Jeremías 36:7 - DIOSPA QHELQACHISQ

⁷ Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Qheshwa Biblia DC

⁷ Ichapis Señormanta mañakunkuman, sajra puriykunasninkutataj saqenkuman. Señorpa k'ajaj phiñakuyninta ayllunman apachimusaj nisqanta. Chayqa manchay sinch'i manchachikunamin.

DIOSPA QHELQACHISQAN DEUTEROCANONICAL

⁷ Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 36:7 ပူးပေါင်းရင်းမြစ်များ

2 Reyes 22:13

Rispa, noqarayku, runakunarayku, chantá tukuynin Judá suyurayku ima kay tarisqa qhelqapi imatachus nisqanmanta Tata Diosta tapuriychej, imaraykuchus Tata Diosqa contranchejpi sinch'i phiñasqa kashan. Ñawpa tatanchejkunaqa manamin kay qhelqapi imatachus nisqanta kasorqankuchu, noqanchejpis manallataj chayman jina ruwashanchejchu, nispa.

2 Reyes 22:17

Paykunaqa noqata qhesachawaspa waj dioskunaman inciensota q'oshñicherqanku. Tukuy imaymanata ruwaspataj noqata phiñachiwarqanku. Phiñakuyneyqa kaypi tiyakojkunaj contranpi k'ajarenqa, manataj thasnusqachu kanqa.

2 Crónicas 34:21

Rispa, noqarayku, Israelpi Judapiwan puchoj runakunarayku ima Tata Diosta tapumuychej, kay tarisqaykichej qhelqaman jinaqa imatachus ruwananchejta yachanapaj. Tata Diosqa sinch'i phiñasqa kashan noqanchejpaj, imaraykuchus ñawpa tatanchejkunaqa Tata Diospa nisqanta mana kasusqankuchu, manataj ruwasqankuchu kay qhelqapi nisqanman jina, nispa.

Jeremías 1:3

Jinallataj Tata Diosqa Jeremiasman parlallarqapuni sut'inchananpaj, Josiaspa churin Joacín Judapi chunka ujniyoj watata kamachinankama. Chay wataj phishqa killanpitaj Jerusalenpi tiyakojkuna Babilonia suyuman apasqa karqanku.

Jeremías 16:10

Aylluyman kay imakuna jamunanta willajtiyki, paykuna tapusonqanku: Imaraykutaj Tata Dios kay jatun ñak'ariyta contraykupi jamunanta kamacherqari? Ima millaytataj ruwarqaykuri? Ima juchatataj Diosniykoj Tata Diospa contranpi ruwaykuman karqari? nispa.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 25:5

Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 26:3

Ichapis kasususpa, millay ruwasqankuta saqenkuman. Jinata ruwajtinku, noqapis manaña millay ruwasqankumanta paykunata jasut'iymanñachu, imaynatachus yuyashani, jinataqa.

Jeremías 36:3

Ichapis Judá suyupi tiyakojkuna ñak'ariykunata kachaykamunayta uyarispa, tukuy mana allin purisqankuta saqenkuman, noqataj millay ruwasqankuta, juchankutapis qhespichiyman, nispa.

Jeremías 37:20

Kunanqa wiraqochi kuraj kamachejníy, uyariway imatachus mañarikusqayta: Ama saqeychu ujtawan qhelqeriyki Jonatanpa wasinpi wisq'anawankuta, ama chaypi wañunaypaj, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 42:2

Diosmanta sut'inchaj Jeremiasta nerqanku: Kay mañakusqaykuta uyaririwayku, amataj qhesachawaykuchu. Kay pisilla puchojkunapaj Diosniykimanta mañapuwayku. Ñawpajta ashkha karqayku, kunantajrí uj chhikallaña kayku, rikunki jina.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Ezequiel 12:3

Chayrayku, runaj churin, qanqa waj suyuman apasqa kanaykipaj jina wakichikuy. Tukuypa rikunanta chawpi p'unchayta wasiykimanta llojsispa, wajnejman ripunki. Ichapis ajinamanta mana kasukoj runa kasqankuta reparakonqanku.

Ezequiel 13:13

Chayrayku noqa Tukuyta Kamachej Tata Dios nini: K'araj phiñakuyniypi sinch'ita wayrachimusaj, sinch'itataj parachimusaj, rumi jina chijchitataj urmachimusaj, phiñakuyniypi tukuy kaj chhikata chinkarparichinaypaj.

Ezequiel 20:33

Noqa Tukuyta Kamachej Tata Dios tiluspa, nini: Jatun atiyniywan, k'araj phiñakuyniywan jasut'ispa, qankunata kamachisqaykichej.

Ezequiel 22:20

Runakuna qolqeta, bronceta, fierrota, titita, estañota ima tantaykuspa, hornoman churaykunku, ninawantaj enqhaykunku chaykunata unuyachinanpaj. Ajinallatataj noqapis k'araj phiñakuyniypi tantaykusqaykichej, chaypitaj unuyachisqaykichej.

Ezequiel 5:13

Ajinata ruwaspa, k'araj phiñakuyniyta thasnukusaj. Tukuy phiñakuyniyta qankunawan pagachikusaj sonqoy tiyaykusqa kanankama. Phiñakuyniy tiyaykojtintaj, chaypacha yachankichej noqa Tata Dios qankunamanta celosakuspa chayta nisqayta, nispa.

Ezequiel 8:18

Chayrayku sinch'i phiñakuyniywan paykunata jasut'isaj. Paykunamantaqa mana uj chhikallantapis khuyakusajchu, nillataj paykunata saminchasajchu. Jatunmanta qhaparispapis wajyakuwachunku, noqaqa paykunata manapuni uyarisajchu, nispa nerqa Tata Dios.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Daniel (hebreo) 9:18

Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Joel 2:12

Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Jonás 3:8

Manachayqa qhashqa p'achata churakuspa, tukuyniykichej sinch'ita Diosmanta mañakuychej. Sapa ujniykichej millay purinata saqeychej, amañataj kallpaman atinikuspa, runata waqachiychejchu.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Deuteronomio 31:16

Chaymantá Tata Diosqa Moisesta nerqa: Qanqa wañupunkiña. Kay israelitakunarí kunan yaykonqanku, chay jallp'api waj suyukunaj diosninkukunata yupaychaspa juchallenqanku. Jinata ruwaspa, paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.