Jeremías 36:2 - DIOSPA QHELQACHISQ

² Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

DIOSPA QHELQACHISQAN DEUTEROCANONICAL

² Uj qaraman tukuy kay nisusqayta qhelqay, Josiaspa tiemponmanta kunankama, Israelmanta, Judamantawan, chantá chay waj suyukunamanta imatachus nerqani, chay tukuyta.

Jeremías 36:2 ပူးပေါင်းရင်းမြစ်များ

Esdras 6:2

Chantá Media jap'iypi, Acmeta llajtapi, kamachina wasipi uj qhelqata tarerqanku, chaypitaj kay jina qhelqasqa kasqa:

Job 31:35

Mayta munayman pillapis uyarinawanta. Nisqayman sutiyta raqhespa, nisqay cheqapuni kasqanta rikuchini. Kunanqa Tukuy Atiyniyoj Dios kutichiwachun. Imamantapis tumpawasqantaqa qhelqaspa rikuchiwachun.

Salmos 40:7

7 (8) Chayrayku nerqani: Kaypi kashani, nispa. Diospa Qhelqachisqanpi noqamanta kay jinata nin:

Éxodo 17:14

Chantá Tata Dios Moisesta nerqa: Kayta sapa kuti yuyarinapaj uj p'anqaman qhelqay. Josuemantaj kay jinata niy: Qhepanejman noqa kay pachamanta tukuy amalecitakunata chinkachinayta, nispa.

Isaías 8:1

Tata Dios niwarqa: Uj qhelqana tablata jap'ispa, chayman sut'ita qhelqay Maher Salal Jasbaz sutita.

Jeremías 1:10

Noqa simiykiman nisqaykunata churani. Kunanqa jatun suyukunapi, juch'uy suyukunapi ima atiyta qoyki sik'inaykipaj, thuñinaykipaj, phirinaykipaj, t'unanaykipaj, chantá watej jatarichinaykipaj, mallkinaykipaj ima, nispa.

Jeremías 1:5

Mamaykej wijsanpi manaraj kashajtiyki, ñapis qanta ajllakorqaykiña. Manaraj paqarikushajtiyki, ñapis t'aqarqaykiña, suyukunaj sut'inchajnin kanaykipajtaj churarqayki, nispa.

Jeremías 1:9

Chaypacha Tata Dios makinwan simiyta llankhaykuwaspa, niwarqa:

Jeremías 2:4

Jacobpa ayllunmanta kajkuna, Israelmanta tukuy ayllukuna, Tata Diospa nisqanta uyariychej.

Jeremías 25:3

Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 30:2

Noqa Israelpa Tata Diosnin kayta nini: Kay tukuy nisusqayta uj p'anqaman qhelqay:

Jeremías 36:14

Chayta uyariytawantaj, kuraj kamachejpa wasinpi kurajkunaqa Netaniaspa churin, Selemiaspa allchhin, Cusij allchhinpa allchhin Yehudita kacharqanku Neriaspa churin Barucman nimunanpaj: Runakunaj ñawpaqenkupi ñawirerqanki, chay p'anqata apamuy, nispa. Baructaj chay p'anqa aparisqa paykunaman rerqa.

Jeremías 36:18

Baructaj kuticherqa: Jeremías kikinpuni kay tukuyta niwarqa, noqataj chay tukuy niwasqanta tintawan qaramanta ruwasqa p'anqaman qhelqarqani, nispa.

Jeremías 36:23

Chantá Yehudí kinsa, chayrí tawa t'aqataña ñawirejtin, kuraj kamachejqa chay t'aqata qhelqerej cuchillonwan khuchuspa, ninaman wijch'uykorqa. Ajinata ruwarqa qaramanta ruwasqa p'anqa ninapi ruphasqa tukukunankama.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Jeremías 36:6

Chayrayku jamoj ayunana p'unchaypi Temploj pationman yaykuspa, chaypi jatunmanta, imatachus qhelqacherqayki, chay p'anqata ñawiriy. Jinamanta Jerusalenpi tiyakojkuna, jinataj Judá jap'iypi kaj llajtakunamanta jamojkunapis Tata Diospa nisqanta uyarenqanku.

Jeremías 45:1

Josiaspa churin Joacín Judá suyupi tawa watataña kamachishajtin, Neriaspa churin Baruc Diosmanta sut'inchaj Jeremiaspa parlasqanta qhelqarqa. Chaypacha Jeremiasqa Baructa nerqa:

Jeremías 51:60

Jeremías qaramanta p'anqapi qhelqarqa ima ñak'ariykunachus Babiloniaj patanman jamunan karqa, chaykunata. Ajinaqa Babiloniaj contranpi imachus qhatirinanqa tukuy qhelqasqa karqa.

Ezequiel 2:9

Jinapi noqa qhawarerqani, rikorqanitaj uj makita qhelqa jap'irisqata. Chay makitaj noqa ladoman aysarisqa karqa.

Oseas 8:12

Noqaqa may chhika yachachisqayta paykunapaj qhelqarqani. Paykunatajrí manapis paykunapajchu kanman jina chayta qhawarqanku.

Deuteronomio 31:24

Chantá Moisés kay kamachisqakunata uj p'anqaman qhelqayta tukuytawan,

Hebreos 10:7

Chayrayku nerqani: Kaypi kashani, Diosníy, munasqaykiman jina ruwanaypaj, imaynachus noqamanta p'anqapi qhelqasqa kashan, chayman jina, nispa.