan ima manapuni Israelta yanapayta atenqachu.

Ezequiel 29:16

Chaymanta qhepaman Israel aylloqa manaña Egiptopi atinikonqankuchu, manachayqa Egiptoman kutirina mana allin kasqanta yuyarikonqanku. Chaypacha noqa Tukuyta Kamachej Tata Dios kasqayta yachanqanku.

Ezequiel 30:22

Chayrayku noqa Tukuyta Kamachej Tata Dios kay jinata nini: Noqaqa Egiptoj kuraj kamachejnin faraonpa contranta sayarini. Iskaynin makinta p'akirasaj, allin kajta, chantá p'akisqa karqa, chaytawan. Ajinata ruwaspataj, espadata makinmanta kacharichisaj.