Jeremías 33:7 - DIOSPA QHELQACHISQ

⁷ Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Qheshwa Biblia DC

⁷ Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

DIOSPA QHELQACHISQAN DEUTEROCANONICAL

⁷ Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Jeremías 33:7 ပူးပေါင်းရင်းမြစ်များ

Salmos 126:1

(1b) Maypachachus Tata Dios preso apasqa kajkunata Jerusalenman kutichimporqa, chaypacha, noqaykupajqa mosqokushaykumanpis jina karqa.

Salmos 126:4

Tata Dios, ñawpajta imaynatachus allinpi kawsakorqayku, chay jinallamantaj kutichiwayku, imaynatachus Néguev ch'innejpis parasqanrayku waj jinaman tukun, ajinata.

Salmos 14:7

Mayta munayman Sionmanta Israelta kacharichej jamunanta. Maypachachus Tata Dios ayllunta suyunkuman kutichimonqa chaypacha, Jacobpa miraynin manchayta kusikonqanku, Israel ayllumanta kajkunataj kusiywan qhaparikonqanku.

Salmos 85:1

1 (2) Tata Dios, qanqa Israel suyuykiwan manchay k'acha karqanki. Qanqa Jacobta waj suyuman preso apasqa kasqanmanta kutichimporqanki.

Isaías 1:26

Ñawpajta jina sumaj juezkunata churapusqayki, jinallataj yuyaychasojkunapis qallariypi jina kapusonqanku. Chaymantataj Jerusalenta sutichanqanku: Cheqan Justiciata Ruwaj Llajta, nispa, jinallataj: Tata Diosman K'askasqa Llajta, nispa.

Isaías 52:8

Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 30:20

Israelitakunaqa ñawpajta jina kanqanku, tukuy runankuna ñawpaqeypi sinch'ita sayanqanku. Noqataj paykunata tukuy ñak'arichejkunata jasut'isaj.

Jeremías 30:3

Uj p'unchay jamushan, chay p'unchaytaj Israelmanta, Judamantawan apasqa kajkuna llajtankuman kutimponqanku. Noqaqa paykunata ñawpa tatankuman qosqay suyuman kutichimusaj, chaypi tiyakunankupaj. Noqa Tata Diosmin chayta nini.

Jeremías 31:28

Noqa kikiy paykunata t'irarqani, urmacherqani, atiparqanitaj, phirerqanitaj, chantá ima llakiytapis paykunaman kachaykamorqani. Ajinallatataj allinta ruwasaj paykunata sayarichinaypaj, mallkinaypaj ima. Noqa Tata Diosmin chayta nini.

Jeremías 31:38

Tata Dios nillantaj: Uj p'unchay jamonqa, chay p'unchaypitaj kay llajtay Jerusalén watej sayarichisqa kanqa, Jananel torremantapacha K'uchu nisqa punkukama.

Jeremías 31:4

Munasqa Israel ayllúy, watej oqharisqayki, sayarichisqataj kanki. Watej panderetata oqharispa, kusiywan tusurinki.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Oseas 2:15

15 (17) Chantá uva huertantapis kutichipusaj. Llakiynintapis kusiyman tukuchisaj. Chaypi sipasllaraj kashaspa imaynatachus k'askawarqa, ajinata k'askawanqa, maypachachus Egiptomanta llojsimorqa, chay p'unchaypi jina.

Sofonías 3:20

Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Zacarías 1:17

Chantá Tata Diospa angelnin niwarqa: Kaytawan niy: Tukuy Atiyniyoj Tata Dios nin: Watej llajtaykunata qhapajyachisaj, Siontataj sonqochasaj. Jinamanta tukuyman willarasaj Jerusalén ujtawan ajllasqa llajtay kasqanta, nispa.