Jeremías 32:34 - DIOSPA QHELQACHISQ

³⁴ Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Qheshwa Biblia DC

³⁴ Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

DIOSPA QHELQACHISQAN DEUTEROCANONICAL

³⁴ Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Jeremías 32:34 ပူးပေါင်းရင်းမြစ်များ

2 Reyes 21:1

Manasés kamachiyta qallarishaspa, chunka iskayniyoj watayoj karqa. Jerusalén llajtamantapachataj phishqa chunka phishqayoj watata kamacherqa. Mamantaj Hepsibá sutiyoj karqa.

2 Reyes 23:6

Jinaytawantaj, Josías Tata Diospa Templonmanta Aseraj lantintapis Jerusalenmanta jawaman, Cedrón wayq'oman wijch'ucherqa. Chaypitaj ushphaman tukunankama ruphaykucherqa, ushphatataj wajcha runakunaj ayanta p'ampana cheqaman qhallirpayacherqa.

2 Crónicas 33:15

Chay jawaqa chinkachillarqataj Tata Diospa Templonmanta waj dioskunata, jinataj lantikunatapis. Chinkachillarqataj Jerusalenpi Tata Diospa Temploj chimpa orqonejpi altarkunatapis. Chantá chaykunata llajtamanta jawaman wijch'umorqa.

2 Crónicas 36:14

Jinallatataj tukuy runa, sacerdotekunaj kurajninkukunapis astawan juchata yapaykukorqanku, chay waj suyukunaj millay jucha ruwasqankuta ruwaspa. Jinallataj Jerusalenpi Tata Diospaj t'aqasqan Templontapis qhenchacharqanku, mayqentachus Tata Dios ajllakusqa sutin yupaychasqa kananpaj, chay Templota.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 23:11

Tata Dios nillantaj: Pikunachus Diosmanta sut'inchaj kasqankuta nejkuna, sacerdotekunapis Diosta mana manchachikoj, millayta ruwajkuna ima kanku. Paykunata kikin Temploypi millayta ruwashajta taripaykuni.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 34:15

Chantá qankunaqa mana allinta ruwasqaykichejmanta noqaman kutirikuspa, ñawpaqeypi imachus allin kajta ruwarqankichej sapa ujniykichej llajta masiykichejta kacharipunaykichejpaj. Chay tratota noqata yupaychana Templopi ruwarqankichej.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 7:10

Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Jeremías 7:30

Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.