Jeremías 37:13 - DIOSPA QHELQACHISQ

¹³ Jinapis maypachachus Benjaminpa Punkun nisqaman chayasharqa chaypacha, uj runa Irías sutiyoj chaypi kasharqa. Pay karqa Selemiaspa churin, Jananiaspa allchhin, qhawajkuna ukhumanta kuraj kaj. Chantá payqa Jeremiasta jap'ispa, nerqa: Qanqa Caldeamanta runakunaman chimpapuyta munashanki, nispa.

Qheshwa Biblia DC

¹³ Jinapis maypachachus Benjamín punkuman chayashajtin uj runa Irías sutiyoj llojsimorqa. Pay karqa Seleniaspa wawan, Hananiaspa allchhin qhawajkuna ukhumanta kuraj kaj karqa, chaypi Jeremiasta sayachispa jap'iykorqa, nerqataj: Qan caldeosman chimpashanki, nispa.

DIOSPA QHELQACHISQAN DEUTEROCANONICAL

¹³ Jinapis maypachachus Benjaminpa Punkun nisqaman chayasharqa chaypacha, uj runa Irías sutiyoj chaypi kasharqa. Pay karqa Selemiaspa churin, Jananiaspa allchhin, qhawajkuna ukhumanta kuraj kaj. Chantá payqa Jeremiasta jap'ispa, nerqa: Qanqa Caldeamanta runakunaman chimpapuyta munashanki, nispa.

Jeremías 37:13 ပူးပေါင်းရင်းမြစ်များ

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 20:2

Chantá Pasjur Diosmanta sut'inchaj Jeremiasta seq'onankuta kamacherqa, jinallataj Diospa Templon qayllapi wichaynejpi Benjamín sutiyoj punku qayllapi cepoman churanankuta.

Jeremías 21:9

Pichus kay llajtapi qhepakojqa maqanakupi, yarqhaywan, chayrí onqoywan wañuchisqa kanqa. Pitajchus caldeokunawan jap'ichikonqa chayqa, mana wañonqachu, aswanpis kawsanqa.

Jeremías 27:6

Kunanqa noqa kay suyukunata Babiloniata kuraj kamachej kamachiy Nabucodonosorpa makinman churani. Jinallataj k'ita animalkunatapis paypa makinman churallanitaj.

Jeremías 28:14

Noqa Israelpa Tukuy Atiyniyoj Tata Diosnin nini: Fierro yugota tukuy suyoj kunkankuman noqa churani, Babiloniamanta kuraj kamachej Nabucodonosorpa kamachinkuna kanankupaj. K'ita animalkunatapis paypa makinman churallanitaj, nispa.

Jeremías 36:12

Chantá chayta uyariytawankama, Micaías kuraj kamachejpa kamachinan wasipi qhelqerej cuartonman rerqa, maypichus tukuy kurajkuna tantasqa kasharqanku, chayman. Chaypitaj kasharqanku: Kuraj kamachejpa qhelqerin Elisama, Semaiaspa churin Delaía, Acborpa churin Elnatán, Safanpa churin Gemarías, Jananiaspa churin Sedequías, chantá waj kurajkuna ima.

Jeremías 38:1

Matanpa churin Sefatías, Pasjurpa churin Gedalías, Selemiaspa churin Jucal, chantá Malquiaspa churin Pasjur ima uyarerqanku Jeremías imatachus tukuy runaj uyarinanta willarasharqa, chayta. Jeremías nisqa:

Jeremías 38:4

Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

Jeremías 38:7

Chaypacha Etiopiamanta uj runa Ébed Mélec sutiyoj kuraj kamachejpa wasinpi kuraj kamachi karqa. Paytaj uyarisqa Jeremías pujyuman wijch'uykusqa kasqanta. Chaypachataj kuraj kamachejqa Benjaminpa Punkun nisqapi tiyasqa kasharqa.

Lamentaciones 4:18

Purisqaykupis qhawasqalla karqa. Chaynejta jawamanpis mana llojsiyta aterqaykuchu. Wañoyqa patallaykupiña karqa. Chay phani chayamunña, tukukunayku p'unchayqa kayllapiña kashan.

Amós 7:10

Chaymanta qhepaman Betelmanta sacerdote Amasiasqa Israelta kuraj kamachej Jeroboanman uj willajta kachaspa, nicherqa: Amosqa Israel suyupi qanpa contraykita runakunata oqharichispa purishan. Noqanchejrí mana ajina parlajtaqa qhawallasunmanchu.

Zacarías 14:10

Chantá Jerusalenmanta uraynejpi, Gebamanta Rimonkama tukuy kay suyu pampaman tukonqa. Jerusalén llajta may uyarisqa kanqa, chaynejpitaj runakuna Benjamín Punkumantapacha Esquina Punku nisqakama tiyakonqanku, maypichus ñawpa punku karqa, chaykama. Jinallataj tiyakonqanku Jananelpa Torrenmantapacha kuraj kamachejpata uva sarunan cheqakama.

San Lucas 23:2

Chaypitaj Jesusta ch'ataykuyta qallarerqanku: Kay runataqa runakunata ch'ajwachishajta taripayku, imaraykuchus nin kuraj kamachej Cesarman impuestota mana paganata. Nillantaj pay Diospa kachamusqan Cristo kasqanta, jinallataj kuraj kamachej jina kamachinanta, nispa.

Hechos 24:13

Kay runakuna manallataj rikuchisuyta atinkumanchu, imamantachus tumpawasqanku ajinapuni kasqanta.

Hechos 6:11

Jinapi chay runakuna llulla runakunaman qolqeta lluk'iykorqanku ninankupaj: Kay runataqa uyariyku Moisespa contranpi, Diospa contranpiwan ima rimashajta, nispa.

2 Corintios 6:8

Wakin kutipeqa allinpaj qhawasqa kayku, waj kutipitaj mana. Wakin kutipeqa noqaykumanta allinta parlanku, waj kutipitajrí mana. Cheqa kajta parlajtiykupis, llullata jina qhawawayku.