Jeremías 32:3 - DIOSPA QHELQACHISQ

³ Judata kuraj kamachej Sedequías Jeremiasta wisq'aykuchisqa kay jinata sut'inchasqanrayku: Tata Dios nin: Babiloniamanta kuraj kamachej kay llajtata jap'enqa.

Qheshwa Biblia DC

³ Rey Sedequías paytaqa wisq'aykuchisqa, Jeremías kay jinata parlasqanrayku: Señorqa nin: Babilonia reyqa llajtata jap'ikaponqa.

DIOSPA QHELQACHISQAN DEUTEROCANONICAL

³ Judata kuraj kamachej Sedequías Jeremiasta wisq'aykuchisqa kay jinata sut'inchasqanrayku: Tata Dios nin: Babiloniamanta kuraj kamachej kay llajtata jap'enqa.

Jeremías 32:3 ပူးပေါင်းရင်းမြစ်များ

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Éxodo 5:4

Egipto suyuta kamachej faraontajrí paykunata nerqa: Moisés, Aarón, imaraykutaj israelitakunata ruwanankumanta sayachiyta munashankichejri? Qankunapis ruwanaykichejman kutipullaychejtaj, nispa.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 21:3

Chantá Tata Dios Jeremiasman parlarqa, Jeremiastaj Sedequiaspa kachankunaman kuticherqa: Kayta Sedequiasman niychej:

Jeremías 27:8

Mayqen suyupis, chayrí kamachejkunapis Nabucodonosorpa kamachiyninpi kayta mana munajkunataqa, noqa chay suyukunata maqanakuywan, yarqhaywan, onqoywan ima jasut'isaj tukuyninku paypa atiyninman yaykunankukama. Noqa Tata Diosmin chayta nini.

Jeremías 34:21

Jinallataj Judata kuraj kamachej Sedequiasta, payta yanapajkunatawan Babiloniata kuraj kamachejpa soldadonkunaj makinkuman jaywaykusaj. Chay soldadokunaqa kunan ithirikuspa, maqanakuyta saqenku.

Jeremías 36:29

Chantá Judata kuraj kamachej Joacinman kay jinata ninki: Tata Dios nin: Qanqa qaramanta ruwasqa p'anqata ruphacherqanki, imaraykuchus chaypi qhelqasqa nin: Babiloniamanta kuraj kamachejqa jamonqapuni kay suyuta chinkachinanpaj, manataj ni uj runallatapis nitaj uj uywallatapis kawsajta saqenqachu, nispa.

Jeremías 37:4

Chaypacha Jeremías manaraj wisq'asqachu kashaspa, llajta ukhupi maytapis puriyta atillarqa.

Jeremías 38:18

Manatajchus paykunaman k'askapuwaj chayrí, Caldeamanta soldadokuna jamuspa, kay llajtata jap'enqanku, ruphaykuchenqankutaj. Qanpis makinkumanta mana llusp'iyta atinkichu, nispa.

Jeremías 38:3

Tata Dios nillantaj: Kay Jerusalén llajta Babiloniata kuraj kamachejpa soldadonkunaj makinkuman jaywaykusqa kanqa. Paytaj atipaspa, llajtata jap'enqa, nispa.

Jeremías 38:4

Chantá chay kurajkunaqa kuraj kamachejman willamorqanku: Jeremiasta wañuchina, imaraykuchus imatachus nisqanwan llajtanchejpi qhepakoj soldadokunata iskayrayachin, jinallataj tukuy runatapis. Kay runaqa mana kay llajtaj allinnintachu mask'an, aswanqa mana allinnillanta munan, nispa.

Jeremías 38:8

Chantá Ébed Melec kuraj kamachejpa wasinmanta llojsispa, kuraj kamachejwan parlamoj rerqa. Paytaj nerqa:

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Lamentaciones 1:14

Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

Amós 7:13

Amaña Betelpi Diosmanta sut'inchaychu, imaraykuchus kay llajtapi tiyan tukuy israelitakunaj kuraj kaj templonku, maymanchus kuraj kamachejwan, tukuy runawan ima yupaychaj jamunku, chay, nispa.

San Lucas 20:2

Jesustataj nerqanku: Niwayku ari: Ima atiywantaj kaykunata ruwankiri? Chayrí, pitaj atiyta qosorqa kay imakunata ruwanaykipaj? nispa.