Jeremías 32:35 - DIOSPA QHELQACHISQ

³⁵ Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Qheshwa Biblia DC

³⁵ Jinallataj Baalman Ben-hinom vallepi altarkunasta ruwarqanku, chaypi qhari wawasninkuta Molocman ruphachinankupaj, jinamanta Judata juchallichispa. Millay imasta ruwanankutaqa mana kamacherqanichu, ni yuyallarqanipischu chaytaqa.

DIOSPA QHELQACHISQAN DEUTEROCANONICAL

³⁵ Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 32:35 ပူးပေါင်းရင်းမြစ်များ

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.

Levítico 18:21

Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

2 Reyes 23:10

Jinallatataj kuraj kamachej Josiasqa Ben Jinón vallepi jaywanata q'olachina cheqata millachikunaman tukuchillarqataj, amaña pipis qhari wawanta, chayrí warmi wawanta chaypi q'olachispa Moloc nisqaj lantinman jaywananpaj.

1 Reyes 16:19

Zimriqa mana Tata Diospa munayninman jinachu ruwasqa, astawanpis Jeroboán jina juchallisqa. Israelitakunatapis juchallichillasqataj, chayrayku payqa ajinata wañorqa.

Ezequiel 23:37

Paykunaqa noqawan casarasqa kashaspa, wajkunawan khuchichakorqanku, runatapis wañucherqanku. Paykunaqa lantikunata yupaychaspa, wasanchawarqanku. Noqapaj paqarichikorqanku, chay wawakunatapis ninapi q'olachispa, lantinkukunaman jaywarqanku.

Isaías 57:5

Qankunaqa thansa sach'a urapi lantiykichejkunata yupaychaspa, khuchiriyokunata ruwankichej. Jinallataj vallekunapi, qaqa jusk'upi wawaykichejta uywa ñak'asqata jina q'olachinkichej.

2 Crónicas 33:9

Chantá Manasesqa astawan millayta ruwaspa, israelitakunata mana allin ñanman tanqaykorqa. Tata Dios ñawpajta israelitakunaj ñawpaqenkumanta chay cheqakunapi tiyakojkunata wijch'usqa, chaykunamantapis astawan millaytaraj ruwarqanku.

2 Reyes 23:15

Jinallataj Josiasqa Betelpi kasharqa, chay altartapis phirispa ruphaykuchillarqataj, chantá Aseraj lantintapis ruphaykuchillarqataj. Chay altarkunata Nabatpa churin Jeroboán ruwaspa, israelitakunata juchallichisqa.

2 Reyes 21:11

Judá suyuta kuraj kamachej Manasés may jina millaytapuni ruwaspa, paymanta ñawpajta amorreokuna karqanku, chaykunamantapis astawan millaytapuni ruwan. Judá suyumanta kajkunatapis lanti ruwasqanta yupaychachispa juchallicherqa.

2 Reyes 3:3

Chaywanpis Nabatpata churin Jeroboán imata ruwaspachus israelitakunata juchallicherqa, chay jinallatataj paypis ruwarqa.

1 Reyes 21:22

Israelitakunata juchallichispa phiñachiwasqaykirayku, qanwan ruwasaj imaynatachus ruwarqani Nabatpa churin Jeroboanpa mirayninta, Ajiaspa churin Basáj miraynintawan, ajina, nispa.

1 Reyes 15:30

Chay karqa, Jeroboán juchallisqanrayku, chantá israelitakunata juchallichisqanrayku. Ajinamanta Jeroboanqa Israelpa Tata Diosninta phiñachisqa.

1 Reyes 15:26

Payqa mana Tata Diospa munasqanman jinachu ruwarqa. Tatan jina juchallikuspa israelitakunatapis juchallicherqa.

1 Reyes 14:16

Tata Diosqa Jeroboán juchallisqanrayku chantá israelitakunata juchallichisqanrayku ima Israel suyuta ch'eqerachenqa, nispa.

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

Deuteronomio 24:4

ñawpaj kaj qosan manaña ujtawan paywan casarakuyta atenqachu, chay warmej honran t'akasqa kasqanrayku. Chay jina ruwanaqa Tata Diospa ñawpaqenpi manchay millaymin kanman. Tata Diosniyki jallp'ata qosusqanta ama ch'ichichankichu.

Deuteronomio 18:10

Ama qankuna ukhupi mayqenpis wawaykichejta q'olachispa diosninkuman jaywankichejchu. Amapuni ni mayqenniykichej watoj kaychejchu, nitaj suerteta qhawajpis, nitaj ch'askata qhawayta yachaj, nillataj layqapis,

Éxodo 32:21

Chantá Moisés Aaronta nerqa: Imanasorqankutaj kay runakuna kay jina jatunta paykunata juchallichinaykipajri? nispa.

Hechos 7:43

Mana, qankunaqa aswanpis Molocpa toldontaraj apaykacharqankichej, Refán nisqa diosniykichejpa ch'askanpa lantintawan. Chay lantikunata qankunalla ruwakorqankichej chayta yupaychanaykichejpaj. Chayrayku noqa suyuykichejmanta wijch'usqaykichej, Babilonia suyumantapis aswan karumanraj, nispa.

Deuteronomio 12:31

Tata Diosniykichejtaqa ama chay llajtayojkuna imaynatachus diosninkuta yupaychanku jinataqa, yupaychankichejchu. Chay llajtayojkunaqa imatachus Tata Dios mana rikuyta atinchu, chay imakunata ruwaspa diosninkuta yupaychanku. Paykunaqa wawankutapis ninawan q'olachispa diosninkuman jaywanku.

1 Reyes 11:7

Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

Jeremías 7:30

Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Jeremías 19:2

Chaymantataj paykunawan khuska Ben Jinón valleman riychej, K'analla Punku nisqa qayllaman, chaypitaj imatachus willasqayki, chayta paykunaman willanki.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

2 Reyes 21:4

Manasesqa Tata Diospa Templonpipis altarkunata ruwachillarqataj. Chay Templomanta Tata Dios nisqa: Noqaqa Jerusalén llajtapi yupaychasqa kasaj, nispa.

2 Crónicas 36:14

Jinallatataj tukuy runa, sacerdotekunaj kurajninkukunapis astawan juchata yapaykukorqanku, chay waj suyukunaj millay jucha ruwasqankuta ruwaspa. Jinallataj Jerusalenpi Tata Diospaj t'aqasqan Templontapis qhenchacharqanku, mayqentachus Tata Dios ajllakusqa sutin yupaychasqa kananpaj, chay Templota.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.