Jeremías 32:9 - DIOSPA QHELQACHISQ

⁹ Chantá tioypa churin Janamelmanta Anatotpi kaj jallp'anta ranterqani, parlasqaykuman jinataj chunka qanchisniyoj qolqeta pagarqani.

Qheshwa Biblia DC

⁹ Ranterqanitaj tioypa wawan Hanameelmanta Anatotpi kashan chay jallp'ata, chunka qanchisniyoj phisus qolqeta jaywarqani, chay parlasqaykuman jina.

DIOSPA QHELQACHISQAN DEUTEROCANONICAL

⁹ Chantá tioypa churin Janamelmanta Anatotpi kaj jallp'anta ranterqani, parlasqaykuman jinataj chunka qanchisniyoj qolqeta pagarqani.

Jeremías 32:9 ပူးပေါင်းရင်းမြစ်များ

Génesis 24:22

Camellokuna yakuta ujyayta tukojtinkutaj, kamacheqa uj qori anillota sipaspa senqanman churarqa. Chay anillo sojta gramoyoj jina karqa. Chantá qorimanta iskay brazaleteta sipaspa makinman churallarqataj, chaytaj pachaj gramoyoj jina karqa.

Génesis 37:28

Chayrayku Madián llajtayoj qhatojkuna chaynejta pasashajtinku, Joseta pujyumanta orqhospa, iskay chunka qolqepi ismaelitakunaman venderparerqanku. Ajinamanta ismaelitakunaqa Joseta Egiptoman aparqanku.

1 Reyes 20:39

Kuraj kamachej ñanta pasashajtintaj, Diosmanta sut'inchajqa jatunmanta qhaparispa, nerqa: Wiraqochiy noqa maqanakupi kasharqani. Jinallapi uj soldado uj presota apamuwaspa, niwarqa: Kay presota allinta qhawanki. Sichus ayqenman chayqa, qanmin wañuchisqa kanki, manachayrí 3.000 qolqeta paganki, nispa.

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Ester (hebreo) 3:9

Chayrayku, kuraj kamachejníy, sichus kay nisusqay allin rijch'asunki chayqa, chay runakuna chinkachisqa kanankuta kamachiy. Noqataj kuraj kamachejpa qolqenta waqaychajkunaman 3.300 carga qolqe metalta jaywasaj, kuraj kamachejpa qolqe jallch'ana cajanman churasqa kananpaj, nispa.

Éxodo 21:32

Sichus waka uj qhari wata runata, chayrí uj warmi wata runata wajranman chayqa, chay wakata rumiwan ch'anqaspa wañuchichunku. Wakayojtaj wata runaj patronninman kinsa chunka qolqeta pagapuchun.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Ezequiel 4:10

Señalasqa phanillapi sapa p'unchay khuskan librallata mikhunki.

Oseas 3:2

Chantá chay warmita rantikaporqani chunka phishqayoj qolqewan, 330 kilo cebadawan ima.