Jeremías 32:39 - DIOSPA QHELQACHISQ

³⁹ Chantá uj sonqolla, uj yuyayniyojllataj kanankuta ruwasaj, noqata wiñaypaj yupaychanawankupaj. Ajinata ruwasqankoqa paykunapaj, chantá wawankupaj ima allin kanqa.

Qheshwa Biblia DC

³⁹ Munayniyoj kanankuta ruwasaj yupaychanawankupaj tukuy kausayninkupi, yupaychaj churakunawankupaj paykunaj allinnillankupajtaj, jinataj wawasninkupajpis.

DIOSPA QHELQACHISQAN DEUTEROCANONICAL

³⁹ Chantá uj sonqolla, uj yuyayniyojllataj kanankuta ruwasaj, noqata wiñaypaj yupaychanawankupaj. Ajinata ruwasqankoqa paykunapaj, chantá wawankupaj ima allin kanqa.

Jeremías 32:39 ပူးပေါင်းရင်းမြစ်များ

Génesis 17:7

Qanwan kay ruwasqay trato, jinataj qhepanejman qanmanta mirajkunawan trato ruwasqaypis wiñay wiñaypaj kanqa. Noqaqa qanpa Diosniyki wiñaypaj kasaj, jinallataj paykunajtapis.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 22:12

Angeltaj nerqa: Ama wawata ñak'aychu, nitaj imanaychu. Yachaniña qanqa noqata may jatun respetowan qhawawasqaykita, imaraykuchus munasqa churiykita qonawaykipaj mana mich'akorqankichu, nispa.

2 Crónicas 30:12

Jinallatataj Tata Diosqa Judamanta kajkunaj sonqontapis kuyucherqa, kuraj kamachejpa, jinataj kamachejkunaj nisqankuman jina ruwanankupaj. Ajinata tukuyninku Tata Dios kamachisqanman jina ruwarqanku.

Salmos 112:1

Tata Dios jatunchasqa kachun. Tata Diosta manchay jatun respetowan qhawaj runaqa kusisqamin, pichus Diospa kamachisqanta kasuspa misk'irichikojqa.

Salmos 128:6

Allchhiykikunatapis rikullankitaj. Israelpi sonqo tiyaykusqa kawsakuy kachun.

Salmos 86:11

Tata Dios, ñanniykipi puriyta yachachiway, qanta kasuspa purinaypaj. Sonqoypi kay jinata munanalla kachun: Qanllata yupaychasuyta munana.

Proverbios 23:17

Ama juchasapakuna imaynatachus kawsasqankuta moq'espa qhawaychu. Aswanpis Tata Diosta kasukuspa kawsay.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Isaías 52:8

Llajta qhawajniykikunaj qhaparisqankuta uyariy. Tukuyninku ujllapi kusiymanta qhaparinku, imaraykuchus kikin ñawinkuwan Tata Diosta Sionman kutimushajta rikunku.

Isaías 65:23

Paykunaqa mana qhasipajchu llank'anqanku, nitaj wawankutapis llakiypi kawsanankupajchu paqarichikonqanku. Ajina kanqa, imaraykuchus noqa Tata Dios paykunatawan, mirayninkutawan ima saminchasaj.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:40

Jinallataj paykunawan uj tratota wiñaypaj ruwasaj: Noqa paykunawan tukuy tiempo kasaj, yanapasajtaj. Chantá paykunaman noqata may jatun respetowan qhawanawankuta yachachisaj, ama noqamanta karunchakunawankupaj.

Jeremías 6:16

Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Ezequiel 36:26

Jinallataj mosoj sonqota qosqaykichej, qankuna ukhupitaj mosoj yuyayta churasaj. Rumi sonqoykichejta orqhospataj, kasukuyta munaj llamp'u sonqota qosqaykichej.

Ezequiel 37:22

Kay jallp'apitaj paykunata uj suyullaman tukuchisaj, Israelpa orqonkunapitaj uj kuraj kamachejnillayoj kanqanku. Manaña ujtawan iskay suyuchu kanqanku, nitaj iskayman t'aqakonqankuchu, sapa ujpis waj kuraj kamachejniyoj kanankupaj.

