Jeremías 33:6 - DIOSPA QHELQACHISQ

⁶ Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Qheshwa Biblia DC

⁶ Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

DIOSPA QHELQACHISQAN DEUTEROCANONICAL

⁶ Chaywanpis qhepanejman kay llajtayojkunata jampispa, qhaliyachisaj. Chantá chhika patata allin kawsaypi paykunata kawsachisaj, nitaj ni imamanta manchachikonqankuchu.

Jeremías 33:6 ပူးပေါင်းရင်းမြစ်များ

Salmos 147:3

Payqa sonqo p'akisqa kajkunata kawsarichin, k'irisqa kajtapis jampiykun.

Salmos 37:11

Llamp'u sonqoyojkunatajrí kay pachata chayaqenkupaj jap'enqanku, sonqo tiyaykusqa kawsaspataj, kusikonqanku.

Salmos 67:2

2 (3) Ajinamanta kay pachapi tukuy runakuna munayniykimanta, chantá runata imaynatachus qhespichisqaykimanta ima yachanqanku.

Salmos 72:7

Pay kamachishajtin, justiciaqa may jina kachun, sonqo tiyaykusqa kawsakuypis anchapuni kallachuntaj killa kanankama.

Éxodo 34:6

Moisespa ñawpaqenta pasashaspataj, jatunmanta qhaparispa, nerqa: Noqa Tata Dios kani, khuyakuyniyoj, k'acha sonqoyojtaj, pacienciayoj, mana imamantapis usqhayta phiñarikoj Dios. Noqaqa may jina munakuyniyoj kani, jinallataj cheqamin.

Eclesiastés 3:3

Uj tiempoqa wañuchinapaj tiyan, uj tiempotaj jampinapaj. Uj tiempoqa thuñinapaj tiyan, uj tiempotaj wasichanapaj.

Isaías 2:4

Payqa suyukuna ch'ajwachinakusqankuta allinchanqa, ashkha runapajtaj justiciata ruwanqa. Paykunataj espadankuta rejaman tukuchenqanku, lanzankumantataj trigo ruthunata ruwanqanku. Nitaj mayqen suyupis waj suyoj contranta maqanakunanpaj wakichikonqachu, nillataj maqanakupaj amañakonqankuchu.

Isaías 30:26

Chaypacha killaj k'anchaynenqa intej k'anchaynin jina kanqa. Inteqa k'anchasqanmanta qanchis jinatawan jina k'anchanqa, qanchis intikunapis ujllapi k'anchamushanman jina. Chaypachallataj Tata Diosqa ayllunpa k'irisqanta jampenqa, mayqenkunatachus payllataj k'iriykorqa, chayta.

Isaías 39:8

Chantá Ezequías Isaiasman kuticherqa: Tata Diospa nisqanta parlasqaykeqa sumajpacha, nispa, imaraykuchus sonqonpi yuyarqa: Noqa kawsanaykamallapis k'acha kawsakuy, sonqo tiyaykuytaj kachun, nispa.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Isaías 57:18

Imaynatachus kawsasqanta rikuni. Chaywanpis noqa payta qhaliyachisaj, pusaykachaspataj sonqochasaj, kusichisaj ima.

Isaías 57:19

Noqataj paykunata nisaj: Karupi kajkunapaj jinallataj qayllapi kajkunapaj allin kawsay kachun. Ajinata noqamin aylluyta qhaliyachisaj, nispa.

Isaías 58:8

Chantá k'acha kawsayniykichejqa tutamanta inti llojsimuy jina k'ancharenqa. Chaypacha k'irisqa kasqaykichejpis usqhayta qhaliyanqa. Justiciata ruwasqaykichejpis ñawpaqeykichejta renqa, Tata Diospa jatun kaynintaj qhepaykichejpi waqaychasonqachej.

Isaías 66:12

Tata Dios kay jinata nin: Noqa Jerusalén llajtaman allinpi kawsanata qosaj uj yaku mayuta jina, tukuy suyoj qhapaj kayninkutawan jaywasaj, mayu yakupis llump'irishanman jinata. Chay llajtapitaj qankunaqa ñuñoj wawakuna jina kusikunkichej, marq'arikusonqachej, arphin patapitaj chukurichisonqachej.

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 29:11

Noqalla yachani imatachus qankunapaj yuyasqayta. Chay yuyayqa mana qankuna ñak'arichisqa kanaykichejpajchu, manachayqa qankuna allinta kawsakunaykichejpaj yuyani, jinallataj qhepanejmanpis allin kawsayta tarinaykichejpaj. Noqa Tata Diosmin chayta nini.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Oseas 7:1

Tata Dios nillantaj: Maypachachus Efrainta, Samariatawan jampikapuyta munarqani chaypacha, juchanku, millay ruwasqanku ima sut'i rikukunku. Tukuyninku llulla kanku. Paykunaqa suwa jina wasikunaman yaykuykunku, ñan patapitaj kallpaman atinikuspa, runamanta kapuyninkuta qhechurparinku.

Miqueas 4:3

Tukuy suyukuna ukhupi Tata Dios justiciata ruwanqa, jinataj karupi kaj may chhika atiyniyoj suyukunata cheqan ñanman churanqa. Chaypacha paykuna espadankuta rejaman tukuchenqanku, lanzankutapis trigo ruthunaman. Ni mayqen suyupis armankunata maqanakunapaj oqharenqachu, nitaj maqanakunapaj wakichikonqachu.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Malaquías 4:2

2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

San Juan 10:10

Suwaqa ovejakunata suwanallanpaj jamun, wañuchinanpaj, tukuchinanpaj ima. Noqarí ovejakuna kawsanankupaj jamuni, chay qosqay kawsaytaj may sumaj kawsay kanqa.

Efesios 6:23

Tata Dios, chantá Tukuyta Kamachej Jesucristo ima qankunaman qochunku sonqo tiyaykuyta, munakuyta, atinikuyta ima.

Deuteronomio 32:39

Yachaychej noqalla Dios kasqayta, noqamanta jawa waj dioskunaqa mana kanchu. Noqalla kawsayta qoni, chantá qhechunitaj. Noqa onqochini, jampinitaj. Mana pipis makiymanta kacharichikuyta atinmanchu.

1 Pedro 1:3

Yupaychasqa kachun Tukuyta Kamachej Jesucristonchejpa Tatan Dios. Payqa jatun khuyakuyninrayku watejmanta paqarichiwarqanchej, Jesucristota wañusqamanta kawsarichisqannejta. Chayrayku kunan mayta suyakushanchej