Jeremías 33:9 - DIOSPA QHELQACHISQ

⁹ Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Qheshwa Biblia DC

⁹ Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

DIOSPA QHELQACHISQAN DEUTEROCANONICAL

⁹ Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 33:9 ပူးပေါင်းရင်းမြစ်များ

2 Crónicas 20:29

Israelpa awqankunaj contrankupi Tata Dios maqanakusqanta yachaspa, tukuy suyukunaqa Diosta mayta manchachikorqanku.

Nehemías 6:16

Awqaykukuna, muyuyniykupi tukuy suyukunapis chayta yachaspa, mayta manchachikorqanku. Chay runaykachasqankupis k'umuykuchisqa karqa, imaraykuchus yacharqanku tukuy ruwasqaykupi Tata Dios yanapawasqaykuta.

Ester (hebreo) 8:17

Tukuy suyupi, tukuy llajtapi ima, maykunamanchus chay kamachisqata willachimorqanku, chaypi judiokunaqa kusiymanta sumaj mikhunata wayk'urikuspa kusikorqanku. Waj runakunapis chayta rikuytawanqa, judiokunaman tukorqanku, imaraykuchus judiokunata manchachikorqanku.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Salmos 40:3

3 (4) Chantá mosoj takiyta yachachiwarqa, Diosninchejta yupaychana takiyta. Chayta rikuspa, ashkha runakuna Diosta manchay jatun respetowan qhawarqanku, Tata Diospitaj tukuy sonqo atinikorqanku.

Isaías 43:21

Israel aylluytaqa noqata yupaychanawanpaj ruwarqani. Aswan qhepamantaj paykuna tukuynejpi sutiyta jatunchanqankupuni.

Isaías 55:13

Khishkaj cuentanmanta pino sach'a wiñanqa. Ithapalloj cuentanmantataj arrayán sach'a wiñanqa. Chayqa uj señal kanqa, Tata Diospa sutin wiñaypaj jatunchasqa kananpaj, nitaj jayk'ajpis chinkachisqachu kanqa.

Isaías 60:5

Chaypacha qanqa paykunata rikuspa, mayta kusikunki, sonqoykitaj kusiywan t'ikarenqa. Mama qocha kantupi tiyakojkuna valorniyoj imankuta apamusonqanku, tukuy suyoj qhapaj kayninkutataj qanman jaywasonqanku.

Isaías 62:1

Sión llajtata munakusqayrayku mana ch'in kakusajchu. Jerusalenta munakusqayrayku mana samarikusajchu cheqan kajta ruwasqan lliphirimunankama, qhespichisqa kasqantaj k'anchay jina k'anchaykamunankama.

Isaías 62:12

Chaypacha israelitakunata sutichanqanku: “Tata Diospaj T'aqasqa Ayllu”, “Tata Dios Pagaspa Kacharichisqan Kajkuna”, nispa. Jerusalentataj sutichanqanku: “May Munasqa Llajta”, “Mana Saqerpayasqa Llajta”, nispa.

Isaías 62:4

Manaña jayk'ajpis “Saqerpayasqa Llajta”, nispa nisonqankuchu, suyuykipis manaña “Ch'in Jallp'a” nisqachu kanqa. Manachayqa Tata Dios “Kusikunay Llajta”, nispa sutichasonqa, jallp'aykitataj “Warmisitáy”, nispa nenqa, imaraykuchus Tata Diosqa qanwan may kusisqa kanqa, paytaj suyuykipaj qosayki jina kanqa.

Isaías 62:7

Nitaj Tata Diosta samarikojta saqeychejchu Jerusalenta watej sayachinankama, kay pachapi kaj chhika runakuna Jerusalenta jatunchanankukama, nispa.

Isaías 64:2

Imaynatachus nina ch'awjrata rupharparin, chayrí mankapi yakutapis t'impuchin, ajinallatataj qanpis jamuspa, awqaykikunaman sutiykita rejsichiy, qanpa ñawpaqeykipitaj tukuy suyu kharkatitichunku.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 29:1

Jerusalén llajtamanta Jeremías uj cartata apacherqa, pikunatachus Nabucodonosor Babiloniaman apasqa, chay kurajkunaman, sacerdotekunaman, Diosmanta sut'inchajkunaman chantá tukuy runaman ima.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 31:14

Sacerdotekunamanpis allin mikhunata mikhuchisaj, aylluytataj chhika patapi kawsarichisaj, ashkha allin imakunata qosqaywan. Ajinata noqa Tata Dios nini.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 32:42

Tata Dios nillarqataj: Imaynatachus kay suyuman jatun ñak'ariyta kachaykamorqani, ajinallatataj aswan jaqayman nisqayman jina tukuy allin kajta paykunapaj ruwasaj.

Jeremías 33:14

Tata Dios nillantaj: Uj p'unchay jamonqa, chay p'unchaypitaj, imatachus Israelman, Judaman ima qonayta nerqani, chayta noqa junt'asaj.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Jeremías 49:25

Ancha rejsisqa llajta, chay kusikoj llajta qonqasqa rikhurin.

Ezequiel 26:20

Chantá maypichus wañusqakuna kashanku, chayman wijch'uykusqayki, ñawpa tiempopi tiyakoj runakunatawan khuska. Ukhu pachaman wiñaypaj ch'inyachisqa llajtaman choqaykusqayki, chaypitaj wañusqakunawan khuska tiyakamunki. Manaña ujtawan watej sayarichisonqankuchu, nitaj pipis qanpi tiyakoj kutiykamonqachu.

Ezequiel 36:35

Nenqankutaj: Kay ch'inman tukuchisqa jallp'aqa Edén huertamanña rijch'akun. Kay llajtakunaqa thuñisqa, ch'inyachisqataj, ch'usaj pampaman tukuchisqa karqanku. Kunantajrí watej sumaj ruwasqaña kanku, runakunataj chaypi tiyakunkuña, nispa.

Ezequiel 39:13

Chay p'unchaypi tukuy runakuna wañusqakunata p'ampaspa kanqanku. Chay p'ampajkunapajtaj may jatun p'unchay kanqa, maypachachus noqa jatunchasqa kasaj, chaypacha. Noqa Tukuyta Kamachej Tata Dios chayta nini.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Zacarías 1:17

Chantá Tata Diospa angelnin niwarqa: Kaytawan niy: Tukuy Atiyniyoj Tata Dios nin: Watej llajtaykunata qhapajyachisaj, Siontataj sonqochasaj. Jinamanta tukuyman willarasaj Jerusalén ujtawan ajllasqa llajtay kasqanta, nispa.

Zacarías 12:2

Jerusalenta ruwasaj uma muyuchej vinoyoj vaso jina kananpaj, ajinamanta qayllanpi kaj tukuy suyukunata machachinanpaj. Maypachachus Jerusalenta jap'inankupaj muyuykonqanku chaypacha, Judamanta waj llajtakunatapis muyuykullanqankutaj.

Deuteronomio 30:5

Ajinata ruwaspa Tata Diosniykichejqa, tataykichej jap'erqanku, chay jallp'aman ujtawan kutichimusonqachej, qankunataj ujtawan chay jallp'ata jap'inkichej. Chaypi Tata Diosqa allin risunanpaj yanapasonqachej, ñawpa tataykichejmantapis astawanraj mirachisonqachej.