Jeremías 32:15 - DIOSPA QHELQACHISQ

¹⁵ Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Qheshwa Biblia DC

¹⁵ Tukuy Atiyniyoj Israelpa Señor Diosnin nin: Kay jallp'api rantillanqankupuni wasista, jallp'asta uvas huertastapis, nispa.

DIOSPA QHELQACHISQAN DEUTEROCANONICAL

¹⁵ Israelpa Tukuy Atiyniyoj Tata Diosnin nin: Kay suyupi watej wasikunata, jallp'akunata, uva huertakunatapis rantikullanqankutaj, nispa.

Jeremías 32:15 ပူးပေါင်းရင်းမြစ်များ

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 31:12

Tata Dios nillantaj: Chantá jamuspa, paykuna Sión orqo patapi kusiywan takenqanku. Noqa Tata Dios kay imakunawan paykunata saminchasqayrayku kusikonqanku: Trigowan, vinowan, aceitewan, ovejakunawan, wakakunawan ima. Paykunaqa sumaj qarpasqa huerta jina kanqanku, manañataj kallpankupis pisiyanqachu.

Jeremías 31:24

Judá suyoj llajtankunapi runakuna tiyakonqanku, tukuy llank'ajkuna, ovejakunata michejkuna ima.

Jeremías 31:5

Samaria orqokunapi watej uva huertata mallkinkichej. Pichus uva mallkejtaj poqoyninta mikhullanqataj.

Jeremías 32:14

Israelpa Tukuy Atiyniyoj Tata Diosnin kay jinata nin: Iskaynin trato ruwasqa papelkunata, chay sellasqa kajta, jinataj chay mana sellasqa kajtapis uj p'uñuman jallch'aykuy, chaypi unayta waqaychasqa kananpaj.

Jeremías 32:25

Chaywanpis, Tukuyta Kamachej Tata Dios, qanqa kamachiwarqanki testigokunaj rikunanta uj jallp'ata rantikunayta, kay llajtata Caldeamanta runakuna jap'inanku kashajtinpis, nispa.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Ezequiel 28:26

Chaypi paykuna ni imata manchachikuspa, tukuy sonqo tiyakonqanku. Wasikunata ruwakonqanku, uva sach'akunatapis churanqanku. Maypachachus Israel aylluypa qayllanpi tiyakojkunata jasut'isaj aylluyta pisipaj qhawasqankurayku chaypacha, Israel aylluy yachanqanku noqa Tata Diosninku kasqayta, nispa. Ajinata nin Tata Dios.

Zacarías 3:10

Chay p'unchay chayamojtintaj, ujkuna ujkuna wajyarinakunkichej, chantá uva sach'aj llanthunpi, jinataj higo sach'aj llanthun urapi mikhuspa samarikunkichej. Noqa Tukuy Atiyniyoj Tata Diosmin chayta nini.