Jeremías 36:9 - DIOSPA QHELQACHISQ

⁹ Chay karqa, maypachachus Josiaspa churin Joacín phishqa watataña kamachisharqa, chaypacha. Chay wataj jisq'on kaj killanpi Joacín kamachisqa Jerusalenpi tukuy tiyakojkuna, jinataj Judapi waj llajtakunamanta jamojkunapis Tata Diospa ñawpaqenpi ayunanankuta.

Qheshwa Biblia DC

⁹ Josiaspa wawan Judamanta rey Joacim, phishqa watataña kamachishajtin isq'on kaj killampi kamacherqa Jerusalempi tukuy tiyakojkuna, jinataj Judamanta, waj llajtasmanta jamojkunapis Señorpa ñaupaqempi ayunanankuta.

DIOSPA QHELQACHISQAN DEUTEROCANONICAL

⁹ Chay karqa, maypachachus Josiaspa churin Joacín phishqa watataña kamachisharqa, chaypacha. Chay wataj jisq'on kaj killanpi Joacín kamachisqa Jerusalenpi tukuy tiyakojkuna, jinataj Judapi waj llajtakunamanta jamojkunapis Tata Diospa ñawpaqenpi ayunanankuta.

Jeremías 36:9 ပူးပေါင်းရင်းမြစ်များ

2 Crónicas 20:3

Josafatqa chayta uyarispa, manchachikorqa, Tata Diosmantaj k'umuykuspa, imatachus ruwananta taporqa. Tukuy Judá suyupi tiyakojkunatataj kamacherqa ayunanankuta.

Nehemías 9:1

Chantá israelitakunaqa chay kikin killallapitaj iskay chunka tawayoj kaj p'unchayninpi watej tantakorqanku. Chaypi qhashqa p'achata churakorqanku, ayunarqanku, jallp'atataj umankuman qhallaykukorqanku juchankumanta llakisqa kasqankumanta yachayta qonankupaj.

Ester (hebreo) 4:16

Qantajrí, Susa llajtapi tukuy judiokunata tantaspa, kinsa p'unchayta, kinsa tutatawan ayunaychej. Noqapis kamachiykunawan kikillantataj ruwasqayku. Chaymantaraj kuraj kamachejpa ñawpaqenman, kamachisqata p'akispa risaj. Wañunay kanqa chaypis, jina wañusaj, nispa.

Jeremías 36:1

Josiaspa churin Joacín Judá suyuta tawa watataña kamachishajtin, Tata Diosqa Jeremiasta nerqa:

Jeremías 36:22

Jisq'on kaj killa kasqanrayku kuraj kamachej chirimanta pakakuna cuartonpi kasharqa, q'oñikunanpaj nina k'ajaj ñawpaqenpi tiyaspa.

Jeremías 36:6

Chayrayku jamoj ayunana p'unchaypi Temploj pationman yaykuspa, chaypi jatunmanta, imatachus qhelqacherqayki, chay p'anqata ñawiriy. Jinamanta Jerusalenpi tiyakojkuna, jinataj Judá jap'iypi kaj llajtakunamanta jamojkunapis Tata Diospa nisqanta uyarenqanku.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Levítico 23:27

Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

Jonás 3:5

Jinamanta chay llajtapi tiyakojkuna Diospa nisqanta jap'ikorqanku. Chantá tukuy ayunanankuta nerqanku, jinallataj juchankumanta sinch'i llakisqa kashasqankuta rejsichinankupaj jatunpaj qhawasqa kajkunamanta mana kasu ruwana kajkunakama qhashqa p'achata churakorqanku.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.