Jeremías 32:24 - DIOSPA QHELQACHISQ

²⁴ Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Qheshwa Biblia DC

²⁴ Kunanqa caldeo jallp'a moqosta oqharinkuña llajtaman yaykuykamunankupaj, jinataj maqanakuykunas yarqhay, onqoy ima llajtaykichejta makinkuman urmaykuchenqa. Señor, rikunki chay nisqasniykeqa imaynatachus junt'akushasqanta.

DIOSPA QHELQACHISQAN DEUTEROCANONICAL

²⁴ Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 32:24 ပူးပေါင်းရင်းမြစ်များ

2 Samuel 20:15

Joabpa soldadonkunataj Abel Betmacaman chayaspa, llajtaj perqanmanta qayllanpi jallp'ata qolluykorqanku, chaymantapacha llajtaman maqanakoj yaykunankupaj. Chantá tukuyninku perqata urmachiyta munashallarqankutaj.

Isaías 37:33

Tata Diosqa Asiriaj kuraj kamachejninmantapis kay jinata nillantaj: Jerusalén llajtaman manapuni yaykonqachu, nitaj arconwan uj flechallatapis kachaykonqachu. Manataj escudontapis maqanakunanpaj jap'enqachu, manallataj llajtaj muyuyninpi perqata wicharinanpaj jallp'a moqokunata ruwanqachu.

Jeremías 16:4

Paykunaqa millay onqoykunawan wañonqanku, manataj pipis paykunamanta waqanqachu, nitaj p'ampajkuna kanqachu. Pampapi wanu jina wijch'usqa qhepakonqanku. Maqanaku, yarqhay ima paykunata tukuchenqa, ayankutataj suwintukuna, k'ita animalkunawan mikhonqanku, nispa.

Jeremías 20:5

Jinallatataj kay llajtapi kaj tukuy imata Babiloniaman apanankupaj jaywaykullasajtaj: Judapi kuraj kamachejpa tukuy qhapaj tiyapuyninta, tukuy ima tarisqankuta chantá valorniyoj kapuyninta ima apakaponqanku.

Jeremías 24:10

Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 29:17

Paykunaman maqanakuyta, yarqhayta, onqoyta ima kachaykusaj. Paykunata q'etayasqa higo jina mana mikhunapaj jina kanankuta ruwasaj.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 32:25

Chaywanpis, Tukuyta Kamachej Tata Dios, qanqa kamachiwarqanki testigokunaj rikunanta uj jallp'ata rantikunayta, kay llajtata Caldeamanta runakuna jap'inanku kashajtinpis, nispa.

Jeremías 32:28

Chayrayku noqa niyki: Noqaqa Babiloniaj kuraj kamachej Nabucodonosorman, caldeokunaman ima kay llajtata jap'inankupaj jaywaykusaj.

Jeremías 32:3

Judata kuraj kamachej Sedequías Jeremiasta wisq'aykuchisqa kay jinata sut'inchasqanrayku: Tata Dios nin: Babiloniamanta kuraj kamachej kay llajtata jap'enqa.

Jeremías 32:36

Qankuna kay llajtamanta ninkichej: Maqanaku, yarqhay, onqoy ima kasqanrayku, kay llajtaqa Babiloniamanta kuraj kamachejpa makinman urmanqa, nispa. Israelpa Tata Diosninrí kay jinata nin:

Jeremías 32:5

Nabucodonosortaj Sedequiasta Babiloniaman apachenqa, chaypitaj Sedequías qhepakonqa, paymanta noqa yuyarikunaykama. Sichus qankuna caldeokunawan maqanakoj churakunkichej chayqa, mana paykunata atipankichejchu. Noqa Tata Diosmin chayta nini.

Jeremías 33:4

Noqa Israelpa Tata Diosnin kayta nini: Qankunaqa wasikunata urmacherqankichej jinataj Judata kuraj kamachejpa wasintapis urmachillarqankichejtaj, chaykunawan perqata sumajta phatuchanaykichejpaj. Ajinata ruwaspa, Babiloniamanta soldadokunata yaykumunankumanta espadawan jark'akuyta munarqankichej.

Jeremías 34:17

Chayrayku noqa Tata Dios nini: Qankunaqa llajta masiykichej wata runata mana kacharipuspaqa, mana kasuwarqankichejchu. Chayraykumari kunan noqapis maqanakuta, onqoyta, yarqhayta ima qankunaman kachaykamusqaykichej, tukuy kay pachapi kaj suyukuna t'ukunankupaj jina, nispa.

Jeremías 52:4

Chayrayku Sedequías jisq'on watataña kamachishajtin, chunka kaj killaj chunka kaj p'unchayninpi kuraj kamachej Nabucodonosor, tukuy soldadonkuna ima Jerusalenta atipaspa jap'inankupaj jamorqanku. Paykunataj Jerusalén llajtaj ñawpaqenpi jaraykukuspa, muyuyninpi jallp'a moqota sayaricherqanku llajtaman yaykunankupaj.

Jeremías 52:6

Chay watamanta tawa kaj killanpi, jisq'on kaj p'unchayninpi Jerusalenpi yarqhayqa may sinch'i karqa, manataj imapis mikhunapaj karqachu.

Jeremías 6:6

Tukuy Atiyniyoj Tata Dios kayta kamachin: Sach'akunata k'utuychej, chaywantaj patachata ruwaychej, Jerusalenman maqanakoj yaykunaykichejpaj. Kay llajta jasut'isqa kananpaj qhawasqaña, imaraykuchus millayta ruwaykunawan junt'a kashan.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Ezequiel 21:22

22 (27) Suerte qhawasqantaj paña ladoman llojsin, Jerusalén cheqata señalaspa. Chay señaltaj kayta niyta munan: Kuraj kamachejqa soldadonkunata kamachinan tiyan maqanakuman yaykunankuta, chantá runakunata wañurachiyta qallarinankuta. Paykunataj llajta punkuta thuñina armakunata wakichenqanku, oqharillanqankutaj jallp'a moqokunata, chantá perqata wasaykuna torrekunata ima.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 26:8

Paykunataj mama qochaj kantunpi tiyakojkunataraj espadawan wañuchenqanku. Chaymantataj jallp'amanta moqota, escalerakunatawan ruwaspa, contraykipi kachaykamusonqanku.

Ezequiel 4:2

Chaymanta soldadokunawan muyuykuchinki, maqanakupaj armakunatawan ima. Jinallataj muyuyninpi perqanta jark'achatawan ruwaray, jap'inapaj muyuykusqa llajta jina rikukunanpaj.

Habacuc 1:10

Kuraj kamachejkunamanta alqochakunku, jinallataj may uyarisqa runakunamantapis. Sumaj perqawan jark'achasqa llajtakunamantapis asiykukunku. Perqata wasaykunankupaj jallp'a moqota oqharispataj, llajtata jap'inku.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

San Mateo 24:35

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.