Jeremías 33:8 - DIOSPA QHELQACHISQ

⁸ Paykunata contraypi tukuy mana allin ruwasqankumanta llimphuchasaj, jinallataj contraypi oqharikuspa tukuy juchallisqankutapis pampachallasajtaj.

Qheshwa Biblia DC

⁸ Llimphuchasaj noqaj contraypi tukuy juchallisqankumanta, llimphuchasaj tukuy juchasta ruwasqasninkumanta, contraypi oqharikusqankuta ima pampachasaj.

DIOSPA QHELQACHISQAN DEUTEROCANONICAL

⁸ Paykunata contraypi tukuy mana allin ruwasqankumanta llimphuchasaj, jinallataj contraypi oqharikuspa tukuy juchallisqankutapis pampachallasajtaj.

Jeremías 33:8 ပူးပေါင်းရင်းမြစ်များ

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Salmos 130:8

Paymin preciota pagaspa Israelta tukuy juchanmanta kacharichenqa.

Salmos 51:2

2 (4) Tukuy millay ruwasqaymanta mayllaway, juchaymantataj llimphuchaway.

Salmos 65:3

3 (4) Juchallisqayku apaykachashawayku chaypis, contraykipi tukuy juchallikusqaykuta qan pampachanki.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 50:20

Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Ezequiel 36:33

Tukuyta Kamachej Tata Dios kay jinata nillantaj: Maypachachus noqa tukuy juchaykichejmanta llimphuchasqaykichej chaypachaqa, llajtakunapi runakuna tiyakunankuta saqellasaj, raqayllaña wasikunataj ujtawan sayachisqa kanqanku.

Levítico 16:30

Chay p'unchayqa noqa Tata Dios tukuy juchaykichejta pampachasaj. Jinamanta qankunaqa Tata Diospa ñawpaqenpi juchaykichejmanta llimphuchasqa kankichej.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.