Jeremías 32:28 - DIOSPA QHELQACHISQ

²⁸ Chayrayku noqa niyki: Noqaqa Babiloniaj kuraj kamachej Nabucodonosorman, caldeokunaman ima kay llajtata jap'inankupaj jaywaykusaj.

Qheshwa Biblia DC

²⁸ Ajinaqa noqa niyki: Babiloniaj reynin Nabucodonosorman, caldeosmampis jap'ikapunankupaj jaywaykapusaj.

DIOSPA QHELQACHISQAN DEUTEROCANONICAL

²⁸ Chayrayku noqa niyki: Noqaqa Babiloniaj kuraj kamachej Nabucodonosorman, caldeokunaman ima kay llajtata jap'inankupaj jaywaykusaj.

Jeremías 32:28 ပူးပေါင်းရင်းမြစ်များ

2 Reyes 25:11

Chaymantataj Nabuzaradanqa Jerusalén llajtapi qhepakojkunata, Babilonia suyuta kuraj kamachejman k'askapojkunata, chantá wakin runakunatawan tukuyta Babiloniaman presota aparqa.

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

Isaías 29:2

Chaywanpis noqaqa Arielta llakiywan mat'iykusaj, chaypitaj llakiy, waqay ima kanqa. Chay llajta lawrarenqa imaynatachus uywata ñak'aspa, altarpi noqapaj q'olachipuwanku, ajinata.

Jeremías 20:5

Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Jeremías 21:10

Noqa kay llajtaman llakiyta apachimunayta niniña, manataj allin kajtachu. Babiloniamanta kuraj kamachejman kay llajtata jaywaykusaj, paytaj llajtata ninawan ruphaykuchenqa. Noqa Tata Diosmin chayta nini.

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 32:3

Judata kuraj kamachej Sedequías Jeremiasta wisq'aykuchisqa kay jinata sut'inchasqanrayku: Tata Dios nin: Babiloniamanta kuraj kamachej kay llajtata jap'enqa.

Jeremías 32:36

Qankuna kay llajtamanta ninkichej: Maqanaku, yarqhay, onqoy ima kasqanrayku, kay llajtaqa Babiloniamanta kuraj kamachejpa makinman urmanqa, nispa. Israelpa Tata Diosninrí kay jinata nin:

Jeremías 34:2

Noqa Israelpa Tata Diosnin Judata kuraj kamachej Sedequiasman rispa, kayta ninaykita kamachiyki: Kay jinata Tata Dios nin: Kay llajtata Babiloniaj kuraj kamachejninpa makinman jaywaykusaj, paytaj ninawan kanaykonqa.

Jeremías 34:3

Qanqa makinmanta mana llusp'iyta atinkichu, manachayqa jap'isonqanku, paymantaj jaywaykusonqanku. Chantá paypa ñawpaqenman apasqa kasqaykimanta, Babiloniamanñataj apasqa kanki.