Ezequiel 37:24

Chantá kamachiy Davidqa kuraj kamachejninku kanqa, uj k'ata michejniyojlla tukuyninku kanqanku. Nisqayta kasonqanku, kamachisqaytataj junt'anqanku.

Ezequiel 37:25

Kamachiy Jacobman qorqani, chay suyupi tiyakonqanku, maypichus ñawpa tatankukuna tiyakorqanku, chaypi. Chay suyupi paykuna, churinkuna, mirayninku ima wiñaypaj tiyakonqanku. Kamachiy Davidtaj paykunaj kuraj kamachejninku kanqa wiñay wiñaynintinkama.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 17:21

Mañakuyki paykunapura ujchasqallapuni kanankuta. Imaynatachus Tatáy, qanwan, noqawan ujchasqa kanchej, ajinallatataj paykunapis noqanchejman ujchasqapuni kachunku, ajinamanta tukuy runakuna qan kachamuwasqaykita yachanankupaj.

Hechos 13:33

Noqanchej paykunaj mirayninku kasqanchejrayku Dios chay nisqanta noqanchejpaj junt'arqa, Jesusta kawsarichimuspa. Ajinata paymanta iskay kaj Salmopi nin: Qanqa Churiy kanki, kunantaj noqa Tatayki kani, nispa.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

Hechos 4:32

Chantá Jesucristopi atinikojkuna uj yuyaylla, uj sonqolla karqanku. Mana pipis nejchu kapuynin paypallata kasqanta, manachayqa tukuy imanku tukuyninkojta karqa.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.

Romanos 11:16

Nisunman: Sichus ñawpajta llojsimoj t'anta Diospaj t'aqasqa chayqa, tukuynin masapis Diospaj t'aqasqallataj, icharí? Ajinallataj sichus sach'aj saphin Diospaj t'aqasqa chayqa, tukuynin thansanpis Diospallatataj.

1 Corintios 7:14

Chayqa ajina, imaraykuchus Diosman mana kutirikoj qosaqa Diospaj allinpaj qhawasqa, warmin Diosta qhatikoj kasqanrayku. Ajinallataj Diosman mana kutirikoj warmipis Diospaj allinpaj qhawasqa, qosan Diosta qhatej kasqanrayku. Manachus jina kanman chayqa, wawankukunapis ch'ichipaj qhawasqa kankuman. Kunanrí paykunaqa Diospaj t'aqasqa kanku.

2 Corintios 13:11

Munasqa wawqe panakuna, kay jinata nispa tukuychani: Qankuna kusisqa kawsakuychej. Wiñay tukusqa kanaykichejkama wiñallaychejpuni. Ujkuna ujkuna sonqochanakuychej. Uj sonqolla kaychej, qankunapurataj allinta kawsakuychej. Chantá munakuyta, sonqo tiyaykuytawan qoj Dios qankunawan kanqa.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Deuteronomio 6:2

Qankuna, wawaykichej, allchhiykichej ima kay pachapi kawsanaykichejkama, Tata Diosniykichejta may jatun respetowan qhawakuychej. Sichus tukuy kamachisqanta, yachachisqanta ima kasunkichej chayqa, unayta kawsankichej.

Deuteronomio 6:24

Chaymanta Tata Diosninchejqa tukuy kamachisqanta kasunanchejta, chantá payllata manchachikunanchejta kamachiwarqanchej, wiñaypaj allin rinawanchejpaj, kawsachinawanchejpaj ima imaynatachus kunankama kawsachishawanchej ajinata.

Hebreos 10:20

Jesús wañorqa chaypacha, jark'aj velota llik'ispa kicharerqa Diosllapaj T'aqasqa Cheqaman yaykunanchejpaj. Kunantaj pay kawsashan, paynejtataj Diosman qayllayta atinchej kicharisqan ñannejta.