Jeremías 34:9 - DIOSPA QHELQACHISQ

⁹ Chay trato ruwasqa karqa llajta masinku hebreokunamanta wata runa qharita, warmita kacharipunankupaj, llajta masinku judiokunamanta ni pita wata runata jina jap'inankupaj.

Qheshwa Biblia DC

⁹ Chay tratoqa ruwasqa karqa qhari kamachisniyoj kajkuna, chayri warmi kamachisniyoj kajkunapis hebreosmanta kajkunata kacharinankuta, ama ni pi judíos kajkunamanta kamachis kanankupaj.

DIOSPA QHELQACHISQAN DEUTEROCANONICAL

⁹ Chay trato ruwasqa karqa llajta masinku hebreokunamanta wata runa qharita, warmita kacharipunankupaj, llajta masinku judiokunamanta ni pita wata runata jina jap'inankupaj.

Jeremías 34:9 ပူးပေါင်းရင်းမြစ်များ

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Génesis 40:15

Noqataqa hebreokunaj llajtankumanta mana munashajta apamuwarqanku. Noqarí carcelpi kanaypaj jinaqa mana ima millaytapis ruwarqanichu, nispa.

Éxodo 2:6

Paytaj canastata qhawaykuspa, wawata waqashajta rikorqa. Chantá faraonpa ususin wawamanta khuyakuspa, nerqa: Kayqa israelitakunaj wawanku, nispa.

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 30:8

Noqa Tukuy Atiyniyoj Tata Dios nini: Wata runa kawsaymanta aylluyta kacharichisaj, watanankukunata p'itirasaj, amaña ujtawan waj llajtayojkunaj wata runanku kanankupaj.

Jeremías 34:10

Chantá tukuy kurajkuna, tukuy runapis tratota junt'anankuta nerqanku. Chay tratota ruwasqankuta kasuspataj, judío masinkumanta wata runankukunata kachariporqanku, amaña ujtawan wata runa kanankupaj.

1 Corintios 6:8

Chaywanpis qankuna kikiykichej mana cheqan kajta ruwankichej, aswanpis Diosta qhatej masiykichejmanta suwankichejraj.

2 Corintios 11:22

Sichus paykuna hebreo miraymanta kanku chayqa, noqapis hebreollataj kani. Israelitakunachu kanku? Noqapis israelitallataj kani. Abrahampa mirayninmantachu kanku? Noqapis chayllamantataj kani.

Deuteronomio 15:12

Sichus hebreo llajta masiykimanta qharipis, chayrí warmipis qanman vendekuspa wata runaykimanta yaykupunman chayqa, sojta watallata wata runayki kanqa. Qanchis kaj watapirí payta kacharipunki.

Filipenses 3:5

Noqaqa paqarisqaymanta pusaj p'unchayninman circuncidasqa karqani. Jinallataj israelita kani Benjamín jatun ayllumanta. Ñawpa tataykunapuni hebreokuna karqanku. Diospa kamachisqanta junt'anamanta parlaspataj, fariseo karqani.

1 Samuel 14:11

Ajinaqa iskayninku filisteo soldadokunawan rikuchikorqanku. Filisteokuna soldadokunataj paykunata rikuytawankama, nerqanku: Qhawaychej má, israelitakuna pakakushasqankumanta llojsiramushanku, nispa.

1 Samuel 4:6

Israelitakunaj sinch'ita qhaparisqankuta uyarispa, filisteokuna tapukorqanku: Imaraykutaj hebreokunaj jarankupi sinch'i ch'ajwa tiyanri? nispa. Chantá israelitakuna Tata Diospa arcanta apamusqankuta yacharqanku.

1 Samuel 4:9

Kallpachakuychej ari, filisteo soldadokuna, sinch'itataj maqanakuychej, ama israelitakunaj wata runanku kananchejpaj, imaynatachus paykuna wata runanchej karqanku jinataqa, nispa.