Jeremías 32:37 - DIOSPA QHELQACHISQ

³⁷ Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

DIOSPA QHELQACHISQAN DEUTEROCANONICAL

³⁷ Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 32:37 ပူးပေါင်းရင်းမြစ်များ

Salmos 106:47

Qhespichiwayku, Tata Diosniyku. Tukuy suyumanta tantaykapuwayku, may llimphu sutiykita jatunchanaykupaj, jinataj kusisqa qanta yupaychanaykupaj.

Jeremías 12:14

Tata Dios ajinata nillantaj: Israel suyoj muyuyninpi tiyakoj millay runakunamanta, pikunachus Israelman qosqay jallp'ata jap'ikapunku, chaykunamanta nini: Noqaqa paykunata suyunkumanta t'irasaj, Judatataj paykunaj chawpinkumanta orqhomusaj.

Jeremías 16:14

Tata Dios nillantaj: Uj p'unchay chayamonqa, chay p'unchaypitaj manaña ajinata nispa tilunkichejchu: Tata Diospa sutinpi tiluni, pichus israelitakunata Egipto suyumanta orqhomorqa, chaypa sutinrayku, nispa.

Jeremías 16:15

Manachayqa ajinata tilunkichej: Tata Diospa sutinpi tiluni, pichus israelitakunata wichay suyumanta orqhomorqa, jinataj maymanchus ch'eqerachisqa karqanku, chay suyumantapis, chaypa sutinrayku, nispa. Ajinata ninkichej, imaraykuchus noqa kutichimusqaykichej, ñawpa tataykichejkunaman qorqani, chay suyuman.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 23:6

Pay kamachishajtin, Judá suyuta allin renqa, Israel suyupis sumaj waqaychasqa tiyarikonqa. Chay kuraj kamachejtaj sutichasqa kanqa: Tata Diosmin Justiciata Ruwajninchejqa, nispa.

Jeremías 23:8

Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

Jeremías 24:6

Paykunata waqaychasaj, kay suyumantaj kutichimusaj. Kaypitaj paykunata allinta sayachisaj, manañataj urmachisajchu. Paykunata mallkisaj, manataj jayk'ajpis t'irasajchu.

Jeremías 29:14

Arí, noqata qankuna tariwankichej, chantá preso kasqaykichejta tukuchisaj. Chay suyumanta orqhomusqaykichej, maymanchus apasqa karqankichej, chaymanta tantaykusqaykichej. Chantá Jerusalén llajtaman kutichimusqaykichej, maymantachus karuman apacherqaykichej, chayllamantaj. Noqa Tata Diosmin chayta nini.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 31:10

Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Jeremías 32:15

Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Jeremías 33:16

Chay p'unchaypi Judapi tiyakojkuna kacharichisqa kanqanku, Jerusalentaj sumaj waqaychasqa kawsakonqa. Chaypacha kay jina sutiwan sutichasqa kanqa: Tata Diosmin Noqanchejpaj Justiciata Ruwaj, nispa.

Jeremías 33:7

Noqaqa Judata, Israeltawan watej t'ikarichisaj, jinaspataj, imaynachus ñawpajta karqanku, ajinata sayarichisaj.

Ezequiel 11:17

Noqaj sutiypi paykunaman nillaytaj: Kay jinata Tata Dios nin: Noqa Tukuyta Kamachej Tata Diosmin paykunata tantaykamusaj waj suyukunamanta, karu llajtakunamanta ima, maykunamanchá paykunata ch'eqeracherqani, chaykunamanta. Israelitakuna, qankunata tantaykamuspa, suyuykichejta kutichipusqaykichej.

Ezequiel 20:34

Noqa mayqen llajtakunapichus, mayqen suyukunapitajchus ch'eqerasqa kashankichej, chaymanta orqhomusqaykichej. Arí, jatun atiyniywan, k'araj phiñakuyniypi jasut'ispataj tantaykusqaykichej.

Ezequiel 28:25

Tukuyta Kamachej Tata Dios nillantaj: Maypachachus tukuy suyukunaman ch'eqerachisqamanta Israel aylluyta tantaykamusaj chaypacha, chay suyukunaj rikunankuta may llimphu kaj Dios kasqayta rejsichikusaj. Israelitakunataj kikin suyunkupi tiyakonqanku, mayqentachus kamachiy Jacobman qorqani, chaypi.

Ezequiel 28:26

Chaypi paykuna ni imata manchachikuspa, tukuy sonqo tiyakonqanku. Wasikunata ruwakonqanku, uva sach'akunatapis churanqanku. Maypachachus Israel aylluypa qayllanpi tiyakojkunata jasut'isaj aylluyta pisipaj qhawasqankurayku chaypacha, Israel aylluy yachanqanku noqa Tata Diosninku kasqayta, nispa. Ajinata nin Tata Dios.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Oseas 1:11

11 (2.2) Chaypacha Judá suyumanta kajkuna, Israel suyumanta kajkunawan ujllaman tantakonqanku. Paykuna uj kamachejllata churakonqanku, chantataj tukuynejmanta Jerusalenman kutimponqanku. Jezrelpa p'unchaynenqa may yuyarisqamin kanqa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Joel 3:20

(4.20-21) Jinata aylluymanta kajkunata wañuchisqankurayku, noqa paykunamanta vengakusaj. Juchayojta mana qhespichisajchu. Jinapis Judapi, Jerusalenpipis, wiñaypaj runa tiyakullanqankupuni. Noqa Tata Diosniykichejpis Sión orqopi tiyakusaj.

Sofonías 3:20

Chay p'unchaypi qankunata pusamuspa, tantaykusqaykichej. Waj suyuman apasqa kasqaykichejmantataj kutichikampusqaykichej. Jinallataj ruwasaj qankuna tukuy runakuna ukhupi jatunpaj qhawasqa kanaykichejta, jinallataj allin ñawiwan qhawasqa kanaykichejta ima, nispa. Noqa Tata Diosmin chayta nini.

Zacarías 14:11

Arí, Jerusalenpi runakuna tiyakonqanku mana imata manchachikuspa, imaraykuchus paykunapaj manaña ima maldicionpis kanqachu.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.