Jeremías 37:10 - DIOSPA QHELQACHISQ

¹⁰ Sichus qankuna Caldeamanta soldadokunata maqanakupi atipaspa, jarankupi iskay chayrí kinsa k'irisqa soldadokunata kawsajta saqewajchej chayqa, chay soldadokunalla llajtaykichejta ninawan ruphaykuchinkuman, nispa.

Qheshwa Biblia DC

¹⁰ Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

DIOSPA QHELQACHISQAN DEUTEROCANONICAL

¹⁰ Sichus qankuna Caldeamanta soldadokunata maqanakupi atipaspa, jarankupi iskay chayrí kinsa k'irisqa soldadokunata kawsajta saqewajchej chayqa, chay soldadokunalla llajtaykichejta ninawan ruphaykuchinkuman, nispa.

Jeremías 37:10 ပူးပေါင်းရင်းမြစ်များ

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 13:15

Pillapis jap'ichikojqa t'ojsisqa kanqa, pichus taripachikojpis espadawan wañuchisqa kanqa.

Isaías 14:19

Qantajrí covachaykimanta q'opa jina wijch'usqa kanki alqo wañusqa jina. Maqanakupi wañuchisqa runakunawan khuska t'oqoman choqaykusqa kanki.

Isaías 30:17

Uj runa manchachejtillan, waranqa runakuna ayqekunkichej. Phishqa awqakunata rikuspataj, tukuyniykichej ayqerikapunkichej, orqo patapi uj sapan sayashaj k'aspi jinalla qhepakunaykichejkama, chayrí ch'in lomapi uj wiphala jinalla, nispa.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 37:11

Maypachachus Caldeamanta soldadokuna yachasqanku faraonpa soldadonkuna Sedequiasta yanapaj jamushasqankuta chaypacha, paykuna Jerusalenmanta karunchakorqanku.

Jeremías 37:8

Caldeamanta soldadokunataj Jerusalén llajtaj contranta maqanakunankupaj kutimonqanku, jinaspataj, kay llajtata ruphaykuchenqanku.

Jeremías 49:20

Ajinaqa uyariychej, noqa Tata Dios imatachus wakichisqayta Edompa contranpi. Jinallataj Temanpi tiyakojkunaj contrankuta wakichisqayta uyariychej: Tukuy oveja, juch'uy corderokuna jina waj suyuman apasqa kanqanku, uywa michina pampankupis q'ara pampaman tukuchisqa kanqa.

Jeremías 50:45

Jinaqa uyariychej imatachus noqa Tata Dios Babiloniaj contranpi wakichisqayta, imatatajchus ruwayta yuyasqayta caldeokunaj contrankupi: Awqankunaqa aswan juch'uy wawankunatapis apanqanku, llajtankutapis ch'in t'ajra pampaman tukuchenqanku.

Jeremías 51:4

Caldeokunaj tukuy suyunpi runaqa wañuchisqa kanqanku, llajta ukhupitaj parti wañusqakuna mast'alla wijch'urayanqanku.

Lamentaciones 1:15

Tukuyta Kamachej Diosqa jark'akuwaj wapu soldadoykunata wijch'un. Ashkha soldadotataj kachaykamuwan, wapu soldadoykunata wañurachinankupaj. Tukuyta Kamachej Diosqa uvatapis sarushanman jina, mana qharita rejsej sipasta jina Judá suyuta sarurparin.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.