Jeremías 32:20 - DIOSPA QHELQACHISQ

²⁰ Qanmin t'ukuna imakunata, jinataj runaj mana jayk'aj rikusqanta Egiptopi ruwarqanki. Kunanpis Israelpi chay jinata ruwashallankirajpuni, jinataj tukuy kay pachapipis. Ajinata ruwasqaykirayku kunankama sutiykeqa manchay uyarisqa.

Qheshwa Biblia DC

²⁰ Qan rikunki milagrosta, Egiptopi may uyarisqamin, kunampis ruwashallankirajpuni, Israel chaupipis, waj runaspa chaupimpipis, jinamanta sutiykeqa may uyarisqa kashan.

DIOSPA QHELQACHISQAN DEUTEROCANONICAL

²⁰ Qanmin t'ukuna imakunata, jinataj runaj mana jayk'aj rikusqanta Egiptopi ruwarqanki. Kunanpis Israelpi chay jinata ruwashallankirajpuni, jinataj tukuy kay pachapipis. Ajinata ruwasqaykirayku kunankama sutiykeqa manchay uyarisqa.

Jeremías 32:20 ပူးပေါင်းရင်းမြစ်များ

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

1 Crónicas 17:21

Israel aylluyki jinaqa kay pachapi mana ujpis kanchu. Diosníy, aylluyki kananpaj preciota pagaspa qanmin Egiptomanta paykunata kacharicherqanki. Jatuchaj t'ukuna imakunata paykunapaj ruwarqanki, ñawpaqenkumantataj waj llajtayojkunata wijch'orqanki. Ajinata ruwasqaykirayku manchay uyarisqaman tukorqanki.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Nehemías 9:11

Chantá israelitakunaj ñawpaqenkupi mama qochata iskayman t'aqarqanki, chawpintataj ch'akipipuni chimparqanku. Egiptomanta soldadokunatatajrí ukhu qochaman chinkaykucherqanki.

Salmos 135:9

Payllataj runaj mana jayk'aj rikusqanta, may t'ukuna imakunata ima Egiptopi ruwarqa faraonpa contranta, chantá kamachinkunaj contrankuta ima.

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 7:3

Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Isaías 63:14

Tata Diospa Espíritun paykunaj michejninku karqa. Paykunata uywata jina vallenkunata pusarqa. Ajinata qan, Tata Dios, chaypacha israelita aylluykita pusaykacharqanki, tukuynejpi sutiyki uyarisqa kananpaj.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Daniel (hebreo) 6:28

28 (29) Chantá Daniel kamachejllapuni karqa, jinallataj allin rerqa kuraj kamachej Darío kamachishajtin, jinallataj Persiamanta kuraj kamachej Ciro kamachishajtinpis.

Daniel (hebreo) 9:15

Tukuyta Kamachej Diosniyku, aylluykita Egiptomanta orqhomuspa, qan jatun atiyniykita rikucherqanki. Ajinata ruwasqaykirayku, chaymantapacha kunankama sutiyki jatunpaj qhawasqa kashan. Noqaykutajrí juchallispa, millay kajta ruwarqayku.

Hechos 7:36

Moisés israelitakunata kacharichispa, may t'ukuna imakunata, runaj mana jayk'aj rikusqanta ima Egiptopi ruwarqa. Chantá Puka Mama Qochanejta, ch'innejta ima tawa chunka wata junt'ata pusarqa.

Deuteronomio 11:3

Egiptopi kuraj kamachej faraonpa contranta, chantá tukuy suyunpa contranta ima runa mana jayk'aj rikusqan t'ukuna ruwasqanta yuyarikullaychejtaj.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 6:22

Chaypacha Tata Diosqa Egiptopi faraonpa contranta, chantá ayllunpa contranta ima runaj mana jayk'aj rikusqanta, may t'ukuna imakunata ima rikushajtiyku ruwarqa.

Deuteronomio 7:19

Yuyarikuychej Tata Diosniykichejqa runaj mana jayk'aj rikusqan t'ukuna imakunata ruwaspa, jinataj may jina atiyninwan Egiptomanta orqhomususqaykichejta. Chaykunata qankuna rikorqankichej. Ajinallatataj Tata Diosqa, qankuna manchachikushankichej, chay tukuy suyuwan ruwanqa.