Jeremías 32:23 - DIOSPA QHELQACHISQ

²³ Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Qheshwa Biblia DC

²³ Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.

DIOSPA QHELQACHISQAN DEUTEROCANONICAL

²³ Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 32:23 ပူးပေါင်းရင်းမြစ်များ

Esdras 9:7

Unaymantapacha kunankamaqa, may millayta juchallispa kawsayku. Chantá sajra kawsayniykurayku noqayku, jinallataj kuraj kamachejniykupis, sacerdoteykukunapis jaywasqa karqayku waj suyumanta kuraj kamachejkunaj makinkuman. Paykunataj wakinta wañuchiwarqayku, presochawarqayku, kapuyniykuta suwawarqayku, p'enqaypi rikhurichiwarqayku ima. Chantá kunankama ajinallapuni kawsashayku.

Nehemías 9:15

Paykunaman janaj pachamanta t'antatapis qollarqankitaj yarqhayninkupi sajsakunankupaj. Yakutapis chhankamanta phullchicherqanki ch'akiyninkuta thasnunankupaj. Chaymantataj kamacherqanki jallp'ata jap'ej yaykunankuta, mayqentachus tiluspa nerqanki qonaykita, chay jallp'ata.

Salmos 78:10

Israelitakunapis Dioswan trato ruwasqankuta mana junt'arqankuchu, nitaj yachachisqantapis kasuyta munarqankuchu.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Jeremías 26:4

Noqaj sutiypi kay jinata niy: Tata Dios nin: Qankunaqa kamachisqayta chantá nisqayta kasuspa junt'aychejpuni.

Jeremías 44:10

Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Lamentaciones 1:8

Jerusalenqa anchatapuni juchallikorqa. Chayrayku chejninapaj jinaman tukorqa. Payta jatunpaj qhawajkuna kunan pisipaj qhawanku, q'alalla kayninta rikusqankurayku. Chayrayku p'enqakuywan wasaman tijrakuspa, waqashan.

Ezequiel 20:18

Chaymantataj wawankukunata ch'innejpi nerqani: Ñawpa tataykichejkunaj kamachisqankuman jina ama puriychejchu, amataj yachachisqankutapis kasuychejchu, nitaj lantinkukunata yupaychaspa ch'ichichakuychejchu.

Ezequiel 20:21

Chaywanpis paykunaj churinkukunapis contrayta oqharikullarqankutaj. Mana kamachisqayman jinachu purerqanku, nitaj yachachisqaytapis kasorqankuchu. Manallataj junt'arqankuchu, mayqenkunata junt'aspachus runa kawsanqa, chaykunata. Samarina p'unchayniytapis pisipaj qhawarqanku. Chayrayku noqa ch'innejpi paykunaj patankuman k'araj phiñakuyniyta kachaykamuyta yuyarqani, ajinamanta paykunapi phiñakuyniyta thasnukunaypaj.

Ezequiel 20:8

Paykunatajrí contraypi oqharikorqanku, manataj uyariwayta munarqankuchu. Millay lantinkumanta ni pipis t'aqakorqachu, nitaj Egiptomanta apamusqanku lantikunatapis saqerqankuchu. Chayrayku noqa yuyarqani k'araj phiñakuyniyta patankuman kachaykuspa, kikin Egiptollapiraj paykunata ñak'arichiyta, phiñakuyniyta thasnukunaypaj.

San Lucas 17:10

Ajinallatataj qankunapis Diospa tukuy kamachisqanta ruwayta tukuytawankama, ninaykichej: Mana walej kamachichu kanchej, imaraykuchus ruwanallanchejta junt'anchej, nispa.

San Juan 15:14

Qankunataj kawsaqeykuna kankichej, sichus kamachisqayta kasunkichej chayqa.

Gálatas 3:10

Chaywanpis Moisespa kamachisqanta kasusqankurayku cheqanpaj qhawasqa kayta tukuy munajkunaqa maldicisqa kanku, imaraykuchus Diospa Qhelqachisqanpi nin: Pichus Diospa qhelqachisqan kamachisqakunamanta tukuyninta mana junt'ajqa maldicisqamin, nispa.

Santiago 2:10

Sichus pillapis tukuynin kamachisqata kasushaspa, Diospa kamachisqanmanta ujnillantapis p'akinman chayqa, chay runaqa tukuynin kamachisqakunata p'akisqanmanta juchachasqa kanqa.

Josué 21:43

Ajinata Tata Dios tukuynin israelitakunaman jallp'ata qoporqa, imaynatachus ñawpa tatankukunaman tiluspa nisqanman jina. Paykunataj chay jallp'ata jap'ispa, chaypi tiyakorqanku.

Josué 23:16

Ajina kanqa sichus Tata Dios qankunawan trato ruwasqanta mana junt'ankichejchu chayqa. Sitajchus Tata Diosta wasanchaspa waj dioskunata yupaychankichej, chantá qonqorikunkichej ima chayqa, Tata Dios qankunapaj phiñakonqa, manaraj imapitaj kay sumaj jallp'amanta chinkachisqa kankichej, nispa.